Қазақстан Республикасының Жер кодексіне, «Жайылымдар туралы», «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының заңдарына сәйкес, Красивинский ауылдық округі жергілікті қоғамдастығының өтініші, Красивинский ауылдық округі әкімінің қызметтік хаты негізінде, Есіл ауданының әкімдігі ҚАУЛЫ ЕТЕДІ:
- Красивое станциясы мен Красивинский ауылдық округі тұрғындарының қажеттіліктерін қанағаттандыру мақсатында жеке ауланың ауыл шаруашылығы жануарларын жаю мақсатында «Шанырак Р» жауапкершілігі шектеулі серіктестігінің жер пайдалануынан кадастрлық нөмірі 01-277-008-018, көлемі 562,8 гектар жайылым жер учаскісі алынсын.
- «Шанырак Р» жауапкершілігі шектеулі серіктестігіне алынған жер учаскесінің орнына (жер пайдаланудың қалған мерзіміне) Красивинский ауылдық округінің босалқы жерінен 562,8 гектар жайылым берілсін.
- Ақмола облысы Есіл ауданы әкімдігінің «Мемлекет мұқтажы үшін жер учаскесін алып қою туралы» 2023 жылғы 04 мамырдағы № а-5/87 қаулысының күші жойылды деп танылсын.
- «Есіл ауданының жер қатынастары бөлімі» мемлекеттік мекемесі алып қойылған жерлерді халықтың мұқтажы үшін беру бойынша іс-шаралар өткізсін.
- Осы қаулының орындалуын бақылау Есіл ауданы әкімінің орынбасары А.М. Мақсұмханға жүктелсін.
- Осы қаулы қол қойылған күнінен бастап қолданысқа енгізіледі.