Ақмола облысында балалар мен жасөспірімдер арасында КВИ аурушаңдығы.

Ақмола облысында балалар мен жасөспірімдер арасында КВИ аурушаңдығы.

Бүгінгі таңда мектеп оқушылары арасында КВИ ауруының төмендегені байқалады. Бұл туралы брифинг барысында Ақмола облысының Бас мемлекеттік санитариялық дәрігері Айнагүл Мусина хабарлады. Күніне 2-10 жағдай тіркеледі. Егер ағымдағы жылғы қаңтар айында оқушылар арасында 1620 жағдай, ақпанда – 593 жағдай тіркелген болса, қазір 2,7 есеге төмендеу байқалады.

Тәулігіне 7 жағдай тіркелді: Ақкөл (1), Астрахан (1), Бурабай (1), Есіл (1), Жарқайың (1), Целиноград аудандарында (1), Көкшетау қаласы (1).

Ағымдағы жылдың қаңтар айында оқу орындарында КВИ жағдайларын шұғыл хабарлау бойынша 108 жоспардан тыс тексеру жүргізілді. Анықталған карантиндік шектеу шараларының бұзушылықтары бойынша 544,8 мың теңге сомасына 12 айыппұл салынды.

Қашықтықтан оқыту форматына көшірілген сыныптар жоқ.

Сондай-ақ, мектеп жасына дейінгі балалар арасында COVID-19 ауруының төмендегені байқалады: егер ағымдағы жылдың қаңтар айында 198 жағдай болса, соңғы тәулікте коронавирус инфекциясы тіркелмеген.

2021-2022 оқу жылының басынан бастап ОАОО студенттері арасында 337 жағдай, оның ішінде штаттық режимде студеттер арасында 269 (80%), қашықтан оқытуда 68 (20%) жағдай тіркелген.

ЖОО студенттері арасында 44 жағдай, оффлайн-19 жағдай тіркелген.