1-сыныпқа қабылданғанға дейін балаларды мектепке дейiнгi тәрбиелеу отбасында немесе бiр жастан бастап 1-сыныпқа қабылданғанға дейін мектепке дейiнгi ұйымдарда жүзеге асырылады.
Мектепке дейiнгi оқыту балаларды мектепте оқытуға мектеп алды даярлық түрiнде бес жастан бастап жүзеге асырылады.
Мектеп алды даярлық мiндеттi және отбасында, мектепке дейiнгi ұйымдарда, жалпы бiлiм беретiн мектептердiң, лицейлердiң және гимназиялардың мектеп алды сыныптарында жүзеге асырылады.
Мемлекеттiк бiлiм беру ұйымдарындағы мектеп алды даярлық тегiн болып табылады.
Ақмола облысында 598 мектепке дейінгі ұйымда 39063 бала (432 - мемлекеттік, 166 - жекеменшік, 272-балабақша, 326-мектеп жанындағы шағын орталықтар, сенімгерлік басқаруға берілген (МЖӘ) -8 ББ) мектепке дейінгі білім мен тәрбие алуда. 2-6 жастағы балаларды мектепке дейінгі оқыту және тәрбиемен қамту 94,4% құрайды (жоспар бойынша жыл соңына дейін 97%).