Туроператорлар жалған вакцинация төлқұжаттарын сатты

Туроператорлар жалған вакцинация төлқұжаттарын сатты

- ІІМ ресми өкілі Нұрділдә Ораз Коронавирустық инфекцияның таралуына жол бермеуге қатысты ведомствоаралық кездесудің нәтижелері туралы хабарлады, деп хабарлайды "ҚазАқпарат"ХАА тілшісі.

"Өткен аптада ішкі істер министрлігінде Мемлекет басшысының коронавирустық инфекцияның таралуына жол бермеу жөніндегі тапсырмаларын орындау бойынша жұмыс кеңесі өтті. Іс - шараға ҰҚК, Бас прокуратура, сыбайлас жемқорлыққа қарсы іс-қимыл агенттігі, Денсаулық сақтау министрлігі, Ақпарат және қоғамдық даму министрлігінің басшылығы, сондай-ақ ҚР ІІМ жанындағы ведомствоаралық арнайы топтың мүшелері қатысты", - деді Нұрділдә Ораз ІІМ брифингінде.

Кеңес барысында Ішкі істер министрі Ерлан Тұрғымбаев жалған медициналық құжаттарды ұсынудың тұтас схемалары анықталғанын хабарлады.

"Кейбір туроператорлар жалған вакцинация төлқұжаттарын жасап, сатумен айналысқан. Сонымен қатар, оларды теміржол вокзалдарында, әуежайларда және мемлекеттік шекараның өткізу пункттерінде іске асыру фактілерінің жолы кесілді", - деп атап өтті спикер.

"Ведомство басшысы Президенттің ІІМ жанынан ведомствоаралық арнайы топ құруды тапсырғанын еске салды, ол жалған вакцинация паспорттарын және ПТР-тестілеу нәтижелерін қолдан жасау және сату фактілерінің жолын кесу бойынша жұмысты үйлестіретін болады. Осыған байланысты, ақпаратты жинау және өңдеу, сондай - ақ анықталған фактілерге ден қою шаралары бойынша өзара іс-қимыл тәртібі анықталды", - деп түйіндеді ІІМ өкілі.

Барлық құқықтар қорғалған. Белсенді сілтемені қолданыңыз inform.kz https://www.inform.kz/ru/turoperatory-prodavali-fiktivnye-pasporta-vakcinacii_a3821679