Ақпараттық хабарлама

2021 жылғы 10 қаңтарға белгіленген Есіл аудандық мәслихаты депутаттарының кезекті сайлауын дайындау және өткізу жөніндегі негізгі іс-шаралардың күнтізбелік жоспарына сәйкес, 2020 жылғы 12 қарашада Есіл аудандық аумақтық сайлау комиссиясы "Nur Otan" партиясы" қоғамдық бірлестігінің Ақмола облысы Есіл аудандық филиалынан құжаттар қабылдады.

"Nur Otan" партиясы Есіл аумақтық филиалы төрағасының бірінші орынбасары Ерденова Анэль Сапарғалиқызы барлық қажетті құжаттарды ұсынды: депутаттыққа кандидаттардың партиялық тізімін ұсыну туралы хаттамадан үзінді, партиялық тізім, саяси партияны тіркеу туралы құжаттың көшірмесі, азаматтардың партиялық тізімге енгізуге келісімі туралы өтініші, өмірбаяндық деректері, жеке куәліктерінің көшірмелері.

Есіл аудандық аумақтық сайлау комиссиясы партиялық тізімдерге енгізілген аудандық мәслихат депутаттығына кандидаттардың Қазақстан Республикасының Конституциясымен және "Қазақстан Республикасындағы сайлау туралы"Қазақстан Республикасының Конституциялық заңымен қойылатын талаптарға сәйкестігін анықтау жөніндегі жұмысты бастады.