Мемлекеттiк қызметке қабылдау қоғам мен мемлекет тарапынан ерекше сенiм бiлдiру болып табылады және мемлекеттiк қызметшiлердiң моральдық-этикалық бейнесiне жоғары талаптар қояды. Қоғам өздерiнiң барлық күштерiн, бiлiмi мен тәжiрибесiн кәсiби қызметке жұмсайды, өз Отаны — Қазақстан үшiн әдiл және адал қызмет етедi деп есептейдi.
Еңбек объектiсi тiкелей адам болатын кәсiби қызмет түрлерiнiң алуан түрлiлiгi этикалық нормаларды жасауды талап еттi. Мемлекеттiк қызметшiнiң әдебi — қайнар көзi мемлекеттiлiктiң қалыптасу уақытына жататын кәсiби әдептiң бiр түрi. Әдептiң осы түрiнiң әлеуметтiк-құқықтық мәртебесi мемлекетпен және оның азаматтарымен ерекше қатынастар мен мiндеттемелерге негiзделген.
«100 нақты қадам» Ұлт жоспарында белгiленген кәсiби мемлекеттiк аппаратты қалыптастыру бойынша 12-қадамды iске асыру шеңберiнде Мемлекеттiк қызметшiлердiң әдеп кодексi және Әдеп жөнiндегi уәкiл туралы ереже әзiрлендi және бекiтiлдi.
Қазақстан Республикасы мемлекеттiк қызметшiлерiнiң әдеп кодексi жалпы қабылданған моральдық-этикалық нормалармен мемлекеттiк қызметшiлердiң моральдық-этикалық бейнесiне қойылатын негiзгi талаптарды, сондай-ақ олардың мiнез-құлқының базалық стандарттарын белгiлейдi. Кодекс қоғамның мемлекеттiк органдарға деген сенiмiн нығайтуға, мемлекеттiк қызметтегi өзара қарым-қатынастардың жоғары мәдениетiн қалыптастыруға және мемлекеттiк қызметшiлердiң әдепке сай емес мiнез-құлқының алдын алуға бағытталған.
Демократиялық қоғам мемлекеттiк қызметшiлердiң iс-әрекеттерi мен мiнез-құлқының мiнсiз болуына қамқорлық жасауы тиiс. Дамыған елдер әдеп және мемлекеттiк қызметшiлердiң мiнез-құлық кодексi мәселелерiн ерекше маңызға ие сала деп мойындады.
Мемлекеттiк қызметшiнiң әдебi — бұл мiнез-құлық нормаларының жүйесi, iс-әрекет тәртiбi мен ережелерi, мемлекеттiк қызмет қатынастарындағы өзара қарым-қатынастар мен қағидаттар, олар осы қоғамға тиесiлi неғұрлым жарамды, терең саналы және нақты жиынтықты бiлдiредi және жалпыадамзаттық мораль нормалары болып табылады.
Бұл ретте мемлекеттiк қызметшiлер басшылыққа алуға тиiс Әдеп кодексi жалпы қабылданған моральға сүйенiп қана қоймай, қызметтiк iс-әрекеттiң, мiндеттер мен өкiлеттiктердiң ерекшелiктерiне сәйкес оларға жүктелетiн талаптарды нақтылайды. Бұл мемлекеттiк қызметшi әдебiнiң мәнi.
Ақмола облысы
қаржы басқармасының
әдеп жөнiндегi уәкiлi
Т. Ю. Белая