"Есіл ауданының экономика және қаржы бөлімі" ММ мемлекеттік қызмет көрсету мәселелері бойынша қызметі туралы 2021 жылғы есебі

"Есіл ауданының экономика және қаржы бөлімі" ММ мемлекеттік қызмет көрсету мәселелері бойынша қызметі туралы       2021 жылғы есебі

1.Жалпы ереже

1) Көрсетілетін қызметті беруші туралы мәлімет.

"Есіл ауданының экономика және қаржы бөлімі" ММ қызметінің негізгі бағыты мемлекеттік органдардың қызметін ведомствоаралық және салааралық үйлестіру, аудан бюджетін жоспарлау және атқару, сондай-ақ мемлекеттік қызмет көрсету негізінде әлеуметтік-экономикалық саясат саласындағы функцияларды іске асыру болып табылады.

Мемлекеттік қызметтер көрсету кезінде бөлім Қазақстан Республикасының Конституциясына негізделген және стандарттармен бекітілген "Мемлекеттік көрсетілетін қызметтер туралы" 2013 жылғы                       15 сәуірдегі № 88-V Қазақстан Республикасының Заңын басшылыққа алады.

2) Мемлекеттік көрсетілетін қызметтер туралы ақпарат.

2021 жылы "Мемлекеттік корпорация" арқылы мемлекеттік қызметтің             1 түрі тегін көрсетілді.

№	Атауы	Көрсетілген мемлекеттік қызметтер саны
1.	Экономика саласындағы «Ауылдық елді мекендерге жұмыс істеуге және тұруға келген денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен саласындағы мамандарға, ауылдар, кенттер, ауылдық округтер әкімдері аппараттарының мемлекеттік қызметшілеріне әлеуметтік қолдау шараларын ұсыну»	13
	2021 жылы көрсетілген барлық мемлекеттік қызметтер	13

 

2. Қызмет алушылармен жұмыс

1) Мемлекеттік қызмет көрсету тәртібі туралы ақпаратқа қол жеткізу көздері мен орындары туралы мәліметтер.

Қызмет алушыларды мемлекеттік қызмет көрсету тәртібі туралы хабардар етуді қамтамасыз ету мақсатында мемлекеттік қызмет көрсететін барлық мемлекеттік органдарда мемлекеттік қызмет көрсету стандарттары, өтініш үлгілері орналастырылған стендтер жабдықталған.

Есіл ауданының ресми интернет-ресурсында «Мемлекеттік көрсетілетін қызметтер» бөлімі жұмыс істейді, онда мемлекеттік көрсетілетін қызметтер стандарттары, шағымдану тәртібі, көрсетілетін қызметті берушілердің байланыс деректері, сондай-ақ қызметтерді онлайн форматта алу жөніндегі нұсқаулықтар орналастырылған.

Мемлекеттік қызмет көрсету мәселелері жөніндегі анықтама қызметтерінің байланыс телефондары: www. economy. gov. kz, Бірыңғай байланыс орталығы 1414, 88000807777.Көрсетілетін қызметті алушының электрондық цифрлық қолтаңбасы болған жағдайда, Мемлекеттік көрсетілетін қызметті портал арқылы электрондық нысанда алу мүмкіндігі бар

2) Мемлекеттік қызмет көрсету тәртібін айқындайтын заңға тәуелді нормативтік құқықтық актілердің жобаларын ашық талқылау туралы ақпарат.

"Мемлекеттік көрсетілетін қызметтер туралы" Қазақстан Республикасы Заңының 15-бабына сәйкес, заңға тәуелді нормативтік құқықтық актілердің жобаларын жария талқылау, мемлекеттік қызметтер көрсету тәртібін айқындайтын, жеке және заңды тұлғалардың құқықтары, бостандықтары мен заңды мүдделері заңға тәуелді нормативтік құқықтық актілермен қозғалатын ескертулері мен ұсыныстарын есепке алу мақсатында жүргізіледі. Жыл сайын жария талқылаулар бойынша есептер Есіл ауданы әкімінің сайтында орналастырылады, онда аудан тұрғындары есептермен өз бетінше таныса алады, сондай-ақ сұрақтар қойып, түсініктемелер қалдыра алады.

3) Мемлекеттік қызмет көрсету процесінің ашықтығын қамтамасыз етуге бағытталған іс-шаралар (түсіндіру жұмыстары, семинарлар, кездесулер, сұхбат және басқалар).

Мемлекеттік қызметтердің қолжетімділігі мақсатында оларды көрсету сапасын арттыру бойынша бірқатар іс-шаралар өткізілді:

- жергілікті мемлекеттік органның қатысуымен 2 Тікелей эфир өткізілді;

- аудандық "Есіл инфо" газетінде Мемлекеттік қызмет көрсету тәртібі туралы 2 мақала жарияланды;

- Facebook әлеуметтік желілерінің беттерінде мемлекеттік қызмет көрсету тәртібі, мерзімі және орнын түсіндіру бойынша 19 мақала жарияланды.

  Компьютермен, сканермен, принтермен, картридждермен жабдықталған "Өзіне-өзі қызмет көрсету бұрышы" бар.

 

3. Мемлекеттік қызметтер көрсету

процестерін жетілдіру жөніндегі қызмет.

 

1) Мемлекеттік қызмет көрсету процестерін оңтайландыру және автоматтандыру нәтижелері.

"Мемлекеттік көрсетілетін қызметтер туралы" Қазақстан Республикасы Заңының 11-бабына сәйкес облыстардың, республикалық маңызы бар қалалардың, астананың, аудандардың, облыстық маңызы бар қалалардың жергілікті атқарушы органдары, қаладағы аудандардың, аудандық маңызы бар қалалардың, кенттердің, ауылдардың, ауылдық округтердің әкімдері ақпараттандыру саласындағы уәкілетті органмен келісу бойынша Қазақстан Республикасының заңнамасына сәйкес мемлекеттік қызметтер көрсету процестерін оңтайландыру және автоматтандыру жөнінде шаралар қабылдайды.

2) Мемлекеттік қызмет көрсету саласындағы қызметкерлердің біліктілігін арттыруға бағытталған іс-шаралар.

Мемлекеттік қызмет көрсету мәселелері бойынша «Қазақстан Республикасы Президентінің жанындағы Мемлекеттік басқару Академиясы» РМҚК Ақмола облысы бойынша  филиалында 2 қызметкер біліктілігін арттырудан өтті.

3) Мемлекеттік қызмет көрсету процестерін нормативтік – құқықтық жетілдіру.

Мемлекеттік қызмет көрсету үдерістерін нормативтік – құқықтық жетілдіру бойынша ұсыныстар Ақмола облысы Есіл ауданы әкімінің аппаратына жолданады.

 

4. Мемлекеттік қызмет көрсету сапасын бақылау.

1) Мемлекеттік қызмет көрсету мәселелері бойынша көрсетілетін қызметті алушылардың шағымдары туралы ақпарат (қосымша).

2021 жылы мемлекеттік қызмет көрсету туралы шағымдар анықталған жоқ.

2) Мемлекеттік қызмет көрсету сапасын ішкі бақылау нәтижелері.

Есіл ауданы әкімі аппаратының мемлекеттік қызмет көрсетуді талдау бөлімімен Қазақстан Республикасының Мемлекеттік қызмет көрсету саласындағы заңнамасын сақтау бойынша бақылау іс-шарасы өткізілді.

Қазақстан Республикасының Мемлекеттік қызметтер көрсету саласындағы заңнамасын бұзушылықтар анықталған жоқ.

Тексеру нәтижелері бойынша ұсыныстар берілді:

Артық құжаттарды талап етуге жол бермеу бойынша жұмыс жүргізу.

3) Мемлекеттік қызмет көрсету сапасын бағалау және бақылау жөніндегі уәкілетті орган жүргізген мемлекеттік қызметтер көрсету сапасын бақылау нәтижелері.

2021 жылы Есіл ауданында мемлекеттік қызмет көрсету сапасын бағалау және бақылау жөніндегі уәкілетті органмен мемлекеттік қызмет көрсету сапасын бақылау бойынша іс-шаралар жүргізілген жоқ.

4) Мемлекеттік қызмет көрсету сапасына қоғамдық мониторинг нәтижелері.

Қоғамдық мониторинг нәтижелеріне сәйкес, Есіл ауданы бойынша               2021 жылы мемлекеттік қызмет көрсету сапасына мемлекеттік қызмет көрсету мерзімдерінің бұзылуы анықталған жоқ.

5.Мемлекеттік қызмет көрсетудің одан әрі тиімділігінің перспективалары және сапасына көрсетілетін қызметті алушылардың қанағаттануын арттыру.

Мемлекеттік қызмет көрсету сапасын арттыру мақсатында 2022 жылға келесі іс-шаралар жоспарланған:

1. мемлекеттік қызметтерді көрсету мерзімдерін бұзушылықтарға жол бермеу бойынша шаралар қабылдау, мемлекеттік қызметтерді уақтылы көрсету бойынша күнделікті мониторинг жүргізу;
2. мемлекеттік көрсетілетін қызметтерді "электрондық үкімет"порталы арқылы алу мүмкіндіктері туралы тұтынушыларды танымал ету және хабардар ету жөніндегі іс-шараларды жүргізу;
3. мемлекеттік көрсетілетін қызметтер стандарттарының қолжетімділігін қамтамасыз ету: ақпараттық стендтерді жаңарту;
4. мемлекеттік қызметтер көрсету тәртібі мен мерзімдерін түсіндіре отырып, тікелей эфирлер өткізу;
5. мемлекеттік қызметтер көрсету сапасы мәселелері жөніндегі қоғамдық кеңестерге қатысу;
6. негізсіз бас тарту фактілеріне жол бермеу;
7. "Электрондық үкімет" порталы, Мемлекеттік корпорация арқылы мемлекеттік қызмет көрсетуді ұлғайту;
8. онлайн жәрмеңкелер өткізу;
9. Мемлекеттік қызмет көрсету кезінде қолданылатын ескірген компьютерлік техниканы жаңарту.

Есіл ауданының экономика және қаржы бөлімінің 2021 жылғы есебін талқылау бойынша ұсыныстар, ескертулер, ұсыныстар электрондық пошта арқылы қабылданады esil_ef@aqmola.gov.kz, телефон бойынша 87164721672.