2022-2025 жылдары Қазақстанда 62 млн шаршы метр тұрғын үй салынады деп күтілуде

2022-2025 жылдары Қазақстанда 62 млн шаршы метр тұрғын үй салынады деп күтілуде

28 наурызда ҚР Премьер-министрі Әлихан Смайыловтың төрағалығымен Нұр-сұлтан қаласында дағдарысқа қарсы шаралар жөніндегі жедел штабтың кезекті отырысы өтті. Кеңес барысында Қазақстан Республикасының Құрылыс және тұрғын үй салаларын дамыту перспективалары қаралды.

Индустрия және инфрақұрылымдық даму министрлігінің алдын ала болжамдары бойынша, 2022-2025 жылдар кезеңінде Қазақстанда 62 млн шаршы метр тұрғын үй салу күтілуде. Бұдан басқа, 5201 мемлекеттік нысанның құрылысы жүргізілуде, оның 2137-сі мемлекеттік қаражат есебінен салынуда.

Қазіргі уақытта 286 нысанның құрылысы тоқтатылды. 84 нысан бойынша жұмыстарды тоқтату себебі қымбаттауы болды, 202 Басқа себептер бойынша тоқтатылды (ауа райы жағдайлары, маусымдық шектеулер және т.б.). ҚР ИИДМ министрі Қайырбек Өскенбаев түсіндіргендей, әрбір нысан бойынша жағдай талданды, жұмыстарды қайта бастау мүмкіндіктері қарастырылуда.

ҚР Премьер-Министрі объектілер құрылысына мемлекеттік конкурстардың жосықсыз ұйымдастырушыларын жауапкершілікке тарту бойынша шаралар қабылдауды тапсырды.

"Бюджеттік қаржыландырусыз құрылысқа конкурстар жарияланады. Бұл озбырлық. Кінәлі тұлғалардың тиісті жауапкершілігін қарастыру қажет", - деді Әлихан Смайылов. Сондай-ақ, мемлекеттік құрылысқа жұмсалатын шығындарды азайту мақсатында Премьер-Министр Индустрия және инфрақұрылымдық даму министрлігіне мүдделі мемлекеттік органдармен және ұйымдармен бірлесіп, жобалау-сметалық құжаттама құнының баға белгіленуіне талдау жүргізуді тапсырды.