Қазақстан Республикасының аумағында коронавирус инфекциясының пайда болуы мен таралуына жол бермеу жөніндегі ВАК-тың 2020 жылғы 7 желтоқсандағы хаттамасымен бекітілген
(ВАК-тың 2020 жылғы 14 желтоқсандағы хаттамасымен өзгерістер енгізілген)
шектеу іс-шараларын, оның ішінде карантин талаптарын сақтау бойынша бұзушылықтар анықталған кезде әкімшілік сипаттағы шараларды қолдану жөніндегі
1. Осы Алгоритм эпидемияға қарсы іс-шаралар, санитариялық-дезинфекциялық режим және халықтың санитариялық-эпидемиологиялық саламаттылығы саласындағы өзге де талаптар бөлігінде заңнама талаптарын бұзу белгілері анықталған кезде лауазымды адамдар мен өзге де субъектілердің әкімшілік сипаттағы шараларды қолдануды бастау және жүзеге асыру тәртібін айқындайды.
2. Мониторингтік топтар (бұдан әрі – МТ) «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңына және Қазақстан Республикасының аумағында COVID-19 пайда болуы мен таралуына жол бермеу жөніндегі Ведомствоаралық комиссияның 2020 жылғы 18 мамырдағы отырысының хаттамасына сәйкес тиісті әкімшілік-аумақтық бірліктерде жергілікті атқарушы органдармен құрылады.
МТ құрамына жергілікті атқарушы органдардың, ішкі істер органдарының (бұдан әрі – ІІО) өкілдері, қоғам және еріктілер, сондай-ақ басқа да мүдделі тұлғалар енгізіледі.
МТ-ның дербес құрамы рейдтік іс-шаралар басталғанға дейін ауданның немесе облыстық маңызы бар қаланың жергілікті атқарушы органының интернет-ресурсында жарияланады.
МТ-ның мақсаты – заңды және жеке тұлғалардың коронавирус инфекциясының таралу қаупінің туындауына жол бермеуге бағытталған санитариялық-эпидемияға қарсы, санитариялық-профилактикалық және шектеу іс-шараларын сақтауына мониторинг жүргізу.
Тиісті аумақта халықтың санитариялық-эпидемиологиялық саламаттылығы саласындағы мемлекеттік орган ведомствосының аумақтық бөлімшесінің (бұдан әрі – СЭБ) мақсаты – эпидемияның таралу қаупінің туындауына жол бермеу.
Жергілікті атқарушы органдар (әкімдіктер) топтардың қызметін жалпы үйлестіру мен бақылауды жүзеге асырады.
СЭБ санитариялық-эпидемиологиялық талаптардың сақталуына қатысты жоспардан тыс тексерулер жүргізеді, дәлелдемелер базасын жинайды, хаттамалар жасайды, әкімшілік құқық бұзушылық туралы істерді қарайды және қолданыстағы заңнамаға сәйкес жауапкершілікке тартады.
ІІО рейдтік іс-шараларды өткізу кезінде қоғамдық тәртіпті қамтамасыз етеді, мониторингтік топ құрамында әкімшілік құқық бұзушылықтарды анықтайды және тіркейді, сондай-ақ әкімшілік құқық бұзушылық фактісін куәландыратын материалдарды СЭБ органдарына береді.
Қоғам өкілдері мен еріктілер карантин режимін бұзу фактілерін тіркейді және қажетті дәлелдемелерді жинауға көмек көрсетеді, сондай-ақ карантин шараларының бұзылуы туралы мобильді байланыс немесе электрондық пошта арқылы Үйлестіру орталығына хабарлайды.
Үйлестіру орталығы (бұдан әрі – ҮО) – жергілікті атқарушы орган айқындаған денсаулық сақтау ұйымы.
ҮО-ның мақсаты – мониторингтік топтардан және қоғамдық мониторинг топтарынан ақпарат қабылдау және ақпаратты, оның ішінде шұғыл хабарламаларды СЭБ органдарына уақтылы беру.
3. Қоғамдық мониторинг – құрамына еріктілер енгізілген МТ жүзеге асыратын мониторинг. Оның құрамы жергілікті атқарушы органмен айқындалады.
4. Әкімшілік құқық бұзушылық туралы іс қозғауға мыналар негіз болып табылады:
5. МТ қолда бар ақпаратты, оның ішінде шағымдарды, бұқаралық ақпарат құралдарындағы жарияланымдарды, белгілі бір аумақта немесе объектіде эпидемиологиялық ахуалдың нашарлауы туралы СЭБ деректерін, карантин шараларын бұзудың ықтимал тәуекелдері туралы өзге де мәліметтерді, сондай-ақ жүктемені ескере отырып, мониторинг жүргізілетін аумақ учаскесін, объектілер тізбесін, шағын аудандар мен көшелердің атауларын айқындайды.
Бұл мәліметтер ведомстволық сайттарда орналастырылмайды және бұқаралық ақпарат құралдарында, әлеуметтік желілерде, мессенджерлерде немесе телефон арқылы таратылмайды.
6. Рейд барысында МТ мынадай бұзушылықтардың болуына мониторинг жүргізеді:
7. Рейдтік іс-шаралар мен патрульдеу барысында жеке және заңды тұлғалардың шектеу іс-шараларын, карантин режимін, эпидемияға қарсы шараларды, санитариялық-дезинфекциялық режимді және заңнаманың өзге де талаптарын бұзу белгілері анықталған кезде ІІО қызметкерлері материалдарды кейіннен ӘҚБтК-нің 802-бабында белгіленген тәртіппен СЭБ органдарына жіберу үшін жинау шараларын қабылдайды.
Бұзушылық анықталған барлық жағдайларда әкімшілік құқық бұзушылық фактісін растайтын деректерді жинау қажет. Атап айтқанда, құқық бұзушыдан ерікті түсініктеме алу, құқық бұзушылық фактісін техникалық құралдармен, оның ішінде фото және бейнежазба арқылы тіркеу қажет.
8. Материалдар СЭБ органдарына ілеспе хатпен жіберілген кезде оларға ІІО қызметкерінің құқық бұзушылықтың мән-жайы баяндалған рапортының көшірмесі қоса беріледі.
Рапортта мыналар көрсетілуге тиіс:
Құқық бұзушының деректері оның ерікті түрде ұсынуы арқылы немесе ІІО-ның ақпараттық жүйелерінен анықталады.
Карантин режимін бұзуға жедел ден қою қажет болған жағдайда ІІО қызметкерлері СЭБ органдарының жоспардан тыс тексеру жүргізуі үшін бұзушылық туралы ҮО-ға уақтылы хабарлауға және бір мезгілде бұзушылықты тіркеуді қамтамасыз етуге тиіс.
9. Әкімшілік құқық бұзушылықтар туралы материалдарды уақтылы беру мен қабылдауды бақылауды қамтамасыз ету мақсатында СЭБ және ІІО басшылары жауапты тұлғаларды айқындайды.
10. Жеке және заңды тұлғалардың шектеу іс-шараларын, карантин режимін және эпидемияға қарсы іс-шаралар бөлігіндегі заңнама талаптарын бұзу фактілері анықталған кезде мониторингтік топтар мен еріктілер рейдтік іс-шаралар барысында әкімшілік құқық бұзушылық белгілерін көрсететін жеткілікті деректерді, оның ішінде фото және бейнематериалдарды жинау шараларын қабылдайды.
Жиналған материалдар кейіннен ӘҚБтК-нің 802-бабында белгіленген тәртіппен СЭБ органдарына жіберіледі.
Бұзушылық анықталған барлық жағдайларда құқық бұзушылықтың жасалғанын растайтын дәлелдемелерді жинау ұсынылады.
11. Жеке және заңды тұлғалардың шектеу іс-шараларын, карантин режимін, эпидемияға қарсы шараларды, санитариялық-дезинфекциялық және карантин режимін бұзу фактілері бойынша МТ мен қоғамдық мониторингтен ӘҚБтК-нің 802-бабында белгіленген тәртіппен келіп түскен материалдар ӘҚБтК-нің 425-бабы бойынша әкімшілік құқық бұзушылық туралы іс қозғау үшін іс жүргізуге қабылданады.
12. Шектеу шаралары мен карантин кезеңінде жұмыс істейтін объектілерде санитариялық-эпидемияға қарсы және санитариялық-профилактикалық іс-шаралар талаптарының бұзылуы анықталған жағдайда МТ материалдарды Қазақстан Республикасы Денсаулық сақтау министрінің 2020 жылғы 10 қазандағы № ҚР ДСМ-123/2020 бұйрығына сәйкес ҮО-ға мобильді байланыс немесе электрондық пошта арқылы бір сағат ішінде жібереді.
Растайтын материалдар кейіннен екі сағат ішінде ұсынылады.
13. ҮО ақпаратты немесе материалдарды алғаннан кейін оларды бір сағат ішінде мобильді байланыс немесе электрондық пошта арқылы бұйрықпен бекітілген нысанға сәйкес СЭБ-ке жібереді.
Шұғыл хабарлама Қазақстан Республикасы Денсаулық сақтау министрінің 2020 жылғы 30 қарашадағы № ҚР ДСМ-220/2020 бұйрығымен бекітілген санитариялық-эпидемиологиялық қадағалауға жататын эпидемиялық маңызы бар объектілер тізбесінде көзделген объектілерге қатысты ғана ресімделеді.
14. Ақпаратты немесе шұғыл хабарламаны алғаннан кейін СЭБ тексерілетін субъектіге алдын ала хабарламай, объектіге жоспардан тыс тексеру жүргізеді.
Тексеруді тағайындау туралы акт Кәсіпкерлік кодекстің 144-бабының 6-тармағына сәйкес құқықтық статистика және арнайы есепке алу саласындағы уәкілетті органда келесі жұмыс күні ішінде тіркеледі.
СЭБ Қазақстан Республикасы Денсаулық сақтау министрінің 2020 жылғы 3 қарашадағы № 696 «Кейбір объектілерге жоспардан тыс тексерулер жүргізу туралы» бұйрығына сәйкес шағын және микрокәсіпкерлік субъектілеріне қатысты жоспардан тыс тексерулерді тағайындайды және жүргізеді.
15. СЭБ лауазымды адамдары анықталған бұзушылықтарды жою туралы нұсқамаларда тиісті әкімшілік-аумақтық бірліктердің бас мемлекеттік санитариялық дәрігерлерінің қаулыларына сәйкес шектеу іс-шараларын, оның ішінде карантин талаптарын сақтау қажеттігін міндетті түрде көрсетуге тиіс.
Бұл талаптар:
16. СЭБ санитариялық қағидаларды жүйелі және қасақана бұзған, сондай-ақ ӘҚБтК-нің 425-бабының 1-бөлігі бойынша бірнеше рет әкімшілік жауапкершілікке тартылған субъектілер туралы аумақтық прокурорларды хабардар етуге тиіс.
17. Адамның өмірі мен денсаулығына, жеке және заңды тұлғалардың, мемлекеттің заңды мүдделеріне зиян келтіру немесе зиян келтіру қаупі туралы нақты фактілер болған жағдайда және олар карантиндік шектеулерді жүйелі түрде бұзумен қатар жүріп, жедел шаралар қабылдауды талап етсе, прокуратура санитариялық-эпидемиологиялық саламаттылық саласындағы органдарға тиісті тексерулер жүргізуді тапсыру туралы мәселені қарайды.
Бұл ретте шағын және микрокәсіпкерлік субъектілерінің қызметі ерекшелік ретінде қарастырылады.
18. Заңды талаптар, берілген нұсқамалар немесе қаулылар орындалмаған немесе тиісінше орындалмаған жағдайда және ӘҚБтК-нің 462-бабының 3-бөлігі бойынша іс қозғалған кезде СЭБ материалдарды сотқа жібереді.
19. Объектіде анықталған бұзушылықтар үшін ӘҚБтК-нің 425-бабының 1-бөлігі бойынша әкімшілік жауапкершілік тек халықтың санитариялық-эпидемиологиялық саламаттылығы саласындағы тексеру парағында көзделген бұзушылықтар бойынша туындайды.
Бұл талап шектеу іс-шаралары, оның ішінде карантин енгізілген және инфекциялық аурулар таралған кезде мемлекеттік санитариялық-эпидемиологиялық бақылау мен қадағалауға жататын объектілерге қатысты қолданылады.
Тексеру парағы Қазақстан Республикасы Денсаулық сақтау министрінің 2020 жылғы 5 шілдедегі № ҚР ДСМ-77/2020 және Қазақстан Республикасы Ұлттық экономика министрінің 2020 жылғы 6 шілдедегі № 52 бірлескен бұйрығымен бекітілген.
20. Осы Алгоритмнің орындалуына тиісті аумақтағы жергілікті атқарушы органдардың, ішкі істер органдарының және СЭБ органдарының бірінші басшылары жауапты болады.
Кеңсе қолы
19.12.2020 ж., сағат 12:35
НҰРЛЫБАЕВА ДИНАРА
Басшының қолы
19.12.2020 ж., сағат 12:35
ТҰҒЖАНОВ ЕРАЛЫ