«Ақмола облысының экономика және бюджеттiк жоспарлау басқармасы» мемлекеттiк мекемесi (020000 индексi, Ақмола облысы, Көкшетау қаласы, Абай көшесi 114Б, 216 бөлме, анықтама үшiн телефон нөмiрi: 8(716-2) 29-63-24, факс 8(716-2) 29-63-64, электрондық мекен-жайы: econom@aqmola.gov.kz) «Б» корпусының бос төменгi мемлекеттiк әкiмшiлiк лауазымдарына орналасуға жалпы конкурс жариялайды:
1.Бюджеттiк саясат және жоспарлау бөлiмiнiң бас маманы, «D-O-4» санаты, 1 бiрлiк.
Лауазымдық еңбек ақысы еңбек еткен жылына қарай 108 305, 64 теңгеден 146 177, 22 теңгеге дейiн.
Негiзгi функционалдық мiндеттерi: Жергiлiктi бюджеттiң бюджеттiк параметрлерiн құрастыруға қатысу. Облыстық, аудандық және қалалық бюджеттер арасында жалпы сипаттағы трансферттердiң болжамды көлемдерiн есептеуге қатысу. Облыстық бюджеттi дайындау мен нақтылау бойынша бюджеттiк комиссияның қарастыруына материалдар дайындау. Облыстық бюджет бойынша маслихаттың шешiмдерiн жүзеге асыру бойынша облыс әкiмдiгiнiң қаулыларын, облыстық бюджеттi бекiту және нақтылау бойынша мәслихат шешiмдерiнiң жобаларын дайындау. Бөлiмнiң құзыретiне жататын мәселелер бойынша талдамалы анықтамаларды, материалдарды, ақпараттарды дайындау. Басқарманың сайтына облыс бюджетi және облыстық бюджет бойынша ақпаратты дайындау.
Конкурсқа қатысушыларға қойылатын талаптар: әлеуметтiк ғылымдар, экономика және бизнес аясында жоғары немесе жоғары оқу орнынан кейiнгi бiлiм.
Мынадай құзыреттердiң бар болуы: стресске орнықтылық, бастамашылық, жауапкершiлiк, қызметтi тұтынушыға және оны хабарландыруға бағдарлану, адалдық, өздiгiнен даму, жеделдiлiк, ынтымақтастық және әрекеттестiк, қызметтi басқару.
Жұмыс тәжiрибесi талап етiлмейдi.
2.Экономикалық саясат және жоспарлау бөлiмiнiң бас маманы, «D-O-4» санаты, 1 бiрлiк.
Лауазымдық еңбек ақысы еңбек еткен жылына қарай 108 305, 64 теңгеден 146 177, 22 теңгеге дейiн.
Негiзгi функционалдық мiндеттерi: Облыстың, аудандардың және қалалардың әлеуметтiк-экономикалық даму қорытындысы бойынша аналитикалық анықтамалар, материалдар дайындау, Астаналық агломерациясы өңiраралық жоспарының iске асырылуының барысы туралы, облыстың экономикалық мәселелерiне қатысты басқа да ақпарттарды дайындау. Облыстың әлеуметтiк-экономикалық болжамын, бесжылдық кезеңге арналған облыс аумағын дамыту бағдарламаларын, стратегиялық бағыттарға сәйкес құжаттарды дайындауға қатысу. Облыстың әлеуметтiк-экономикалық даму қорытындылары, экономикалық саясат және жоспарлауға қатысты басқа да мәселелер бойынша әкiмдiктiң кеңестерiне, отырыстарына материалдар дайындау. Бөлiмдер ұсынған материалдарды жалпылау, облыстың әлеуметтiк-экономикалық паспортын қалыптастыру Веб — сайтқа орналастыру үшiн облыстың әлеуметтiк-экономикалық дамуы туралы ақпараттар дайындау.
Конкурсқа қатысушыларға қойылатын талаптар: әлеуметтiк ғылымдар, экономика және бизнес аясында жоғары немесе жоғары оқу орнынан кейiнгi бiлiм.
Мынадай құзыреттердiң бар болуы: стресске орнықтылық, бастамашылық, жауапкершiлiк, қызметтi тұтынушыға және оны хабарландыруға бағдарлану, адалдық, өздiгiнен даму, жеделдiлiк, ынтымақтастық және әрекеттестiк, қызметтi басқару.
Жұмыс тәжiрибесi талап етiлмейдi.
Конкурс Қазақстан Республикасының Мемлекеттiк қызмет iстерi және сыбайлас жемқорлыққа қарсы iс қимыл Агенттiгi Төрағасының 2017 жылғы 21 ақпандағы № 40 Бұйрығымен бекiтiлген «Б» корпусының әкiмшiлiк мемлекеттiк лауазымына орналасуға конкурс өткiзу қағидалары негiзiнде жүргiзiледi.
Конкурс комиссиясы жұмысының ашықтылығы мен объективтiлiгiн қамтамасыз ету үшiн оның отырысына байқаушылар қатысады.
Байқаушы ретiнде тiркелу сұрақтары бойынша әңгiмелесу басталғанға дейiн бiр жұмыс күнiнен кешiктiрмей «Ақмола облысының экономика және бюджеттiк жоспарлау басқармасы» ММ персоналды басқару қызметiне (кадр қызметiне) жүгiну қажет.
Тiркелу үшiн тұлғалар персоналды басқару қызметiне (кадр қызметiне) жеке басын куәландыратын құжаттың көшiрмесiн немесе электрондық көшiрмесiн, осы Қағидалардың 26-тармағында көрсетiлген ұйымдарға тиесiлiлiгiн растайтын құжаттардың көшiрмелерiн немесе электрондық көшiрмелерiн ұсынады.
Конкурсқа қатысқан мемлекеттiк қызметшiлер, мемлекеттiк тiлдi және Қазақстан Республикасының заңнамасын бiлуге арналған тестiлеуден өтпейдi.
Жалпы конкурсқа қатысу үшiн қажеттi құжаттар:
1) осы Қағидалардың 2-қосымшасына сәйкес нысандағы өтiнiш;
2) 3х4 үлгiдегi түрлi түстi суретпен осы Қағидаларға 3-қосымшаға сәйкес нысанда толтырылған «Б» корпусының әкiмшiлiк мемлекеттiк лауазымына кандидаттың қызметтiк тiзiмi;
3) бiлiмi туралы құжаттар мен олардың көшiрмелерiнiң нотариалдық куәландырылған көшiрмелерi;
«Болашақ» халықаралық стипендиясыниеленушi, сондай-ақ өзара тану және баламалылығы туралы халықаралық шарттардың қолдану аясына жататын Қазақстан Республикасының азаматтарына шетелдiк жоғары оқу орындары, ғылыми орталықтары мен зертханалары берген бiлiм туралы құжаттарды қоспағанда, Қазақстан Республикасы азаматтарының шетелдiк бiлiм беру ұйымдарында алған бiлiмi туралы құжаттарының көшiрмелерiне бiлiм беру саласындағы уәкiлеттi орган берген аталған бiлiмi туралы құжаттарды нострификациялау немесе тану куәлiктерiнiң көшiрмелерi қоса берiледi.
«Болашақ» халықаралық стипендиясын иеленушiлерге берiлген бiлiмi туралы құжаттарға «Халықаралық бағдарламалар орталығы» Акционерлiк қоғамы берген Қазақстан Республикасы Президентiнiң «Болашақ» халықаралық стипендиясы бойынша оқуды аяқтау туралы анықтаманың көшiрмесi қоса берiледi.
Өзара тану және баламалылығы туралы халықаралық шартының (келiсiмнiң) қолдану аясына жататын бiлiмi туралы құжаттардың көшiрмелерiне бiлiм беру саласындағы уәкiлеттi орган берген аталған бiлiмi туралы құжаттарды тану туралы анықтаманың көшiрмелерi қоса берiледi.
4) еңбек қызметiн растайтын құжаттың нотариалдық куәландырылған немесе жұмыс орнынан кадр қызметiмен куәландырылған көшiрмесi;
5) Қазақстан Республикасы Денсаулық сақтау министрiнiң мiндетiн атқарушының 2010 жылғы 23 қарашадағы № 907 бұйрығымен бекiтiлген (Нормативтiк құқықтық актiлердi мемлекеттiк тiркеу тiзiлiмiнде № 6697 болып тiркелген) Денсаулық сақтау ұйымдарының бастапқы медициналық құжаттама нысандарына сәйкес құжат тапсырғанға дейiн алты айдан аспайтын уақытта берiлген 086/е нысандағы денсаулығы туралы медициналық анықтама (дәрiгерлiккәсiби-консультациялық қорытынды) (немесе нотариалдық куәландырылған көшiрмесi);
6) Қазақстан Республикасы азаматының жеке басын куәландыратын құжаттың көшiрмесi;
7) Қазақстан Республикасы Денсаулық сақтау және әлеуметтiк даму министрiнiң 2015 жылғы 27 сәуiрдегi № 272 бұйрығымен (Қазақстан Республикасының Әдiлет министрлiгiнде 2015 жылы 11 маусымда № 11304 тiркелдi) бекiтiлген «Психоневрологиялық ұйымнан анықтама беру» мемлекеттiк көрсетiлетiн қызметтiң стандартына сәйкес нысан бойынша құжат тапсырғанға дейiн бiр жылдан аспайтын уақытта берiлген психоневрологиялық ұйымнан анықтама (немесе қорытындының нотариалдық куәландырылған көшiрмесi);
8) Қазақстан Республикасы Денсаулық сақтау және әлеуметтiк даму министрiнiң 2015 жылғы 27 сәуiрдегi № 272 бұйрығымен (Қазақстан Республикасының Әдiлет министрлiгiнде 2015 жылы 11 маусымда № 11304 тiркелдi) бекiтiлген «Наркологиялық ұйымнан анықтама беру» мемлекеттiк көрсетiлетiн қызметтiң стандартына сәйкес нысан бойынша құжат тапсырғанға дейiн бiр жылдан аспайтын уақытта берiлген наркологиялық ұйымнан анықтама (немесе қорытындының нотариалдық куәландырылған көшiрмесi).
3), 4), 5), 7) және 8) тармақшаларында көрсетiлген құжаттардың көшiрмелерiн ұсынуға рұқсат етiледi. Бұл ретте, персоналды басқару қызметi (кадр қызметi) құжаттардың көшiрмелерiн түпнұсқалармен салыстырып тексередi.
Егер азамат еңбек қызметiн жүзеге асырмаған және конкурс жарияланған бос лауазым бойынша жұмыс өтiлi талап етiлмейтiн жағдайда еңбек қызметiн растайтын құжаттың көшiрмесiн ұсыну талап етiлмейдi.
Ақмола облысының экономика және бюджеттiк жоспарлау басқармасының персоналды басқару қызметi (кадр қызметi) «Е-қызмет» интегралды ақпараттық жүйесi арқылы кандидаттың:
1) құжаттарды тапсыру сәтiнде заңнаманы бiлуiне тестiлеуден өткенi туралы шектi мәннен төмен емес нәтижелерi бар қолданыстағы сертификаттың;
2) конкурсқа қатысу үшiн құжаттарды тапсыру сәтiнде уәкiлеттi органда жеке қасиеттерiн бағалауды өту туралы шектi мәннен төмен емес нәтижелерi бар қолданыстағы қорытындының бар болуын тексередi.
Құжаттардың толық емес пакетiн немесе дәйексiз мәлiметтердi ұсыну конкурс комиссиясының оларды қараудан бас тартуы үшiн негiз болып табылады.
Азаматтар бiлiмiне, жұмыс тәжiрибесiне, кәсiби деңгейiне және беделiне қатысты (бiлiктiлiгiн арттыру, ғылыми дәрежелер мен атақтар берiлуi туралы құжаттардың көшiрмелерi, мiнездемелер, ұсынымдар, ғылыми жарияланымдар және өзге де олардың кәсiби қызметiн, бiлiктiлiгiн сипаттайтын мәлiметтер) қосымша ақпараттарды бере алады.
Жалпы конкурсқа қатысуға ниет бiлдiрген азаматтар конкурс өткiзетiн мемлекеттiк органға құжаттарын қолма-қол тәртiпте, почта арқылы не хабарландыруда көрсетiлген электрондық почта мекенжайына электронды түрде не «Е-gov» электронды Үкiмет порталы арқылы құжаттарды қабылдау мерзiмiнде тапсырады тапсырады.
Құжаттар электронды түрде мемлекеттiк органның электрондық почтаға берiлген жағдайда олардың түпнұсқалары немесе нотариалдық куәландырылған көшiрмелерi әңгiмелесу басталғанға дейiн бiр сағаттан бұрын кешiктiрiлмей берiледi.
Құжаттарды ұсынбаған жағдайда азамат конкурстық комиссиямен әңгiмелесуден өтуге жiберiлмейдi.
Құжаттар «Ақмола облысының экономика және бюджеттiк жоспарлау басқармасы» ММ және уәкiлеттi органның сайтында жалпы конкурс өткiзу туралы хабарландыру соңғы жарияланған кейiнгi келесi жұмыс күнiнен бастап 7 жұмыс күннiң iшiнде ұсынылуы қажет.
Әңгiмелесуге жiберiлген кандидаттар оны кандидаттарды әңгiмелесу жiберу туралы хабардар ету күнiнен бастап 3 жұмыс күн iшiнде «Ақмола облысының экономика және бюджеттiк жоспарлау басқармасы» ММ өтедi.
Азаматтар конкурсқа қатысу шығындарын (әңгiмелесу өтетiн жерге келу және қайту, тұрғын жай жалдау, тұру, байланыс қызметiнiң барлық түрлерiн пайдалану) өздерiнiң жеке қаражаттары есебiнен жүргiзедi.
Конкурсқа қатысушылар мен кандидаттар уәкiлеттi органға немесе оның аумақтық бөлiмшесiне, не Қазақстан Республикасының заңнамасына сәйкес сот тәртiбiнде конкурс комиссиясының шешiмiне шағымдана алады.