Ақмола облысында вакцина алғандардың саны өсуде

Бүгін облыс орталығының қалалық емханасының мобильді тобы облыстық басқармалар мен департаменттердің қызметкерлерін вакцинациялауды ұйымдастырды, деп хабарлайды ішкі саясат басқармасы.

Денсаулық сақтау басқармасының мәліметінше, түрлі кәсіпорындар мен ведомстволардың қызметкерлері арасында вакцинация қарқыны артып келеді. Вакцинация басталғаннан бері аймақ бойынша бірінші компонентпен 19 мыңға жуық адам егілді, екінші компонентті 5 мыңнан астам адам алды.

Қалалық емхананың бас дәрігері Ғалия Сабатаева мемлекеттік қызметшілер - халықпен барынша байланыста болатын азаматтар санаты екенін атап өтті.

"Біз қаламыздың тұрғындарын барынша көп қамту үшін, сондай - ақ медициналық ұйымдардың өзінде бұрмалаушылық пен кезектілік туғызбау үшін ірі ұйымдар мен кәсіпорындарға барамыз", - деп атап өтті спикер.

Иммундаудан өткендердің арасында кәсіпкерлік және өнеркәсіп басқармасы басшысының орынбасары Александр Загребин де бар.

"Бірінші кезекте екпе алған кезде жақындарымды қорғаймын. Вакцинаның пандемиямен күрестегі басты құрал екенін өзімнің мысалыммен көрсеткім келеді", - деп бөлісті мемлекеттік қызметші.

Қалалық емхананың эндокринолог дәрігері Айнұр Бекімованың айтуынша, мобильді бригаданың негізгі міндеті-азаматтарға қолайлы жағдай жасау.

"Біздің қызметкерлер толық жабдықталып, қажетті дәрі-дәрмектерді өздерімен бірге алып келді. Біз ресейлік "Спутник – V"вакцинасымен вакцинациялаймыз. Оқиға орнында тексеру жүргіземіз, екпе алғаннан кейін жағдайды қадағалаймыз. Біз барлығын вакцинацияға шақырамыз", - дейді дәрігер.

Медицина қызметкерлерінің бағалауы бойынша вакцинация жоспарлы, қалыпты режимде жүргізіледі және барлық кезеңде жанама әсерлер анықталған жоқ.

Мобильді егу бригадалары "Ақсай Нан" ЖШС, "Алтынтау Көкшетау" АҚ, "Тыныс" АҚ, "Халық банк" АҚ, "Home bank" АҚ, ҚМУ сияқты ірі кәсіпорындарда болды. Көкшетау техникалық институтында, мектептерде және құқық қорғау органдары өкілдерінің ұжымдарында. Тұрақты негізде 26 егу пункті жұмыс істейді. "РИО" СОО мен Орталық мешітте вакцинация пункттері ашылды.