Қазақстан Республикасы еңбек заңнамасының, соның ішінде еңбек қауіпсіздігі және еңбекті қорғау талаптарының сақталуына мемлекеттік бақылауды жүзеге асыру.

1) Меншік нысанына қарамастан облыстың кәсіпорындары мен ұйымдарында тексерістерді жүргізу арқылы еңбек заңнамасының сақталуына мемлекеттік бақылауды жүзеге асыру;

2) Тексеріс жүргізу арқылы бар бос жұмыс орындары (бос лауазымдар) және шетелдік жұмыс күшін тарту заңдылығы туралы халықты жұмыспен қамту мәселелері жөніндегі уәкілетті органға ақпарат беру туралы жұмыс берушілер міндеттерінің сақталуы бөлігіндегі халықты жұмыспен қмту мәселесі бойынша мемлекеттік бақылауды жүзеге асыру; 

3) Тексерістің нәтижесі бойынша еңбек заңнамасы, халықты жұмыспен қамту туралы заңнамаларының анықталған бұзушылықтарын жою үшін, жұмыс берушілерге нұсқамалар беру;

4) Еңбек заңнамасының, халықты жұмыспен қамту бойынша бұзушылықтарға жол берген лауазымды және заңды тұлғаларға қатысты әкімшілік құқық бұзушылық жөніндегі хаттамалар мен қаулыларды құрастыру;

5) Қызметкерлердің еңбек құқықтарына шк қоятын кәсіпорындар мен ұйымдардың басшылары мен өзге лауазымды тұлғаларының заңсыз әрекеттерінен құқықтық қорғалуын қамтамасыз ету;

6) еңбек қатынастары саласындағы қызметкерлердің құқықтары мен бостандықтарын сақтау және қорғау бойынша кәсіпорындар мен ұйымдарды тексеру;

7) жұмыс берушілермен ұсынылған ұжымдық шарттардың мониторингін жүзеге асыру.    

Мемлекеттік еңбек инспекциясының құзырына жататын мәселелер бойынша азаматтар мен заңды тұлғалар өкілдерінің өтініштерін, шағымдары мен арыздарын және басқа да өтініштерін қарау.

1) Тексеріс жүргізе отырып, жеке және заңды тұлғалардың өтініштерінің, шағымдары мен арыздарының қаралуын жүзеге асыру, жұмыс берушілерге тиісті шаралар қабылдап,  арыз иелеріне жауап дайындау;

2) Еңбек заңнамасы талаптарының орындалуына бақылау, соның ішінде жұмыскерлердің еңбектерін ешбір кемсітусіз тепе-тең еңбекке тепе-тең төлеу, демалысқа, еңбек жағдайларына құқықтары;

Ақпараттық-түсіндіру жұмыстарын жүргізу

1. Алдын-алу мақсатында бұқаралық ақпарат құралдарында, халық арасында және еңбек ұжымдарында ҚР қолданыстағы еңбек заңнамасының ақпараттық-түсіндіру жұмыстарын жүргізу;

2. Бөлім құзырына жататын мәселелер бойынша дөңгелек үстелдер мен семинарлар жұмыстарына қатысу;

3. ҚР еңбек заңнамасына сәйкес дәрістер өткізу;

4. ҚР еңбек заңнамасы мәселесі бойынша азаматтар мен заңды тұлғалардың өкілдерін қабылдау және кеңес беруді жүзеге асыру.

Басқарма басшысымен өз құзыреті шегінде мемлекеттік еңбек инспекторларға жүктелген өзге де міндеттер

1. басқарма басшылығы өкімдерінің уақытылы орындалуын қамтамасыз ету;

2. жоғары тұрған мемлекеттік органдарымен және басқарма басшылығымен өз құзіреті шегінде мемлекеттік еңбек инспекторларына жүктелген өзге функцияларын орындау.