Заңды тұлғалар үшін БЖЗҚ-дан жаңалықтар

Бірыңғай жинақтаушы зейнетақы қоры халық арасында зейнетақы жүйесіне қатысты барлық мәселелер бойынша салымшыларды хабардар ете отырып, белсенді түсіндіру жұмыстарын жүргізуді жалғастырып келеді.

Сонымен 2022 жылдың 29 қыркүйегінде БЖЗҚ онлайн форматта «ЕАЭО-ға қатысушы елдердің еңбекшілерін зейнетақымен қамсыздандыру туралы келісім. Міндетті зейнетақы жарналарын төлеу жөніндегі агенттер – жұмыс берушілер үшін Қордың электрондық сервистерін дамыту» тақырыбында кезекті Ашық есік күнін өткізді.

Мақсатты аудитория: заңды тұлғалардың, оның ішінде шағын және орта бизнестің өкілдері.

Іс-шараның мақсаты:

-        ҚР зейнетақы жүйесімен таныстыру;

-        ЕАЭО-ға қатысушы елдерде зейнетақымен қамсыздандыру туралы Қазақстан Республикасы халқының хабардарлығын арттыру және ақпараттық-түсіндіру жұмыстарын жүргізу;

-        қатысушыларды «Заңды тұлғаның кабинеті» сервисінің қосымша функцияларымен және мүмкіндіктерімен таныстыру.

Іс-шараны өткізу кезінде ұйымдастырушылар ЕАЭО елдерінде қызметін жүзеге асыратын еңбек мигранттарының зейнетақы құқықтары қалай іске асырылатыны жөнінде, еңбекшілердің өздері, сол сияқты олардың жұмыс берушілері нені білу және не істеу керектігі жөнінде толық айтып берді. Сондай-ақ қатысушылар сайтта «Заңды тұлғаның кабинеті» бөлімінде қандай жаңа функциялар пайда болғаны және мұның жеке кәсіпкерлер үшін неліктен маңызды екені туралы хабардар болды.

Бұдан бөлек, өңірлік бөлімшелердің жауапты қызметкерлері қатысушылардың сұрақтарына жауап беріп, іс-шара қатысушыларына жеке кеңестер берді.

Онлайн-кездесу орта және шағын бизнес бөлігінде жұмыс берушілердің, сондай-ақ салымшылар мен алушылардың үлкен қызығушылығына ие болды.