Ақмола облысы Дін істері басқармасының «Конфессияаралық қатынастарды талдау және дамыту орталығы» коммуналдық мемлекеттік мекемесі (бұдан әрі КҚТДО КММ) Ақмола облысы әкімдігінің 27.12.2013 жылғы № А-12/576 қаулысымен құрылды.
Мекеме келесі қызмет түрлерін жүзеге асырады:
1) өңірлік және республикалық деңгейлерде діни экстремизмге және жалған діни қызметке қарсы іс-қимылға бағытталған әдістемелік және практикалық іс - шараларды (дәрістер, семинар-тренингтер және өзге де ақпараттық-түсіндіру және профилактикалық іс-шаралар) ұйымдастыру және өткізу;
2) радикалды, деструктивті және тоталитарлық культтердің әсерінен зардап шеккен құрбандарды оңалтуда психологиялық, құқықтық және практикалық көмек көрсету, оның ішінде консультациялық көмек көрсету, сондай-ақ сенім телефоны арқылы жүгінген адамдарға шұғыл психологиялық көмек көрсету;
3) Ақмола облысында діни экстремизмге қарсы іс-шараларды ұйымдастыру мен өткізуде қоғамдық қозғалыстар мен бірлестіктерге әдістемелік, ұйымдастырушылық және практикалық көмек көрсету;
4) өңірдің конфессияаралық саласындағы жағымсыз үрдістерді анықтау тұрғысынан әлеуметтік зерттеулер жүргізу;
5) түрлі мәдени-бұқаралық, ағартушылық және танымдық іс-шараларды ұйымдастыру және өткізу;
6) оқу-әдістемелік әдебиеттерді, ақпараттық бюллетеньдерді, арнайы баспа басылымдарын шығару жолымен мүдделі мемлекеттік органдардың, ұйымдардың сұрау салулары бойынша ақпараттық-талдамалық және ғылыми-әдістемелік қамтамасыз ету;
7) мекеменің құзыретіне кіретін мәселелер бойынша мемлекеттік органдардың қызметін қамтамасыз ету үшін дін саласындағы ғылыми зерттеулерді дамытуда ғылыми ұйымдармен, мекемелермен, қоғамдық бірлестіктермен, ұлттық-мәдени орталықтармен, жоғары оқу орындарымен және басқа да тиісті заңды тұлғалармен өзара іс-қимыл жасау;
8) мемлекеттік органдардың басшы қызметкерлері мен мамандары, Қазақстан Республикасындағы діни конфессиялардың және дін мәселелері, діни экстремизм мен терроризмге қарсы іс-қимыл және мекеменің құзыретіне кіретін өзге де мәселелер бойынша басқа да нысаналы топтардың өкілдері үшін оқыту семинарларын өткізу;
9) діни әдебиетті, діни мақсаттағы заттарды зерделеу және талдау;
10) қарсы насихаттау іс-шараларын жүргізу және электрондық (оның ішінде интернет-сайттар) және баспа бұқаралық ақпарат құралдарының мониторингі (жүйелеу және талдау);
11) Ақмола облысы Дін істері басқармасының дін мәселелері бойынша ақпараттық-түсіндіру тобымен діни толеранттылық, патриотизм, терроризмге қарсы және экстремизмге қарсы сана саласындағы мемлекеттік саясатты насихаттау мәселелері бойынша өзара іс-қимыл жасау.