Әдеп жөніндегі уәкілдің мемлекеттік қызметтегі маңызды рөлі

Әдеп жөніндегі уәкілдің мемлекеттік қызметтегі маңызды рөлі

Кәсіби мемлекеттік аппаратты қалыптастыру бойынша 12 қадамды іске асыру аясында "100 нақты қадам" — Ұлт жоспары Қазақстан Республикасы Президентінің 2015 жылғы 29 желтоқсандағы "Қазақстан Республикасы мемлекеттік қызметшілерінің әдептілік нормаларын және мінез-құлық қағидаларын одан әрі жетілдіру жөніндегі шаралар туралы" Жарлығымен 2016 жылғы 1 қаңтардан бастап Қазақстан Республикасы Мемлекеттік қызметшілерінің Әдеп кодексі (Мемлекеттік қызметшілердің қызметтік әдеп қағидалары) және Әдеп жөніндегі уәкіл туралы ереже бекітілді және қолданысқа енгізілді.
Әдеп кодексінің нормаларын іске асыру үшін қызметі Әдеп жөніндегі уәкіл туралы ережені регламенттейтін Әдеп жөніндегі уәкіл тиімді көмек көрсетеді. Ережеге сәйкес Әдеп жөніндегі уәкілдің рөлі мен қызметі мемлекеттік қызметшілердің қызметтік әдеп нормаларының сақталуын және сыбайлас жемқорлыққа қарсы мінез-құлқын қамтамасыз етуге, олардың жауапкершілігін арттыруға, ұжымда және қоғамда жалпы қабылданған моральдық-әдептілік нормаларының сақталуын қамтамасыз етуге бағытталған. Мүдделер қақтығысы туындаған жағдайда, этикалық сипаттағы жағдайларды шешу үшін мемлекеттік қызметшілер мен азаматтар Әдеп жөніндегі уәкілге жүгіне алады.
Осылайша, Әдеп жөніндегі уәкіл өз құзыреті шегінде мемлекеттік қызметшілерге Қазақстан Республикасының Мемлекеттік қызмет, сыбайлас жемқорлыққа қарсы іс-қимыл саласындағы заңнамасының және Әдеп кодексінің талаптарын сақтау мәселелерінде, сондай-ақ мемлекеттік қызметшілердің құқықтары мен заңды мүдделері бұзылған жағдайларда, оларды қорғауға және қалпына келтіруге бағытталған шараларды қабылдайды.
Әдеп жөніндегі уәкілдің функциясы азаматтарға кеңес беру, мемлекеттік орган қызметшілерінің қызметтік әдеп нормаларын бұзу фактілері бойынша жеке және заңды тұлғалардың өтініштерін қарау болып табылады.
Мінез-құлық стандарттары жаңа сапалы деңгейге көтеріліп келе жатқанын атап өту керек, мемлекеттік қызметшілерден жоғары жауапкершілікті және мінез-құлықты өздігінен бақылауды талап етеді, бұл тұтастай алғанда мемлекеттік қызметтің имиджіне оң әсер етеді.