2025 жылға мемлекеттік қызметтер көрсету мәселелері бойынша
Бурабай ауданы әкімдігі қызметінің есебі
«Мемлекеттік көрсетілетін қызметтер туралы» ҚР 2013 жылғы 15 сәуірдегі №88-V Заңының 23-бабына сәйкес облыстардың, аудандардың, облыстық маңызы бар қалалардың жергілікті атқарушы органдары, қаладағы аудандардың, аудандық маңызы бар қалалардың, кенттердің, ауылдардың, ауылдық округтердің әкімдері жылына кемінде бір рет көрсетілетін қызметті берушілердің, мүдделі жеке және заңды тұлғалардың қатысуымен мемлекеттік қызметтер көрсету саласындағы қызмет туралы есептерді жария талқылауды жүргізеді.
Жария талқылаулардың қорытындылары мемлекеттік қызметтер көрсету сапасын арттыру және мемлекеттік қызметтер көрсету тәртібін айқындайтын заңға тәуелді нормативтік құқықтық актілерді жетілдіру үшін пайдаланылады.
1) Көрсетілетін қызметті берушілер туралы мәліметтер: Бурабай ауданының жергілікті атқарушы органдарының 2025 жылғы мемлекеттік қызметтер көрсету мәселелері жөніндегі қызметі туралы есебіне (бұдан әрі – есеп) ауданның жергілікті атқарушы органдары, ауылдық округтер, Бурабай кенті және Щучинск қаласы әкімдері көрсеткен мемлекеттік қызметтер бойынша мәліметтер енгізілген.
2) Мемлекеттік көрсетілетін қызметтер туралы ақпарат: мемлекеттік көрсетілетін қызмет - көрсетілетін қызметті алушылардың өтініш жасауы бойынша немесе өтініш жасауынсыз жүзеге асырылатын және олардың құқықтарын, бостандықтары мен заңды мүдделерін іске асыруға, оларға тиісті материалдық немесе материалдық емес игіліктер беруге бағытталған жекелеген мемлекеттік функцияларды іске асыру нысандарының бірі немесе олардың жиынтығы;
- мемлекеттік қызметтер саны: ауданның жергілікті атқарушы органдары мемлекеттік қызметтердің 58 түрін (65 кіші түрін) көрсетеді.
- 6 қызметті ауылдық округ әкімдіктері көрсетеді.
- «Азаматтарға арналған үкімет» мемлекеттік корпорациясы арқылы көрсетілетін мемлекеттік қызметтердің саны 24 қызмет түрі.
- ЭҮП электрондық түрінде көрсетілетін мемлекеттік қызметтер саны 50 қызмет.
- мемлекеттік қызметтің 58 түрінен ақылы негізде 4 қызмет көрсетіледі.
- проактивті форматта 7 түрі бар.
- мемлекеттік қызмет көрсету тәртібін айқындайтын 55 заңға тәуелді нормативтік құқықтық актілер бекітілді.
2025 жылдың қорытындысы бойынша көрсетілген мемлекеттік қызметтер саны 13156 құрады:
- Мемлекеттік корпорация арқылы - 660;
– электронды түрде- 11092 (ЭҮП);
- көрсетілетін қызметті беруші арқылы-363 қызмет;
- ақпараттық жүйелер – 1442.
Мемлекеттік қызметтерді
«Электрондық үкімет порталы» арқылы көрсету
Ауылдық округтер, Бурабай кенті және Щучинск қаласы әкімдерінің аппараттарында 11 өзіне-өзі қызмет көрсету бұрышы орнатылған «E-gov» өзіне-өзі қызмет көрсету бұрыштары арқылы 1659 электрондық қызмет көрсетілді.
3) Неғұрлым талап етілетін мемлекеттік қызметтер туралы ақпарат.
Неғұрлым талап етілетін мемлекеттік қызметтер: бұл «Жер учаскесін алуға кезекке қою», «Жер учаскелерін қалыптастыру жөніндегі жерге орналастыру жобаларын бекіту», «Сауда-саттықты (конкурстарды, аукциондарды) өткізуді талап етпейтін, мемлекет меншігіндегі жер учаскелеріне құқықтар алу», «Еңбекші көшіп келушіге рұқсат беру және ұзарту», «Жергілікті өкілді органдардың шешімдері бойынша мұқтаж азаматтардың жекелеген санаттарына әлеуметтік көмек тағайындау», «Құрылыс және реконструкциялау (қайта жоспарлау және қайта жабдықтау) жобаларын әзірлеу кезінде бастапқы деректерді беру».
1) Мемлекеттік қызметтер көрсету тәртібі туралы ақпаратқа қол жеткізу көздері мен орындары туралы мәліметтер.
Көрсетілетін қызметті берушілердің мемлекеттік қызметтер көрсету талаптары мен тәртібі мемлекеттік қызметтер көрсету тәртібін айқындайтын заңға тәуелді нормативтік актімен айқындалады.
Мемлекеттік қызмет көрсету тәртібі туралы ақпаратты: мемлекеттік қызмет көрсететін барлық жергілікті атқарушы органдардың (9 жергілікті атқарушы органның, 11 аумақтық округтің) стендтерінен алуға болады. Бурабай ауданы әкімінің сайтында www.gov.kz.. аудан әкімінің Instagram парақшасында -burabay_audanynyn_akimdigi, сондай-ақ мемлекеттік қызмет көрсету мәселелері жөніндегі бірыңғай байланыс орталығының телефондары бойынша 1414.
2025 жылы Үрімқай және Абылайхан ауылдық округтерінде сервистік әкімдіктің шарттары жасалды.
2) Мемлекеттік қызметтер көрсету тәртібін айқындайтын заңға тәуелді нормативтік құқықтық актілердің жобаларын жария талқылау туралы ақпарат.
Мемлекеттік органдардың қызметі туралы есеп қоғамдық талқылауға арналған аудан әкімінің - burabay_audanynyn_akimdigi сайты мен Instagram парақшасында орналастырылады, онда әрбір тұрғын есептерді қарап, пікір қалдыра алады.
3) Мемлекеттік қызметтер көрсету процесінің ашықтығын қамтамасыз етуге бағытталған іс-шаралар (түсіндіру жұмыстары, семинарлар, кездесулер, сұхбаттар және басқалар).
Мемлекеттік қызмет көрсету процесінің ашықтығын қамтамасыз ету мақсатында және қызмет алушылардың хабардарлығын арттыру жыл ішінде 9 семинар - кеңес және «дөңгелек үстел», қоғамдық кеңесте 4 тыңдау өткізілді, 8 Тікелей эфир және ауылдық округтерде көрсетілетін қызметті алушылардың 11 күні өткізілді. Мемлекеттік органдардың БАҚ және әлеуметтік желілерінде 135 мақала жарияланды.
1) Мемлекеттік қызметтер көрсету процестерін оңтайландыру және автоматтандыру нәтижелері.
ҚР Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 8 желтоқсандағы бұйрығымен бекітілген Мемлекеттік қызметтер көрсету сапасын мемлекеттік бақылау қағидаларының 57-тармағына сәйкес Қазақстан Республикасының Мемлекеттік қызметтер көрсету саласындағы заңнамасы талаптарының сақталуын ішкі бақылау қорытындылары бойынша ішкі бақылау қызметтері Мемлекеттік қызметтер көрсетудің бизнес-процестерін жетілдіру жөнінде ұсыныстар әзірлейді, оның ішінде оларды автоматтандыру бойынша, оңтайландыру және оларды электронды түрге көшіру.
Электрондық мемлекеттік қызметтер «электрондық үкіметтің өңірлік шлюзі» арқылы көрсетіледі.
Осыған байланысты Мемлекеттік қызметтер көрсетуді көздейтін мемлекеттік қызметтер тізіліміне мерзімді өзгерістер енгізіледі.
2) Мемлекеттік қызметтер көрсету саласындағы қызметкерлердің біліктілігін арттыруға бағытталған іс-шаралар.
ҚР Президенті жанындағы Мемлекеттік қызмет академиясының филиалында мемлекеттік қызмет көрсетуге жауапты 16 қызметші (мемлекеттік қызметшілер қатарынан) біліктілігін арттырудан өтті.
Жергілікті атқарушы органдардың қызметкерлері - көрсетілетін қызметті берушілер үшін мемлекеттік қызмет көрсету мәселелері бойынша техникалық оқу жүргізілді – 61 қызметкер оқытылды - (жоспарға 100%).
1) Мемлекеттік қызметтер көрсету мәселелері бойынша көрсетілетін қызметті алушылардың шағымдары туралы ақпарат (қосымша).
2025 жылы көрсетілетін қызметті берушілердің атына мемлекеттік қызмет көрсету мәселелері бойынша 23 шағым түсті ("Бурабай ауданы әкімінің аппараты" ММ - 17, "Жер қатынастары бөлімі" ММ - 5, "Бурабай кенті әкімінің аппараты" ММ - 1). Көрсетілетін қызметті алушылардың шағымдарын қарау қорытындысы бойынша Қазақстан Республикасы Мемлекеттік қызмет істері агенттігінің Ақмола облысы бойынша Департаменті 8 бас тартуды негізсіз деп таныды. Заңнама талаптарын бұзғаны үшін 2 маманға тәртіптік жаза қолданылды.
2) Мемлекеттік қызметтер көрсету сапасын ішкі бақылау нәтижелері.
Қазақстан Республикасының Мемлекеттік қызметтер саласындағы заңнамасын сақтау мәселесі бойынша бекітілген бақылау іс-шараларының жоспарына сәйкес ауданның 5 мемлекеттік мекемесінде «Бурабай ауданының жұмыспен қамту және әлеуметтік бағдарламалар бөлімі» ММ – 3 бұзушылық, "Бурабай ауданы Абылайхан ауылдық округі әкімінің аппараты" КММ - жоқ, «Бурабай ауданының жер қатынастары бөлімі» ММ – 5 бұзушылық, "Бурабай ауданы Катаркөл ауылдық округі әкімінің аппараты" КММ-2 бұзушылық, "Бурабай ауданының ауыл шаруашылығы бөлімі" ММ-65 бұзушылық) Қазақстан Республикасының заңнамасын сақтау тұрғысынан Мемлекеттік қызмет көрсету саласында бақылау іс-шаралары өткізілді.
Мемлекеттік қызмет көрсету сапасын бақылау мақсатында 7 қызметтік жазба жасалды. Мемлекеттік қызмет көрсететін 7 маманға тәртіптік сипаттағы шаралар қабылданды
4) Мемлекеттік қызметтер көрсету сапасының қоғамдық мониторингінің нәтижелері.
Жүргізілген қоғамдық мониторинг нәтижелеріне сәйкес мемлекеттік қызмет көрсету сапасының жоғары деңгейі тіркелді-орташа баға 4,88 балды құрады, толық қанағаттану көрсеткіші 90,5%. Мемлекеттік қызмет көрсету сапасының өсуінің оң динамикасының сақталуы анықталды. Қызметтерді алудың ең сұранысқа ие тәсілі электрондық формат (86,7%) болып табылады, сауалнамаға қатысқандардың көпшілігі "электрондық үкімет" порталы және "электрондық лицензиялау"порталы сияқты онлайн-алаңдарды пайдаланды. Тұтастай алғанда, қызмет көрсету сапасын "электрондық үкімет" порталында алған респонденттер, "электрондық лицензиялау" порталында төмен бағалады-негізгі проблемалар техникалық қиындықтармен байланысты (портал жұмысының төмен жылдамдығы, авторизация, құжаттаманы жүктеу проблемалары). Жергілікті атқарушы органдар рейтингінің бірінші үштігін Қарағанды (4,93 балл, толық қанағаттану көрсеткіші – 93,8%), Ақмола (4,93 балл, 92,7%) және Шығыс Қазақстан (4,92 балл,92,6%) облыстарының ЖАО ұсынады. Жалпы мемлекеттік қызмет көрсету сапасын бағалауды арттыру байқалады.
Көрсетілетін қызметті алушылардың мемлекеттік қызметтер көрсету сапасына қанағаттануын арттыру мақсатында 2026 жылға арналған ҚР Мемлекеттік қызметтер көрсету саласындағы заңнамасын сақтау жөніндегі бақылау іс-шараларының жоспары бекітілді.
Мемлекеттік қызмет көрсету сапасын арттыру мақсатында 2026 жылға келесі іс шаралар жоспарланған:
Мемлекеттік қызметтер мәселелері бойынша Бурабай ауданы әкімі аппаратының мемлекеттік қызметтер көрсету мониторингі бөліміне 8-71636-79319 телефоны бойынша хабарласуға болады.