Қазақстан Республикасының 1997 жылғы 14 шілдедегі № 155-I «Нотариат туралы» Заңына сәйкес, елді мекенде нотариус болмаған жағдайда нотариаттық іс-әрекеттер жасауға уәкілетті ауылдық округ әкімі аппаратының лауазымды тұлғасы мынадай нотариаттық іс-әрекеттер жасайды:
- өсиеттерді куәландырады;
- сенімхатты куәландырады;
- құжаттардың көшірмелері мен олардан алынған үзінділердің дұрыстығын куәландырады;
- өтініштердегі қолдың түпнұсқалығын куәландырады.
ҚР заңнамалық актілерінде уәкілетті органның лауазымды адамдары жасайтын өзге де нотариаттық іс-әрекеттер көзделуі мүмкін.
"Салық және бюджетке төленетін басқа да міндетті төлемдер туралы"Кодексте(бұдан әрі-Кодекс) және "Нотариат туралы" заңда белгіленген нотариаттық іс-әрекеттер жасағаны үшін мемлекеттік баж алынады. Мемлекеттік баж мөлшері жыл сайын белгіленеді және Салық кодексінде айқындалған ставкалар бойынша айлық есептік көрсеткішке байланысты болады.(611-бап. Нотариаттық іс-әрекеттер жасағаны үшін мемлекеттік баж ставкалары).
2024 жылға мемлекеттік баж мөлшері:
1) өсиеттерді куәландырғаны үшін-1 АЕК-3692 теңге
2) Өзге сенімхаттарды куәландырғаны үшін:
жеке тұлғалар үшін-0,1 АЕК-369,2 т теңге
заңды тұлғалар үшін-0,5 АЕК-1846 теңге
3)құжаттардың көшірмелері мен құжаттардан үзінді көшірмелердің дұрыстығын куәландырғаны үшін (Бет үшін):
жеке тұлғалар үшін-0,05 АЕК-184,6 теңге
заңды тұлғалар үшін-0,1 АЕК -369,2 теңге
4) құжаттардағы қолдың түпнұсқалығын куәландырғаны үшін
жеке тұлғалар үшін-0,03 АЕК-110,76 теңге
заңды тұлғалар үшін-0,1 АЕК-369,2
Мемлекеттік баж төлеуден босатылады (Кодекстің 617-бабымен) :
- Қазақстан Республикасының азаматтығын алуға байланысты барлық нотариаттық іс-әрекеттер бойынша қандастар;
- "Қазақстанның мүгедектігі бар адамдардың ерікті қоғамы" одағы (ДОИК), Қазақ саңыраулар қоғамы (КОГ), Қазақ зағиптар қоғамы (КОС), сондай – ақ олардың өндірістік кәсіпорындары-барлық нотариаттық іс-әрекеттер бойынша;
-жетім балалар мен ата – анасының қамқорлығынсыз қалған балалар он сегіз жасқа толғанға дейін-оларға мұрагерлік құқығы туралы куәлік бергені үшін.
Заң шығарушы мемлекеттік бажды да, құқықтық және техникалық сипаттағы қызметтерді де төлеуден толық босатылатын адамдар тобын анықтады.
Көрсетілген санатқа мыналар жатады:
- Ұлы Отан соғысының ардагерлері, жеңілдіктері бойынша Ұлы Отан соғысының ардагерлеріне теңестірілген ардагерлер және басқа мемлекеттер аумағындағы бо қимылдарының ардагерлері, Ұлы Отан соғысы жылдарында тылдағы қажырлы еңбегі мен мінсіз әскери қызметі үшін бұрынғы КСР Одағының ордендерімен және медальдарымен наградталған адамдар, кемінде алты ай жұмыс істеген (қызмет еткен) адамдар 1941 жылғы 22 маусымнан 1945 жылғы 9 мамырға дейін Ұлы Отан соғысы жылдарында тылдағы қажырлы еңбегі мен мінсіз әскери қызметі үшін бұрынғы КСР Одағының ордендерімен және медальдарымен марапатталмаған;
- мүгедектер, сондай-ақ бала кезінен мүгедек баланың ата-анасының бірі;
- "Батыр Ана" атағына ие болған, "Алтын алқа" және "Күміс алқа"алқаларымен марапатталған көп балалы аналар;
- созылмалы психикалық аурудан зардап шегетін жеке тұлғалар.
Нотариаттық іс-әрекет жасауға өтініш білдірген адамдарды жеңілдікті санатқа жатқызуды нотариус растайтын құжаттардың, мысалы, зейнетақы куәлігі, мүгедектігі туралы анықтаманың негізінде айқындайды.