Құрметті Егіндікөл ауданының тұрғындары!
Жыл сайын барлық деңгейдегі әкімдердің халықпен есептік кездесулері өтеді, онда өңірдің әлеуметтік-экономикалық дамуының қорытындылары шығарылады және келесі жылы одан әрі дамудың міндеттері мен негізгі бағыттары айқындалады. Бүгін біз Сіздермен есепті кездесуде өткен жылдың қорытындысын шығарып, өзекті мәселелер мен оларды болашақта шешу жолдарын талқылаймыз.
2020 жыл бәріміз үшін нағыз сынақ болды. Осы уақытқа дейін біз короновирустық инфекция ауруының өсуі барлық жерде қарқын алып отырған пандемия жағдайында жұмыс істеуге мәжбүрміз. Бұрынғы өсу мен даму қарқынын қалпына келтіру үшін зор күш-жігер мен уақыт қажет болады. Жауапты азаматтардың қолдауының арқасында біз тұрақтылықты сақтап, әлеуметтік міндеттемелердің орындалуын қамтамасыз ете алдық. Мұнда халқымыздың дәстүрлі құндылықтары – өзара түсіністік, табандылық пен жанашырлық шешуші рөл атқарды.
Елде жарияланған төтенше жағдай кезеңінде ауданның атқарушы билік органдары азаматтарды қорғауға бағытталған шаралар қабылдады. Блок-бекеттер қойылды, ондағы қызметкерлер қорғау құралдарымен, тамақпен және азық-түлікпен қамтамасыз етілді. Жаппай түсіндіру жұмыстары жүргізілді. Орталық аудандық ауруханада күрделі жөндеу жүргізілуіне байланысты, өткен жылы шұғыл түрде №2 Егіндікөл орта мектебінің базасында 15 төсектік провизорлық стационар ашылды, ол шілде-қараша аралығында жұмыс істеді. Біздің дәрігерлердің күнделікті қажырлы еңбегінің арқасында біз өлім жағдайларын болдырмадық, жалпы уақытша стационарда 61 адам емделді. Өткен жылдың қараша айынан бастап 20 төсектік аймақтық провизорлық стационар жұмыс істейді, онда біздің, Астрахан аудандарының 82 тұрғыны емделді.
Біз үшін қиын кезеңде пульсоксиметрлер, өкпені жасанды желдету аппараттары, дәрілік препараттар, жеке қорғаныс құралдары, төсек-орын жабдықтары, азық-түлік және басқа да көптеген заттарды сатып алу түрінде көмек және қолдау көрсеткен аудан кәсіпкерлеріне үлкен алғысымды білдіргім келеді.
Пандемия кезінде медицина қызметкерлеріне, құқық қорғау, сондай-ақ азаматтық қорғау органдарының қызметкерлеріне жүргізіліп жатқан жұмыс үшін шынайы ризашылығымды білдіремін. Медициналық қызметкерлер, аудан тұрғындары, оның ішінде халықтың әлеуметтік осал топтары үшін дәрі-дәрмектер мен тамақ өнімдерін жеткізуді қамтамасыз ететін қайырымдылық іс-шараларына қатысқан аудан еріктілері де шетте қалмады. Мен болашақта Сіздердің көмектеріңіз бен қолдауларыңызға сүйенемін.
Қазіргі күрделі жағдайда біздің басты міндетіміз – қоғамдық-саяси тұрақтылықты, әлеуметтік-экономикалық дамуды, жұмыспен қамтуды және халықтың табысын сақтау. Ол үшін барлық қажетті шаралар қабылданатын болады.
Қымбатты егіндікөлдіктер!
Атқарушы биліктің жұмысы негізгі постулаты мемлекеттің азаматтардың мүдделеріне қызмет етуі бекітілген Мемлекет басшысының Қазақстан халқына Жолдауларында қойылған міндеттерге сәйкес жүргізіледі. Біз басқару жүйесінің, жаңа жағдайда экономиканың тиімділігін арттыруға, өнеркәсіптік әлеуетті ашуға, ауыл шаруашылығын, шағын және орта бизнесті дамытуға және азаматтардың әлеуметтік әл-ауқатын арттыруға бағытталғанбыз.
Біз облыста сервистік әкімдік форматына көшкен алғашқылардың бірі болып табыламыз. Өткен жылдың шілде айында оның ресми ашылуы өтті және желтоқсан айында біз 5 ауыл шаруашылығы және жер қатынастары, сәулет және қала құрылысы, мемлекеттік қызметтер, білім беру және әлеуметтік қорғау мамандарының тұрақты жұмысы ұйымдастырылған ауданды кеңейттік. Бұл азаматтар мен заңды тұлғалардың өтініштерін неғұрлым жедел қарауға, "бір терезе қағидаты"бойынша консультациялар беруге мүмкіндік береді. Мұнда Е-gov порталына қолжетімділік бұрышы, облыс бойынша қоңырау шалуға арналған телефон, Wi-Fi, теледидар мен кулер бар күту аймағы ұйымдастырылған.
Біз экономиканы дамыту және ауыл тұрғындарының өмір сүру сапасын арттыру үшін дәйекті шаралар қабылдап жатырмыз. Бүгінгі күні ауданда тұрақты әлеуметтік-экономикалық және қоғамдық-саяси жағдай сақталған, экономиканы одан әрі дамыту, әлеуметтік сала проблемаларын шешу, халықтың әл-ауқатын арттыру бойынша шаралар қабылдануда.
Жүзеге асырылып жатқан «Жұмыспен қамтудың жол картасы» бағдарламасы білім беру, денсаулық сақтау салалары нысандарының көпжылдық мәселелерін шешуге мүмкіндік берді. 6 мектепке жүргізілген сапалы ағымдағы жөндеу жұмыстары бізге таяу жылдары нашар жүргізілген көп жылдық проблемалар, ағып жатқан шатыр, мектептердің жабдықталмаған іргелес аумақтары туралы ұмытып кетуге мүмкіндік берді. Аурухана мен оның жатақханасын күрделі жөндеу, дәрігерлердің өміріне жаңаша дем берді деп айтуға болады. Жалпы осы бағдарлама бойынша күрделі, ағымдағы жөндеуге, тұрғын үй құрылысына, көшелердің шұңқырларын жөндеуге бюджеттен 611 млн. теңгеден астам қаражат жұмсалды.
Жергілікті бюджет қаражаты есебінен өткен жылы орталық стадионды қайта жөндеуден өткізіп, жасанды газон төсеп, стадион аумағында волейбол және баскетбол алаңдарын салдық. Жаңа әдемі кіреберіс топ салынды, онда тұрғындардың тілектеріне сәйкес түнде жарқыраған «ЕГІНДІКӨЛ» жазуы орнатылды. Аудандық мәдениет үйі толықтай өзгерді, онда біз қазір қорытынды есеп беру кездесуін өткізіп жатырмыз. Жаңа әмбебап спорт залын салып, Джакубаев көшесіне асфальт төсеп, Казахская және Ленин көшелеріне тротуарлар орнаттық, сондай-ақ ауданның екі мектебінде жылыту қазандықтарын ауыстырып, Тоғанас ауылындағы негізгі мектепте жаңа блокты-модульді қазандық орнатылды. Өткен жылы Егіндікөл ауданының мерейтойын мерекелеу аясында жоспарланған іс-шараларға шамамен 1 млрд.теңге сомасына іске асырылды, бұл өткен жылдармен салыстырғанда бөлінген қаражаттан 4 есе артық.
Есеп беру кездесулері
2020 жылдың қаңтар-ақпан айларындағы есеп беру кездесулерінде айтылған ұсыныстарды іске асыру бойынша ақпаратты жариялауға рұқсат етіңіздер.
Мәдениет үйіне ағымдағы жөндеу жұмыстары 29,1 млн. теңгеге жүргізілді. 180 орындық концерт залы толық жөндеуден өтті, шатыры, есіктері, кіру тобы ауыстырылды, Мәдениет үйі қасбеттің жаңа түстік түсіне ие болды. Қосымша жарық жабдықтары, сахна киімі, сахна едені сатып алынды, ғимаратта жас қызметкерлерге арналған екі жатын бөлмесі бар, бөлек санитарлық тораптары мен ортақ асханасы бар қонақ үй жабдықталды.
Ленин және Егіндікөл ауылының көшелерінде жалпы ауданы 900 шаршы метрге 8,9 млн.теңге сомасында бордюрлер мен кеспе тастар орнатылды. Тротуарларды жайластыру жұмыстары жалғасатын болады.
Орталық стадион жалпы сомасы 34,8 млн.теңгеге жөнделді. Трибуналарға, қызметтік үй-жайларға жөндеу жүргізілді, волейбол және баскетбол алаңдары орнатылды, футбол алаңында жасанды көгалдар төселді, стадионның қоршаулары жөнделді, жаңа кіру тобы орнатылды, жүгіру жолдары мен автотұрақтарға асфальт төселді.
Асфальтты жабын төселді, сондай-ақ 15,6 млн.теңге сомасына жол жиектерінің құламаларын төгу жүргізілді.
Жастар саябағының темір торларын орнату бойынша 1,3 млн. теңге сомасында жұмыстар жүргізілді.
Жеңіс саябағын абаттандыруға аудандық бюджеттен 1,4 млн.теңге бөлінді. 100 қарағай, 1 000 дана гүл көшеттері отырғызылды, отырғыштар мен қоқысқа арналған қоқыссалғыштар орнатылды. Биыл саябақта жарықтандыру жұмыстарын жүргіземіз.
Өткен жылы «Жұмыспен қамтудың жол картасы» бағдарламасы бойынша 141 млн.теңге сомасына 16 пәтерлі тұрғын үйдің құрылысын жалғастырдық. Өткен жылдың қорытындысы бойынша ғимараттың сыртқы қабырғаларына, ішкі қалқаларына кірпіш қалау жұмыстары аяқталды, Пластикалық терезелер орнатылды, жылыту, кәріз, сумен жабдықтау және электрмен жабдықтау жүйелерін орнату бойынша жұмыстар жүргізілді, ғимараттың шатырын орнату, ішкі әрлеу жұмыстары аяқталуда. Ғимараттың шатырын орнату және ішкі өңдеу жұмыстары жүргізілуде, сонымен қатар жылыту, сумен жабдықтау және су бұрудың инженерлік желілерін жайластыру бойынша жұмыстар жүргізілуде. Осы жылдың бірінші тоқсанының соңында осы тұрғын үй нысанын пайдалануға беруді жоспарлап отырмыз.
Құрметті жерлестер!
Өткен жылдың қорытындысы бойынша Егіндікөл ауданының әлеуметтік-экономикалық дамуының негізгі көрсеткіштерінің барлық бағыттары бойынша өсімі қамтамасыз етілді.
2020 жылдың қорытындысы бойынша негізгі капиталға салынған инвестиция көлемі 2,8 млрд.теңгені құрап, өткен жылдан 1,5 есе артық. Инвестициялардың негізгі үлесі фермерлердің ауыл шаруашылығы техникасын, жабдықтарды сатып алуына және өндірісті кеңейтуге тиесілі. Биыл 39 жаңа комбайн, 9 трактор, 1 - пресс жинаушы, 1 АВАГРО бүріккіші, 1 БЗСП - 21 тырмасы және 1 тіркемелі қоқыс дестелегіші сатып алынды. Сондай-ақ жақында алғаш рет ауыл шаруашылығы жәрмеңкесінде өз өнімдерін ассортиментте: қаптамадағы сиыр еті, бұқтырылған ет, ассортименттегі тұшпара, сондай-ақ сары май және сүзбе ұсынған "АСКОП" ЖШС бастапқы қайта өңдеумен сою цехының құрылысы аяқталды.
Құрылыс жұмыстарының көлемі 384,1 млн.теңгені құрады, бұл өткен жылмен салыстырғанда 2,4 есе көп. Бұл ретте мектептерде, ауруханада, жолдарда барлық жөндеу жұмыстары жүруде. Бұл қарқынға қолдау көрсету керек. Есепті жылы 1 213 ш.м. тұрғын үй пайдалануға берілді немесе өткен жылдың кезеңіне 146,5%.
Аудан экономикасының басты салаларының бірі аграрлық сектор болып табылады. Біз, әрине, оны дамытуымыз керек. Мемлекет басшысы Қазақстан халқына Жолдауында атап өткендей, біздің одан арғы жұмысымыз азық-түлік қауіпсіздігін, әсіресе әлеуметтік маңызы бар азық-түлік өнімдерін қамтамасыз етуге бағытталуы тиіс. Агроөнеркәсіптік кешен бағдарламасына қажетті қаражат бөлінетін болады.
Ауыл шаруашылығы жалпы өнімінің көлемі 28 млрд.705 млн. теңгені құрайды, өткен жылмен салыстырғанда көлем 10 млрд. теңгеден астам ұлғайды.
Көктемгі дала жұмыстары тиісті деңгейде жүргізілді. Есепті жылы ауданда 298,3 мың га алқапта ауыл шаруашылығы дақылдары егілді, оның негізгі бөлігі - дәнді дақылдар.
Майлы дақылдар (зығыр) 2,4 мың га алқапқа егілді, бір жылдық және көп жылдық азықтық шөптер 7,0 мың га жерге егілді.
Қазіргі уақытта қарқынды ауыл шаруашылығы жағдайында астық өндірісін ұлғайтудың маңызды факторларының бірі ауыл шаруашылығы дақылдарын зиянкестерден, аурулардан және арамшөптерден жоғары тиімді қорғау болып табылады. Дәнді дақылдар егістіктерінде химиялық отау 221,5 мың га алаңда жүргізілді, оның ішінде екі жарнақты дақылдарға қарсы 155,2 мың га және дәнді арамшөптерге қарсы 66,3 мың га.
Өткен жылы ауданымыздың аграршыларының егін жинау науқаны белгіленген мерзімде жүргізілді, дәнді дақылдардың лайықты түсімі – 328,7 мың тонна жиналғанын атап өту орынды, орташа өнімділік 40% артып, 11,4 ц/га жетті, майлы дақылдардың (зығырдың) жалпы түсімі 678 тоннаны құрады, өнімділік 2,8 ц/га. Картоп отырғызу алқабы 75 га құрады, 1050 тонна жиналды , 45 га алаңда 630 тонна көкөніс жиналды.
2021 жылғы егін жинау үшін жерлерді дайындау бойынша жұмыстар белсенді жүргізілуде, 40 мың га немесе белгіленген алаңның 177,8% алқапта сүдігер жырту жүргізілді.
Аудан шаруашылықтарының барлық санаттары тірі салмақта 1 493,4 тонна ет, 4 965,4 тонна сүт өндірді. 702,7 мың дана тауық жұмыртқасы алынды.
«Қарапайым заттар экономикасы» бағдарламасы бойынша көктемгі егіс жұмыстарына "Баракат" ШҚ - 3 млн.теңге көлемінде, "Альфараби - Жер" ЖШС - 23 млн. теңге және мал шаруашылығын дамытуға «Абдрахманов» ШҚ - 9 млн. теңге сомасына үш кредит алынды.
Шаруа қожалықтары тауарлық малдың тұқымдық сапасын жақсарту үшін етті бағыттағы 15 асыл тұқымды тұқымдық бұқалар мен 150 бас асыл тұқымды ІҚМ төлін сатып алды.
Аудан экономикасын дамытуда басым бағыттардың бірі жұмыс істеп тұрған шағын және орта бизнес субъектілерін қолдау болып табылады, олардың саны 503 бірлік (ЖК – 191 субъект, ШОБ заңды тұлғалары – 59 субъект, ШҚ және ФҚ – 253 субъект), өткен жылмен салыстырғанда 18 бірлікке өскен. Оң өсім ауданға жаңа бизнес идеяларды тарту бойынша мақсатты жұмыс жүргізілуімен байланысты. Негізінен өсім ауданға жаңа инвесторларды тарту бойынша мақсатты жұмыстың нәтижесі ретінде пайшылардың ЖШС құрамынан шығуы есебінен, сондай-ақ кәсіпкерлік қызметті жүзеге асыру үшін барлық жағдай жасалуында, қаржыландыру көздері мен несиелендіру көлемі кеңеюіңде.
Шағын бизнесті дамытуға қуатты серпін беретін Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» бағдарламасы табысты іске асырылуда. Жаппай кәсіпкерлікті дамыту мақсатында 25 адам «Бастау Бизнес» жобасы бойынша бизнесті жүргізу негіздеріне оқуға жіберілді. 12 адам өз ісін ашуды кеңейту үшін 33,0 млн.теңге сомасына микрокредиттер алды. Бастапқы бизнесті іске асыратын немесе іске асыруды жоспарлайтын 11 адам мемлекеттік гранттарға ие болды. Оларға 6,1 млн. теңге берілді. Мемлекеттік гранттар өтеусіз және қайтарымсыз негізде беріледі.
Бізге басым жобаларға кредит берудің осы тетігін ақпараттық сүйемелдеу жөніндегі жұмысты жандандыру және оған біздің кәсіпкерлердің қатысу үлесін ұлғайту қажет болады.
Тұрғын үй-коммуналдық сала - тұрғын үй шаруашылығы, сумен жабдықтау, су бұру, абаттандыру, жылумен жабдықтауды біріктіретін ең өзекті салалардың бірі. Сондықтан әрқашан ең сұранысқа ие болып қала береді, бұл әр азаматқа тікелей қатысты. Әдетте, дәл осы салада көптеген проблемалық мәселелер туындайды.
2020-2021 жылдардағы жылу беру маусымына 17 жылумен жабдықтау нысаны дайындалды. Оның ішінде: 10 білім беру нысаны, 11 денсаулық сақтау нысаны (ОАА және 10 – ФАП), 3 әлеуметтік мәдени-тұрмыстық нысан, 8 пәтерлі тұрғын үй, 1 бюджеттік сала нысаны.
Температуралық режимді ұстап тұру үшін жылыту жүйесіне қажетті жөндеу жұмыстары жүргізілді, мектеп пен балабақшаның қазандықтарын ШЖҚ "Егіндікөл Су" МКК басқаруына беру жүргізілді. Сонымен қатар, Школьная көшесіндегі 3 екі пәтерлі үйді орталық жылуға қосу және 8 пәтерлі тұрғын үйді мектеп қазандығына қайта қосу жүргізілді.
Аудандық маңызы бар автомобиль жолдарын (107 км) ұстау ШЖҚ "Егіндікөл Су Арнасы"МКК күшімен қамтамасыз етіледі. Есепті жылы аудандық бюджеттен қысқы кезеңге 7,0 млн.теңге, көктемгі кезеңге 969,6 мың теңге, күзгі кезеңге 783 мың теңге бөлінді.
Облыстық маңызы бар жолдарды қысқы күтіп ұстау 2020 жылы Егіндікөл – Новочеркасск учаскесінде "NordInwestGroup" ЖШС, Жантеке – Жолан учаскесінде "SulukolKZ" ЖШС жүргізілді.
«Жұмыспен қамтудың жол картасы» бағдарламасы бойынша Егіндікөл ауылында 7,2 млн.теңге сомасына Ленин және Береговая көшелері бойынша асфальт жабынына шұңқырлы жөндеу жүргізілді. Бұдан басқа, Қоржынкөл ауылының көшелеріне 16,6 млн.теңгеге қиыршық тас төселді.
Жергілікті бюджет есебінен Жақубаев көшесіне жалпы сомасы 15,0 млн.теңгеге асфальт төселді. Жергілікті бюджеттен Спиридоновка ауылына кіреберіс жолды 1,2 млн. теңге сомасына тегістеу және инертті материал себу жүргізілді.
Алакөл ауылдық округі әкімі аппаратының ғимаратына жөндеу жүргізілді. 1980 жылы салынған бұрынғы мектеп-интернаттың бұл ғимараты шамамен 20 жыл бойы пайдаланылмаған. 2019 жылы қираған ғимарат ауыл әкімдігінің балансына берілді және өткен жылы жергілікті бюджеттен 3,6 млн.теңге бөлініп, жөндеу жұмыстары жүргізілді. Бюджет қаражатынан басқа, жергілікті "Сарымсақты" ЖШС атынан О.Б. Глашев 1,2 млн. теңге сомасына құрылыс материалдарымен демеушілік көмек көрсетілді. Ғимараттың шатыры толығымен төселді, пластикалық терезелер орнатылды, жылыту жүйесі мектеп қазандығынан қоректендірілді, жаңа бойынша электрмен жабдықтау, сумен жабдықтау жүргізілді, ішкі және сыртқы жұмыстар, оның ішінде керіп кигізілген төбелерді орнату және тағы басқалар жүргізілді. Ғимаратта ауылдық округ әкімінің аппараты, медициналық пункт, ветеринарлық қызмет, учаскелік полиция пункті орналасқан. Шағын кәсіпкерлер үшін (шаштараз, тігін шеберханасы) және жастар мен аға буын адамдарының бос уақытын өткізуге арналған бірнеше бос орын бар.
Аудандық бюджет қаражатына 4,3 млн. теңге сомасында ТҮКШ бөлімінің ғимаратын ағымдағы жөндеу аяқталды. Екі қабатты дәліздердің еден үсті кермогранитті плиткаларын орнату бойынша жұмыстар жүргізілді, есіктер ауыстырылды, электр жарығы орнатылды, қабырғаларды әрлеу және санитарлық тораптарды орнату жұмыстары жүргізілді. 2 қабат босатып, онда кеңселер үшін бөлмелер жалға беріледі, қалған бөлме жатақхана ретінде жабдықталған.
Биыл Егіндікөл ауданы ауылдарын абаттандыру және көгалдандыру бағытында үлкен жұмыстар атқарылды. Жалпы аудан бойынша 2,5 мың дана гүл және 1,3 мыңнан астам ағаш көшеттері, пирамидалық терек, қарағай және т.б. отырғызылды. Сенбіліктер мен таза бейсенбі күндері ауданның барлық ауылдарының көшелерінде қоқыстар жинастырылып, есептік кезеңде 25 мың тоннадан астам қоқыс шығарылды. 1000 астам тұрғын үйдің қасбеттері сырланды.
Өткен жылы ауылдардың кентішілік көшелерін жарықтандыруды қалпына келтірумен тығыз айналыстық, 43 жаңа жарықдиодты шамдар мен күн батареялары бар шамдар сатылып орнатылды. Жоғарыда айтылғандай, аудан орталығының бірнеше көшесінде тротуарлар салынды.
Графити тұрғын үй-коммуналдық шаруашылық бөлімінің ғимаратына және 8 кв тұрғын үйге түсірілді, мұндай жұмыс жалғасады. Есепті жылы аудан орталығының апатты қоқыс тастайтын жерін ретке келтірдік. Халықтың қоқыс шығару бағыттары анықталды, "WorkShop" ЖК мемлекеттік мекемелер мен жеке сектордың қоқыстарын шығарумен айналысады. Орталық алаңда тутұғыр орнатылып, сахнаны қайта құру жұмыстары жүргізілді.
Халықты жұмыспен қамту саласындағы негізгі саясат жұмыссыздарды, өзін-өзі жұмыспен қамтығандарды және табысы аз адамдарды жандандыру, Жұмыспен қамтудың өсуіне жәрдемдесу арқылы жұмыс орындарын құруға және сақтауға бағытталған.
Ауданның еңбек нарығында қалыптасқан жағдайды талдау жұмысынан айрылған және жұмыстан шығу қаупі бар азаматтарды жұмыспен қамту проблемасы жалпы жақсаруға бейім екенін көрсетеді.
2020 жылы аудандағы жұмыссыздық деңгейі 2,4% құрады - жұмыссыздар саны - 17 адам, 275 адам жұмысқа орналастырылды.
«Еңбек» Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасы бойынша жұмыс жүргізілуде. Осы бағдарлама аясында 11 адам қысқа мерзімді курстарға жіберіліп жұмысқа орналастырылды, оның ішінде 1 адам өздігінен жұмысқа орналасты.
Оқу Астрахан ауданының №6 Агротехникалық колледжінде қашықтықтан өткізілді. Оқуға облыстық бюджеттен 1,6 млн. теңге бөлінді.
Әлеуметтік жұмыс орындарына 7 жұмыссыз, жастар тәжірибесіне оқу орындарының 16 түлегі, қоғамдық жұмыстарға 67 адам жұмысқа орналастырылды.
Әлеуметтік қамсыздандыру мәселелеріне ерекше көңіл бөлінеді. 34 отбасы, оның ішінде 168 адам 7,5 млн.теңге сомасына мемлекеттік атаулы әлеуметтік көмек алды. Мұқтаж азаматтарға 8,5 млн. теңге сомасына әлеуметтік көмек көрсетілді.
«Жұмыспен қамтудың жол картасы» аясында Жұмыспен қамту орталығы арқылы жөндеу жұмыстары жүргізілген нысандарда облыс жоспары бойынша 69 адамның орнына 84 адам жұмысқа орналастырылды.
Білім беру жүйесін дамытуға және өскелең ұрпақты тәрбиелеуге деген көзқарас көбінесе біздің болашақтағы экономикалық және қоғамдық-саяси тұрақтылығымызды айқындайды. Білім беру саласындағы мемлекеттік саясаттың стратегиялық мақсаты экономиканың инновациялық даму талаптарына, қоғамның және әрбір азаматтың қазіргі заманғы қажеттіліктеріне сәйкес келетін сапалы білімнің қолжетімділігін арттыру болып табылады. Ауданның білім беру саласында 8 мектепке дейінгі ұйым жұмыс істейді (1 балабақша және 7 мектепке дейінгі шағын орталық). 3 жастан 6 жасқа дейінгі балаларды мектепке дейінгі біліммен қамту 100% және 1 жастан 6 жасқа дейінгі балаларды – 89,9% құрайды.
Ауданның 9 жалпы білім беретін мектебінде (7 орта, 2 негізгі) 950 оқушы, мектепалды сыныптарда 103 оқушы оқиды.
Бүкіл әлемде қалыптасқан коронавирус індеті жағдайына байланысты білім беру нысандары қашықтықтан оқытуға көшірілді. Қашықтық формасының дамуы мәжбүрлі шара болды. Бүгінгі күні штаттық режимде 7 ауылдық мектепте оқыту ұйымдастырылды, 2 аудандық мектепте 1-5 сыныптардан кезекші сыныптар және 9,11 бітіруші сыныптар ұйымдастырылды. Мектептерде барлық санитарлық шаралар сақталған, пирометрлер, бактерицидті шамдар, антисептиктер және дезинфекциялық маттар сатып алынған.
Облыстық бюджет қаражаты есебінен 5,8 млн. теңгеге 18 компьютер, 3,8 млн. теңгеге робототехника кабинеті сатып алынды. Аудан бюджеті қаражаты есебінен 2,9 млн. теңге сомасына 4 мектепте бейнебақылау орнатылды. Алакөл ОМ үшін 3,1 млн. теңге сомасына қазандар сатып алынды және аудан бюджеті қаражаты есебінен Армавир ОМ 685 мың теңге сомасына қазандық жабдығы ауыстырылды. Өткен жылы Тоғанас ауылындағы Жаңаконус негізгі мектебіне 22,8 млн.теңге сомасына көмір сыйымдылығы 100 тонна қатты отын болатын жаңа блокты-модульді қазандық орнатып, білім беру мекемелерінен қазандықтарды шығарудың 100% орындалуын қамтамасыз еттік.
2020 жылдың маусым айында Егіндікөл ауданы мектептерінің 31 түлегі қорытынды Ұлттық бірыңғай тестілеуге қатысты.Тестілеу қорытындысы бойынша 1 оқушы ең жоғары 92 баллды жинады. Аудан бойынша орташа балл - 54,3 құрады.
Есеп беру жылы мен өз баяндамамның басында айтқанымдай, Жұмыспен қамтудың жол картасы шеңберінде жалпы сомасы 81,5 млн.теңге болатын білім беру объектілерін ағымдағы жөндеу бойынша үлкен жұмыстар жүргізілді.
- Қоржынкөл ауылындағы Днепропетровск орта мектебінің ғимараты 16,3 млн. теңге;
- Ушаков орта мектебі ғимаратының шатыры 10,1 млн. теңге;
- Бауман ОМ аумағына іргелес жатқан еден жабынын, ғимаратының қасбетін 25,2 млн.теңге;
- №1 Егіндікөл ОМ іргелес аумағын, электрмен жабдықтау және электрмен жарықтандыру жүйесін 23,6 млн.теңге;
- №2 Егіндікөл ОМ ғимаратының маңы аумағын, шатыры мен қасбетін 44,9 млн.теңге;
- Спиридоновка ауылындағы Армавир орта мектебінің шатырына 2,9 млн.теңге.
Жүргізілген жөндеу жұмыстарының сапасы мен толықтығына күнделікті бақылау жүргізілді, барлық ескертулер уақытылы жойылды.
Білім бөлімдері облыстық білім басқармасына берілгеніне қарамастан, аудан әкімдігі білім беру саласындағы жұмысты үйлестіретін болады. Бізден ешкім мектептерде және мектепке дейінгі мекемелердегі жағдай бойынша жауапкершілікті алып тастаған емес.
Халықтың әлеуметтік көңіл-күйінің маңызды компоненттерінің бірі медициналық қызмет көрсету сапасы болып табылады. Денсаулық сақтаудағы негізгі міндеттер алғашқы медициналық-санитариялық көмекті дамыту, аурулардың алдын алудың профилактикалық бағыты, салауатты өмір салтын насихаттау болып қала береді.
Онкопатологиямен сырқаттанушылықтың төмендеуі тіркелді және 7 адамды құрады, ана өлімі жоқ және туберкулезбен сырқаттанушылық анықталған жоқ.
2020 жылы аурухана үшін жаңа УДЗ аппараты сатып алынды, сондай-ақ ауруханаға ұзын түтікті сүйектердің сынықтарын сыртқы фиксациялау аппараты (сыртқы фиксация жүйесі) берілді.
Коронавирустық инфекцияның таралуының алғашқы толқынының күрделі кезеңінде Егіндікөл №2 орта мектебінде 15 орындық провизорлық стационар орналастырылды. Ауданның әлеуметтік жауапты кәсіпкерлерімен бірлесіп провизорлық стационарға 9 пульсоксиметр, 8 оттегі баллоны, 7 оттегі концентраторы, душ кабинасы, 100 литрге арналған бойлер (аристон), 14 төсек-орын тысы, сондай-ақ азық-түлік сатып алуға көмек көрсетілді. Ғимарат ішінде қосымша санитарлық торап орнатылып, провизорлық стационардың тұрақты жұмыс істеуіне қажетті көмек көрсетілді.
Қазіргі уақытта «Егіндікөл аудандық ауруханасы» МКҚК базасындағы провизорлық стационарда Егіндікөл және Астрахан аудандарынан 17 адам ем алуда, ауыр жағдайлар жоқ. Дәрілік заттардың, жеке қорғану құралдарының, антисептиктердің қоры жеткілікті.
Аурухананың негізгі проблемасы дәрігерлер мен орта медициналық қызметкерлердің жетіспеушілігі болып отыр. Өткен жылы медициналық жоғары оқу орнының студентіне 1 стипендия тағайындалды, сонымен қатар, 2020 жылы біз стипендия беру ережелерін өзгерттік және медициналық колледждің 3 студентіне оқу гранттарын ұсындық.
Есепті жылы Жұмыспен қамтудың жол картасы бағдарламасы аясында аудандық аурухана ғимараты мен оның жатақханасына жалпы сомасы 282 млн.теңгеден астам сомаға күрделі жөндеу жүргізілді. Шатыр толығымен төселді деп айтуға болады, тиісінше сорғыштары бар желдету жүйесі жаңадан жасалды, пластикалық терезелер орнатылды, ғимараттың қасбеті жөнделді, ғимараттың ішкі жөндеуі жүргізілді. Жатақханада жұмыстар толығымен аяқталды. Бүгінгі таңда онда медициналық қызмет мамандары тұрады. Жас мамандар үшін қолайлы жағдай жасау бізге қажетті медициналық кадрларды тартуға мүмкіндік береді деп үміттенеміз.
Мәдени нысандар желісі 7 кітапхана, 3 клуб мекемелерімен ұсынылған. Карантиндік шараларға қарамастан, олар 275 іс-шара өткізді.
Өткен жылы біз аудандық мәдениет үйінің ғимаратына аудандық бюджет есебінен жалпы сомасы 29,1 млн.теңгеге ағымдағы жөндеу жұмыстарын жүргіздік. Шатыр толығымен ауыстырылып, ғимараттың қасбеті ашық түстермен боялды, концерт залы жөнделді, енді ол ашық, жарқын болды, менің ойымша, осы ғимаратта жүргізілген жөндеу жұмыстары біздің ауданымыздың мәдениет саласының дамуына серпін береді. Бұдан басқа, босаған үй-жайларды жөндеп, оларды жатақхана бөлмесіне айналдырып, осы саладағы жас мамандардың тұрғын үй мәселелерін біртіндеп шешудеміз.
Ауданда 1788 адам дене шынықтырумен және спортпен белсенді айналысады, бұл 30% құрайды. Оның ішінде спорт түрлері бойынша спорт секцияларында 1301 адам, спорттық-сауықтыру топтарында 497 адам.
Егіндікөл ауылында бұқаралық спорт түрлерімен айналысу, сондай-ақ спорттық инфрақұрылымды жақсарту үшін 50 жылдық мерейтойды мерекелеу шеңберінде өткен жылы стадионды қайта жаңарту және ДШСК құрылысы бойынша екі негізгі жоба жоспарлап, іске асырдық.
Егіндікөл ауылындағы орталық стадион жергілікті бюджеттен 34,8 млн. теңгеге жөнделді. Футбол алаңының, баскетбол және волейбол алаңдарының жасанды көгалдары орнатылды, жүгіру жолына асфальт төселді, кіру тобы ауыстырылды. Жергілікті бюджет қаражаты есебінен жаңа дене шынықтыру-сауықтыру кешенін салу 26,5 млн. теңге мөлшерінде. Шағын футбол, волейбол, баскетбол және үлкен теннис ойнауға арналған әмбебап залы бар дене шынықтыру-сауықтыру кешенінде арнайы жабын орнатылды. Залдың ресми ашылуында жерлесіміз Ілияс Сүлейменов ауданның жас боксшыларына жаңа бокс рингін сыйлады. АМҮ қазандығының ескі үй-жайлары душ кабиналары бар киім шешетін бөлмелерге және жаттықтырушылар бөлмелеріне қайта жабдықталды.
2020 жылы Егіндікөл ауданының полиция бөлімімен аудандағы криминогендік жағдайды төмендету бойынша кешенді шаралар өткізілді. Халықпен жүргізілген атаулы жұмыс нәтижесінде, соның ішінде ұрлыққа қарсы іс-қимыл Бағдарламасы шеңберінде бөтеннің мүлкін ұрлау саны 2 есеге, ал пәтерлерден жасалған ұрлық 3 есеге азайды. Тіркелген 6 мал ұрлығының 5 фактісі анықталды, оның ішінде 4 ауыр санат. Автомотокөлікті тонауға және айдап әкетуге жол берілмеген. Полиция бөлімі кісі өлтіру, денсаулыққа ауыр зиян келтіру, зорлау қылмыстарын 100% анықтады.
Аудан орталығында көшелер мен қоғамдық орындарда АПБ кезекші бөліміне шығарылған 39 бейнебақылау камерасы орнатылды. Жүргізілген талдау бойынша әкімшілік құқық бұзушылықтардың жалпы санының 36,8% 911-ден 336 бұзушылық бейнебақылау камераларының көмегімен анықталды. ПБ жеке құрамымен жол қадағалауын жүзеге асыру кезінде ҚР ЖҚЕ 274 бұзушылық анықталды. Бейнебақылау камералары тәулік бойы аудандық полиция қызметкерлеріне қылмыспен күресуге, құқық бұзушылықтың жолын кесуге және жол қауіпсіздігін қамтамасыз етуге көмектеседі.
2021 жылға арналған басымдықтар мен міндеттер
Өткен жыл Қазақстан Республикасы Конституциясының 25 жылдығы,Ұлы Отан соғысындағы Жеңістің 75 жылдығы, Абай Құнанбаевтың туғанына 175 жыл, Әл-Фарабидің туғанына 1 150 жыл, Егіндікөл ауданының 50 жылдығы сияқты жарқын іс-шаралармен есте қалды.
Биылғы жыл еліміз үшін аса маңызды саяси оқиғамен атап өтілді– 2021 жылғы 10 қаңтарда Парламент Мәжілісі және барлық деңгейдегі мәслихаттар депутаттарын сайлау өткізілді. Сайлау жаңа жағдайда өтті. Саяси жаңғырту, көппартиялықты дамыту жөнінде шаралар қабылданды, парламенттік оппозиция институты және партиялық тізімдердегі әйелдер мен жастардың 20%-ы үшін 30 пайыздық квота енгізілді. Сайлау қорытындылары жоғары азаматтық ұстанымның, қоғамдық бірліктің, бүкілхалықтық қолдаудың және бүгінде іске асырылып жатқан реформалар бағытын одан әрі дамытуға өз үлесін қосуға ұмтылыстың даусыз көрінісі болды.
2021 жылы еліміздің Тәуелсіздігіне 30 жылдық мерейтойын атап өтеді.
Аудан экономикасын дамытудың негізгі басымдықтары өзгеріссіз қалады, бұл-тұрғын үй құрылысы, агроөнеркәсіптік кешенді дамыту, шағын бизнесті одан әрі қалыптастыру және қолдау, әлеуметтік саланың бүкіл кешенінің жұмыс істеуі үшін жағдай жасау, сондай-ақ аз қамтылған халықты әлеуметтік қорғау.
Сонымен қатар, біз 2021 жылы іске асыруды жоспарлап отырған бірнеше перспективалық жобаларға тоқталғымыз келеді:
Құрметті Егіндікөл ауданының тұрғындары!
Біздің барлық жетістіктеріміз тұрақты қоғамдық-саяси жағдайдың арқасында мүмкін болды. Әлеуметтік-экономикалық және мәдени дамуға қатысты барлық мәселелерде біз ауданымыздың тұрғындарын қолдауға және түсінуге сүйенеміз.
Есепті кезеңде біз барлық ойластырылған жобаларды бірлесіп іске асырғанымызды атап өту орынды. Бірлескен күш-жігерімізбен біз бұдан да зор биіктерге қол жеткізе алатынымызға сенімдімін. Тек бірлікте ғана біз алға қойылған барлық міндеттерді табысты шеше аламыз. Біздің ортақ қызығушылығымыз, туған жерге деген сүйіспеншілігіміз алдымызда тұрған барлық міндеттерді лайықты атқаруға мүмкіндік береді деп сенемін.
Назарларыңызға рахмет!