Бүгін су тасқынына қарсы күресте өзінің батылдығы және азаматтық ұстанымдарымен ерекшеленген адамдарды марапаттау рәсімі өтті. Бұл адамдар жанқиярлық пен қиыншылыққа тап болғандарға көмектесуге дайын екендіктерін көрсетті.
Марапатталғандардың арасында еріктілер, өз өмірлерін қатерге тігуден қорықпаған құтқару мен ішкі істер қызметкерлері, сондай-ақ қиын жағдайда шетте қалмаған бизнес өкілдері болды. Олардың әрекеттері алғыс пен құрметке лайық.
««Жақсының жақсылығын айт нұры тасысын» деген ата-бабамыз. Жақсылық пен игілікті іс жасау – үлкен адамгершіліктің белгісі. Басқа адамдарға көмектесіп жүрген көптеген абзал жандар бар. Олар ортамызда отыр. Құрметті достар, су тасқынына қарсы күресте баға жетпес көмектеріңіз үшін шын жүректен алғысымды білдіргім келеді. Қиын уақытта көмекке келуге дайын екендеріңіз әр жанның жүрегінде ең жылы және жарқын сезімдерді қалдырады. Кез келген қиындықтар мен кедергілерді тек бірге жеңе алатынымызды есте ұстайық» деді өзінің сөзінде Көкшетау қаласының әкімі Бауыржан Ғайса.
Қала басшысы олардың әрқайсысына өз ісіне адалдығы мен қиын күндердегі жанқиярлық көмегі үшін шын жүректен ризашылығын білдіре отырып, бірлік пен ынтымақтастықта кез келген қиындық пен сынақты еңсеруге болатынын атап өтті.