Қазақстан Республикасы Дiн iстерi және азаматтық қоғам министрiнiң 2017 жылғы 26 шiлдедегi № 113 бұйрығымен «Дiни қызмет саласындағы мемлекеттiк көрсетiлетiн қызметтер стандарттарын бекiту туралы» Қазақстан Республикасы Мәдениет және спорт министрiнiң 2015 жылғы 23 сәуiрдегi №147 бұйрығына өзгерiстер енгiзiлдi.
Ақмола облысының дiн iстерi басқармасы көрсететiн «Дiни әдебиеттi және дiни мазмұндағы өзге де ақпараттық материалдарды, дiни мақсаттағы заттарды тарату үшiн арнайы тұрақты үй-жайлардың орналасатын жерiн бекiту туралы шешiм беру» және «Дiни iс-шараларды өткiзуге арналған үй-жайларды ғибадат үйлерiнен (ғимараттарынан) тыс жерлерде орналастыруға келiсу туралы шешiм беру» мемлекеттiк көрсетiлетiн қызметтер бойынша өзгерiстерге сәйкес, өтiнiш қабылдау және аталған мемлекеттiк көрсетiлетiн қызмет нәтижелерiн беру: басқарманың немесе «Азаматтарға арналған үкiмет» мемлекеттiк корпорациясы» коммерциялық емес акционерлiк қоғамы кеңсесi арқылы жүзеге асырылады.
Сонымен қатар, «Миссионерлiк қызметтi жүзеге асыратын тұлғаларды тiркеудi және қайта тiркеудi жүргiзу» мемлекеттiк көрсетiлетiн қызметтiң пилоттық жобасы шеңберiнде, сондай-ақ дiн iстерi басқармасының немесе «Азаматтарға арналған үкiмет» мемлекеттiк корпорациясы» коммерциялық емес акционерлiк қоғамының кеңсесi арқылы алуға да болады.
Ақмола облысы Дiн iстерi
басқармасының бас маманы
Г.Бессмертная