Ауыл әкімдерін тікелей сайлау халықтың билікке деген сенімін күшейтуге мүмкіндік береді

Бұл туралы сайлау заңнамасы саласындағы сарапшы, заң ғылымдарының докторы, "Қазақстандық халықаралық құқықтық ынтымақтастық қоры" ҚҚ директоры Қуат Рахымбердин айтты.
Оның айтуынша, ұзақ уақыт бойы Қазақстан Республикасында аудандық маңызы бар қалалардың, ауылдардың, кенттердің, ауылдық округтердің әкімдерін тікелей сайлау мәселесін көптеген ғалымдар, мамандар мен саясаткерлер көтерген, деп хабарлайды Устинка LIVE тілшісі.
ШҚО ӨКК ақпараты бойынша, Қазақстан Республикасының Президенті 2021 жылғы 24 мамырда сайлау заңнамасына аудандық маңызы бар қалалар, ауылдар, кенттер, ауылдық округтер әкімдерінің тікелей сайлауын өткізуді көздейтін өзгерістер мен толықтырулар енгізді.
"Қазақстан Республикасындағы сайлау туралы" Қазақстан Республикасы Конституциялық Заңының 113-1-бабына сәйкес Шығыс Қазақстан облысының 16 өңірінде аумақтық сайлау комиссиялары 2021 жылғы 25 шілдеге аудандық маңызы бар қалалардың, ауылдардың, кенттердің, ауылдық округтердің 77 әкімін сайлауды тағайындады.
Қуат Рахымбердиннің пікірінше, аудандық маңызы бар қалалардың, ауылдардың, кенттердің, ауылдық округтердің әкімдерін тікелей сайлау азаматтардың өздерінің конституциялық құқықтарын толыққанды іске асырудағы белсенділігін арттыруға, халықтың билікке деген сенімін және әкімнің халық алдындағы есептілігін күшейтуге, ауыл әкімінің халықтың қажеттіліктері мен проблемаларына жедел ден қоюын арттыруға, "халық үніне құлақ асатын мемлекет"тұжырымдамасын толық көлемде іске асыруға мүмкіндік береді.

Дереккөз: https://ustinka.kz/kazakhstan/politics/66998.html