Мектеп пен отбасының өзара әрекеттесу мәселелері туралы облыстық семинарда талқыланды

Көкшетау қаласы  «Bolashak saraiy» балалар мен жасөспірімдер сарайында Ақмола облысы білім басқармасының әдістемелік орталығы» КММ-сі  «Өркен» балалардың әл ауқатын арттыру ұлттық ғылыми- практикалық институтымен  бірлескен «Ата-аналарды педагогикалық қолдау орталығын дамыту шеңберінде мектеп пен отбасының өзара іс-қимылын нығайту» тақырыбында өңірлік семинар өткізді.

Семинар мектеп пен отбасының өзара іс-әрекетін нығайту мен педагогтердің психологиялық-тәжірибелік құзыреттілігін арттыру мақсатында өткізілді.

Іс-шараға аудандық/қалалық білім бөлімдерінің тәрбие әдіскерлері мен директордың тәрбие орынбасарлары, педагог-психологтар, әлеуметтік педагогтер қатысты.

Семинарда қазақстандық отбасының имиджін қолдаудағы мектептің маңыздылығы мен рөлі туралы мәселелер көтерілді, саралау және даралау қағидаттары негізінде ата-аналармен ағарту жұмысындағы  жаңа тәсілдер қарастырылды.

Сонымен қатар, педагогтер «Ата өсиеті», «Әже даналығы», «Аға қамқорлығы», «Жеңге кеңесі» секциялары жұмыс істейтін "Даналық мектебі" отбасылық клубтарының жұмыс тәжірибесімен, сондай-ақ балалардың әл-ауқатын қамтамасыз етуде отбасы мен мектептің өзара іс-әрекеті кезінде ата-аналармен жұмыс істеудің тиімді әдістерімен  өзара тәжірибе алмасты.