2023 жылға мемлекеттік қызметтер көрсету мәселелері бойынша «Ақмола облысының дін істері басқармасы» мемлекеттік
мекемесінің қызметі туралы
ЕСЕП
1) Қызмет беруші туралы мәлімет – Ақмола облысының дін істері басқармасы (бұдан әрі - Басқарма). Заңды мекен-жайы: 020000, Қазақстан Республикасы, Ақмола облысы, Көкшетау қ., Абай көш., 89 үй, байланыс телефоны: 8 (7162) 51-13-62.
2)Мемлекеттік қызметтер туралы ақпарат:
Тізілімге сәйкес басқармамен 2 түрлі мемлекеттік қызметтер көрсетіледі:
- «Миссионерлік қызметті жүзеге асыратын тұлғаларды тіркеуді және қайта тіркеуді жүргізу»;
- «Діни әдебиетті және діни мазмұндағы өзге де ақпараттық материалдарды, діни мақсаттағы заттарды тарату үшін арнайы тұрақты үй-жайлардың орналастырылуын бекіту туралы шешім беру» (бұдан әрі - Мемлекеттік қызметтер);
2022 жылдың нәтижесі бойынша көрсетілетін мемлекеттік қызметтер саны 33 құрады: электронды түрде - 31, қызмет көрсетуші арқылы - 2.
Діни қатынастар саласындағы барлық мемлекеттік қызметтер тегін көрсетіледі.
3) Неғұрлым сұранысқа ие мемлекеттік қызметтер туралы ақпарат.
Неғұрлым сұранысқа ие мемлекеттік көрсетілетін қызметтер болып:
- миссионерлік қызметті жүзеге асыратын тұлғаларды тіркеуді және қайта тіркеуді жүргізу — 33 қызмет табылады;
Ұсынылған құжаттардың бекітілген тізбеге сәйкес келмеуіне байланысты, миссионерді тіркеу (қайта тіркеу) туралы куәлік беруден уәжді бас тарту шығарылды.
1)Мемлекеттік қызметтерді көрсету тәртібі туралы ақпаратқа қолжетімділік көздері мен орындары туралы ақпарат.
Көрсетілетін қызметті алушылар үшін барлық қажетті ақпарат (мемлекеттік қызмет көрсету стандарттары мен қағидалары) дін істері басқармасының https://www.gov.kz/memleket/entities/aqmola-din/about?lang ресми интернет-ресурсындағы «Мемлекеттік көрсетілетін қызметтер» бөлімінде орналастырылған. Сонымен қатар, мемлекеттік қызметтер көрсету қағидалары басқарманың ақпараттық стендінде де орналатырылған. Өзіне-өзі қызмет көрсету бұрышы әрекет етеді.
2)Мемлекеттік көрсетілетін қызметтер процесінің анықтығын қамтамасыз етуге бағытталған іс-шаралар (түсіндіру жұмыстары, семинарлар, кездесулер, сұхбат және басқалары).
2023 жылы дін істері басқармасымен діни бірлестіктердің басшыларына, мемлекеттік қызметшілерге, ауылдық окрун әкімдеріне арналған 15 іс-шара (семинарлар, дөңгелек үстелдер, кездесулер және т.б.) өткізілді.
Мысалы, ақпан, наурыз, мамыр, тамыз, қыркүйек, қазан және қараша айларында Қосшы қ., Зеренді, Шортанды, Ақкөл, Аршалы, Қорғалжын, Бурабай, Бұланды және Біржан сал аудандарында діни бірлестіктердің басшылары мен өкілдеріне, ауыл әкімдері мен мемлекеттік қызметшілерге арналған дөңгелек үстелдер мен семинарлар өткізілді. Іс-шаралармен барлығы 236 адам қамтылды.
Сонымен қатар, 8 маусымда басқарманың бас маманы Е.Ж.Ілиясов «Қазақстан» РТРК» АҚ өңірлік телевизиялық арнасында «Елге қызмет» бағдарламасына қатысып, басқармамен көрсетілетін мемлекеттік қызметтер туралы баяндады.
«Facebook» интернет-парақшасында басқармамен көрсетілетін мемлекеттік қызметтер бойынша 4 онлайн эфир өткізілді және сақталды.
Басқарманың сайтында және «Facebook» пен «ВКонтакте» әлеуметтік желілерінде түсіндіру іс-шаралары туралы өткізілген туралы 15 ақпарат және «Facebook» парақашасында 1 мақала орналастырылды.
1)Мемлекеттік қызметтер көрсету саласында қызметкерлердің біліктілігін арттыруға бағытталған іс-шаралар.
Мемлекеттік қызмет көрсетуге жауапты мамандар тиісті Заңдарды, әдістемелік ұсынымдарды және мемлекеттік қызмет көрсету ережелерін зерделеу арқылы өздерінің білім деңгейін арттырады.
2)Мемлекеттік қызметтер көрсету процестерін нормативтік-құқықтық жетілдіру.
Қоғамдық қатынастарды реттеу, мемлекеттік қызметтер көрсету саласындағы негіз қалаушы қағидаттар мен нормаларды белгілеу мақсатында Қазақстан Республикасы Ақпарат және қоғамдық даму министрінің 2020 жылғы 31 наурыздағы № 97 бұйрығымен діни қызмет саласында мемлекеттік қызметтер көрсетудің Қағидалары бекітілді. 2022 жылы ҚР Ақпарат және қоғамдық даму министрінің 14 ақпандағы №36 және 1 желтоқсандағы №530 бұйрықтарымен діни қызмет саласында мемлекеттік қызметтер көрсету Қағидаларына екі рет өзгерістер мен толықтырулар енгізілді. 2023 жылы қолданыстағы Қағидаларға өзгерістер енгізілген жоқ.
1) Мемлекеттік қызмет көрсету мәселелері бойынша қызмет алушылардың шағымдары туралы ақпарат.
2023 жылы басқармаға мемлекеттік қызмет көрсету мәселелері бойынша шағымдар түскен жоқ.
Мемлекеттік қызмет көрсету сапасын және қызмет алушылардың қанағаттандырулығын арттыру мақсатында, 2024 жылға келесі іс-шаралар жоспарланған:
-мемлекеттік қызметтерді уақытылы және сапалы көрсету бойынша күнделікті мониторинг жүргізу;
-мемлекеттік қызметтер көрсету сапасын арттыру бойынша шаралар қабылдау;
-көрсетілетін қызметті алушылардың шағымдарын уақтылы қарауды қамтамасыз ету, өтініштер үшін негіз болған себептер мен жағдайларды жою бойынша түпкілікті шаралар қабылдау;
-халықтың мемлекеттік қызметтерді «электрондық үкімет» порталы арқылы танымал әлеуметтік желілер, мерзімді баспа басылымдары арқылы алу мүмкіндіктері туралы хабардар болуын және уәждемесін күшейтуді қамтамасыз ету;
-қолданыстағы заңнаманың нормалары, оның ішінде мемлекеттік қызмет көрсету тәртібі туралы халық арасында түсіндіру.