Страницы

Статья

КВИ БОЙЫНША ЭПИДЕМИОЛОГИЯЛЫҚ ЖАҒДАЙ ТУРАЛЫ.

2022 жылдың сәуір айының басындағы коронавирустық инфекция (бұдан әрі – COVID-19) сырқаттанушылық бойынша эпидемиологиялық жағдай салыстырмалы түрде қолайлы. Өткен аптада сырқаттану жағдайы тіркелген жоқ, ағымдағы жылдың басынан бері барлығы 865 зертханалық расталған COVID-19 жағдайы тіркелді, оның 821-і белгілері бар, 44-і симптомсыз. Ақмола облысы да, Есіл ауданы да жасыл аймақта.

Наурыз айында Ақмола облысында COVID-19 инфекциясының зертханалық расталған 74 жағдайы тіркелді, оның 9-ы (12,2%) Есіл ауданында.

Наурызда COVID-19 ауруының күрт төмендеуі ақпанмен (264) – 29,3 есеге, 2021 жылғы наурызбен (43) салыстырғанда 4,7 есеге төмендеді. Жас бойынша: 14 жасқа дейінгі балалар – 2 (22,2%), 60 жастан асқандар – 3 (33,3), 18-29, 30-39, 40-49, 50-59 жас топтарында 1 жағдайда – 11,1%. Аумақ бойынша Есіл қаласында – 6 (66,6%), Юбилейное ауылында – 2 (22,2%), Свободный ауылында – 1 (11,1%).

Ауданда COVID-19 инфекциясына қарсы екпе және ревакцинация жұмыстары жалғасуда. Вакцинацияның 1 құрамымен жатқызылған контингенттен 72,8%, жалпы халық санынан 51,4%, аяқталған вакцинациямен сәйкесінше 71,8% және 50,7% қамтыды, ревакцинациямен қамту 60,5%.

12-17 жас аралығындағы жасөспірімдерді Pfizer «Комирнати» вакцинасымен қамту 24,8%, аяқталған вакцина 19,7% құрайды. 16-37 апталық жүкті әйелдерді қамту – 10,0%, аяқталған вакцинация 7,8%, бала емізетін аналар сәйкесінше 28,5% және 24,7%.

Ауданда вакцинаның 3 түрі бар: Қазақстандық – Казвак, Синопарм – Вераселл, Пфайзер – Комирнати. Сонымен қатар, Pfizer Комирнати вакцинасымен егу және ревакцинация барлығына бірдей жүргізілетінін хабарлаймыз.

Қазіргі уақытта эпидемиологиялық процестің белсенділігінің төмендеуі, аурушаңдықтың болмауы егу мен ревакцинация үшін өте қолайлы кезең, тұрғылықты жері бойынша медициналық ұйымдарға хабарласуды ұсынамыз.

Екпеге келетін болсақ, егде жастағы адамдарға және созылмалы аурулары бар адамдарға жергілікті учаскелік дәрігерлермен кеңесіп, вакцинация мәселесін шешуді ұсынамын, өйткені ауырған жағдайда қатар жүретін аурулар оның ағымын нашарлатады, сонымен қатар, сауыққаннан кейіегі оңалту кезеңіндегі қиындықтарды есте сақтау керек.

Сондықтан вакцинация науқаны жүріп жатқанда, екпе алу мүмкіндігін пайдаланыңыз. Сондай-ақ, барлық профилактикалық шараларды сақтауды ұсынамыз, соңғы 2 жылда үйренген дағдыларыңызды ұмытпаңыз.

Дата публикации

08 апреля 2022

Дата обновления

08 апреля 2022

Тип

Ақпарат