ПЦР-тест тапсыру міндеттеледі
Өңiрде 13 қарашадан бастап жаңа карантиндiк шектеулер енгiзiледi. Ендi Көкшетау қаласына кiру үшiн басқа облыстардың тұрғындарына covid-19-ға терiс нәтижесi бар анықтама қажет. Қолданылу мерзiмi-үш күннен аспайды. Бұл туралы облыстың бас санитарлық дәрiгерi Айнагүл Мусина мәлiмдедi.
Оның айтуынша, тыйым 13 қарашадан бастап барлық көлiк түрлерiне, соның iшiнде темiржол көлiгiне де қатысты. Бұл тек басқа облыстардың тұрғындарына қатысты болады. Ақмолалықтар облыс аумағында кедергiсiз жүре алады. ПТР-тестiлеусiз келген адам қала аумағына кiрмейдi.
"Ендi Көкшетау қаласы, Красный Яр ауылы, Чайкино және Станционный кенттерi аумағы бойынша тұрғындардың және автокөлiк жүргiзушiлерiнiң 21:00 — ден 06: 00-ге дейiн жаяу жүруiне тыым салынады", — дейдi Айнагүл Мусина.
КВИ алдын алу жөнiндегi iс-шараларға қатысатын қызметтер мен ұйымдарға тыйым салынбайды. Полиция департаментi түнде жүруге рұқсат етiлген такси қызметтерiнiң тiзiмiн жариялайды.
"Автокөлiк жүргiзушiлерiне сағат 23:00 — ден 06:00-ге дейiн шектеу қойылады", — деп толықтырды бас санитарлық дәрiгер.
