Қарағандылық фармацевтикалық кешен маусым айында вакцинаның 1,5 млн дозасын шығаруды жоспарлап отыр

Қарағандылық фармацевтикалық кешен маусым айында вакцинаның 1,5 млн дозасын шығаруды жоспарлап отыр

Қарағанды фармацевтикалық кешені Денсаулық сақтау министрлігімен бірлесіп 5 млн доза вакцина өндіру туралы шартқа қол қойды. Қажет болған жағдайда зауыт вакцина шығару жөніндегі шартты одан әрі ұзартуға дайын. Бұл туралы фармкомплекстің бас директоры Сергей Барон мәлім етті, деп хабарлайды ҚазАқпарат тілшісі.

"Күніне бір серия шығарамыз. Әр серияны шығарғаннан кейін санитарлық тазарту қажет – бұл фармацевтикалық өндірістің талабы. Бір серия - бір компоненттің 150 мың дозасы. Өндірісті жоспарлау кезінде біз өз номенклатурамызды шығарамыз. Науқастар да зардап шекпеуі керек. Біз қазір таңертең жаңа өндірісті бастау үшін түнде санитарлық тазарту жұмыстарын жүргізіп жатырмыз. Оңтайландырылды. Осы айда біз 1 млн 200 мың доза өндірдік. Қазір сапаны бақылау жүріп жатыр. Мамыр айының соңында Бірыңғай дистрибьюторға түседі. Бұған дейін 1 миллион 800 доза босатылды. Өндірісті қамтамасыз ету мәселелері болды. Қазір бүкіл әлемде заттың өзі де, флакондар да тапшы. Өндіріс мәселелері бар. Біз оларды табысты шешудеміз", - деп түсіндірді Қарағанды фармзауытының басшысы. Егер мамыр айында вакцинаның 1 миллион 200 мың дозасы шығарылса, зауыт маусым айында вакцинаның бір жарым миллионнан астам дозасын шығаруды жоспарлап отыр. "Денсаулық сақтау Министрлігімен 5 млн доза өндіру туралы келісімге қол қойылды. Біз бәрін уақытында орындаймыз. Егер Денсаулық сақтау министрлігі қажет деп санаса, қажеттілік болса, біз дайынбыз. Біз үшін басымдық-вакцина, вакцина бойынша міндеттемелерді орындау", - деп сендірді Сергей Барон. Бұған дейін Сергей Барон "Спутник V" вакцинасының бірінші және екінші дозалары арасындағы аралықтың ұлғаюына түсініктеме берген, сондай-ақ вакцина өндірісі және ол үшін Қарағанды фармзауыты неліктен таңдалғаны туралы айтып берген.

Барлық құқықтар қорғалған. Белсенді сілтемені қолданыңыз inform.kz https://www.inform.kz/ru/bolee-1-5-mln-doz-vakciny-planiruet-vypustit-karagandinskiy-farmkompleks-v-iyune_a3791713