Ұрымқай ауылдық округінің әкімі Ж.К. Оспановтың «Ұрымқай ауылдық округінің 2021 жылғы әлеуметтік-экономикалық даму нәтижелері және 2022 жылға міндеттері туралы» ЕСЕБІ
Қазақстан Республикасы Президентінің 2016 жылғы 5 ақпандағы № 190 Жарлығын орындау мақсатында әкімдер жыл сайын халыққа есеп беру кездесулерін өткізеді. Ол елде жүргізіліп жатқан реформаларды іске асыруды, әкімшілік-аумақтық бірліктердің әлеуметтік-экономикалық даму мақсаттарын және оларды одан әрі дамытудың негізгі бағыттарын қамтиды.
Ұрымқай ауылдық округінің 2021 жылғы әллеуметтік-экономикалық даму нәтижелері және 2022 жылға міндеттері туралы есеп беруіне рұқсат сұраймын.
Ұрымқай ауылдық округінің құрамында 8 елді мекендер кіреді: Ұрымқай ауылы 1011 адам тұрады, Дмитриевка ауылы-421 адам, Күлстан ауылы-70 адам, Кіндікқарағай ауылы-194 адам, Ынталы ауылы-20 адам, Красный кордон-190 адам, Көрнекті-234 адам, Қарашілік ауылы- 739 адам. Халықтың саны -2879 адам құрайды.
Мемлекеттік қызметтер
Бурабай ауданы Ұрымқай ауылдық округі әкімінің аппаратымен мемлекеттік қызмет көрсету бойынша мемлекеттік саясатты іске асыру шеңберінде және Мемлекеттік қызметтер Тізіліміне сәйкес мемлекеттік қызметтердің 5 түрі көрсетіледі, оның ішінде:
1) Елді мекен шегінде объект салу үшін жер учаскесін беру
2) Жер учаскесінің нысаналы мақсатын өзгертуге шешім беру
3) Мемлекеттік меншігінде жер учаскелерінің құқығында сауда-саттықтарды (конкурстарда, аукциондарда) ие болу. Есепті жылы 50 Мемлекеттік қызмет көрсетілді , оның ішінде 45 – жеке тұлғалар, 5-заңды тұлғалар.
4) Жер учаскесін жеке меншікке бір уақытта немесе бөліп сату
5) Жер учаскесін алу үшін кезекке қою
2021 жылдың өткен айлары жоғары жұмылдыру режимінде өтті. Үкімет нақты шектеулердің жаппай тетігін енгізді, осыған байланысты әкім аппаратының жұмысы азаматтардың өтініштеріне жедел және нақты ден қоюға, тапсырмалар мен қойылған міндеттерді орындауға бағытталды. Мемлекеттік қызметтерді электрондық түрде көрсету және халықтың цифрлық сауаттылығын арттыру шеңберінде ауылдық округ әкімі аппаратының ғимаратында"өзіне-өзі қызмет көрсету бұрышы" жұмыс істейді. Қазақстан Республикасының электрондық үкімет порталы арқылы "Еgov.kz" округ азаматтарының электрондық цифрлық қолтаңбасы болған жағдайда ХҚКО-ға жүгінбей-ақ мемлекеттік қызметтерді электрондық түрде алу мүмкіндігі бар. Есеп беру кезеңінде " Өзіне-өзі қызмет көрсету бұрышын " 292 адам пайдаланды.
13 жеке және заңды тұлғалардың өтініштері карастырылды. 127 нормативтік-құқықтық актілер қабылданды. 50 мемлекеттік қызмет көрсетілді. 10 отбасы (36 адам) 1171369 теңге көлемінде атаулы әлеуметтік көмек алды. 111 нотариалдық іс-әрекет куәландырылды.
2021 жылғы қаңтардағы есеп беру кездесуінде алға міндеттер қойылған болатын:
1) Егер қаржыландыру болса Қарашілік, Көрнекті, Дмитриевка ауылдарында ауыл ішіндегі жолдарды орташа жөндеу. Қарашілік ауыл ішіндегі Ленин, Победа, Школьная көшелерінің жолдарына, Көрнекті ауылының Абай, Гагарин, Мира жолдарына, Дмитриевка ауылының Ленин көшесінің 500 м жолына орташа жөндеу өткізілді.
2) Округтің Ұрымқай, Дмитриевка, Кіндікқарағай, Күлстан мекендерінің жер шекараларын заңдастыру. Елді мекендерінің шекаралары заңдастырылды,2022 жылдың қаңтар айында қоғамдық тыңдаулар өтеді, содан соң құжаттар мәслихат сессиясында бекітіледі.
3) Егер қаржыландыру болса Көрнекті, Дмитриевка, Кіндікқарағай ауылдарында көше жарықтандыру салу. Есеп жылында Дмитриевка ауылындағы Ленин, Интернациональная көшелеріне, Көрнекті ауылының Абай, Гагарин көшелеріне, Кіндікқарағай ауылының Орталық көшесіне жарықтандыру орнатылды. Кіндікқарағай ауылындағы ұңғымасында башнясыз насос орнатылды. Су қыбырын орнату үшін 5-7 млн.теңге қаржыландыру қажет.
Ауыл шаруашылығы
Ауылшаруашылығы - бұл біздің басты ресурстарымыз және бізде органикалық және экологиялық таза өнім өндірудің әлеуеті зор.
Округте 14 ЖШС, 42 шаруа қожалығы мен 4 АӨК ауыл шаруашылығы жұмыстарын жүргізеді. Негізгі кәсіпорын «Журавлевка-1» ЖШС-ның егіс алқабы 31713 га құрайды. Астықтың орташа шығымдылығы: бидай– 9,7 ц/га, яшпен-11,5 ц/га, майлы дақылдар –рапс- 15 ц/га, бұршақ дәнділер-8,4ц/га құрады. ЖШС-де 250 адам жұмыс істейді.
Округтің барлық ЖШС-мен ШҚ-ры уақытында егін алу жұмыстарын атқарды.
Мал шаруашылығы
Округтегі мал басы жеке үй шаруашылықтарының, шаруа қожалықтарының, жеке кәсіпкерлер мен АӨК-дің малдарынан тұрады.
ІҚМ - 2832 бас, жылқы-1262 бас, қой-ешкі - 5183 бас, шошқа-400 бас, құс - 15608 бас.
Бұдан басқа мал шаруашылығымен жеке кәсіпкерлер мен «Журавлевка-1» ЖШС айналысады, онда 357 ірі қара мал,160 жылқы тіркелген. «Кіндікқарағай Сүт» ЖШС-нің ІҚМ-дың басы-180, «СХП Әсия» ЖШС-нің ІҚМ басы-60 бас, «Қайыр-Бек» ЖШС-нің ІҚМ басы-137, қой-100 бас құрайды.
Салықты және басқа міндетті төлемдерді жинау, салық салу базасын ұлғайту
2021 жылы келесі салықтар жиналды:
- жеке тұлғалардың жер салығы – 292,1мың теңге;
- мүлік салығы – 497,3мың теңге;
- жеке тұлғалардан көлік салығы – 6050,3 мың теңге;
- заңды тұлғалардан көлік салығы – 796 мың теңге;
- кәсіпкерлерден жеке табыс салығы – 1122,5 мың теңге;
- жарнама орналастырғаны үшін – 554,2 мың теңге салық жиналды.
2021 жылға 8210 мың тенге жоспарланған, барлық жиналған салық – 9312,8 теңгені құрайды. Жергілікті өзін-өзі басқарудың кірістер түсімдерінің жоспары 113,5% орындалды.
Жергілікті қоғамдастықпен өз ара әрекеттесу
Жергілікті қоғамдастықпен тығыз ынтымақтастықта 2021 жылы қаражат бөлу бойынша маңызды шешімдер қабылданды: жерге орналастыру жобаларын әзірлеу, үй-жайларды және аумақты дезинфекциялау, Дмитриевка, Көрнекті және Кіндікқарағай ауылдарына орталық көшелеріне жарық беру желісін орнату, Дмитриевка ауылының Ленин көшесінің жолына орташа жөндеу, Қарашілік ауылының Ленин, Победа және Школьная көшелерінің жолына орташа жөндеу, Көрнекті ауылының Абай, Мира, Гагарин көшелерінің жолдарына орташа жөндеу, шаруа қожалықтары үшін жер ауылшаруашылық өндірісін дамыту үшін жер пайдалану құқығын беруге конкурс жариялау шешімін қабылданды.
Мемлекеттік бағдарламаларды іске асыру
2021 жылы мемлекеттік бағдарламалар шеңберінде қолдау тетіктерін нақтылау үшін ауданның барлық елді мекендерінде қоғамдық кездесулер өткізілді. 2021 жылы нәтижелі жұмыспен қамту мен жаппай кәсіпкерлік бағдарламасы аясында «Бизнес Бастау» бағдарламасы бойынша 6 адам оқудан өтті, оның ішінде 3 адам мал шаруашылығын дамытуға мемлекеттік грант алды, 3 адам мал шаруашылығын және егіншілік дамытуға микрокредиттер алды.
«Рухани Жаңғыру» бағдарламасын іске асыру
Елбасының «Рухани Жаңғыру» бағдарламалық мақаласы аясында аудандағы барлық мектептер мен мекемелерде іс-шаралар өткізілді. Іс-шаралардың мақсаты - адамның, отбасының рухани және мәдени құндылықтарын сақтау және арттыру, қазіргі заманғы жас отбасы мәртебесін нығайту және белсенді өмірлік позицияны қалыптастыру. Ұрымқай ауылында жергілікті бюджетінен жастардың белсенді демалыстарын өткізу үшін хоккей корты орнатылды.
Селолық округ әкімдігінде сыбайлас жемқорлықтың алдын-алу бойынша жұмыс шеңберінде сыбайлас жемқорлыққа қарсы іс-қимыл шараларын қабылдау, сыбайлас жемқорлық құқық бұзушылықтарды тудыратын себептердің алдын-алу және жою басым бағыт болып табылады. Мемлекеттік қызметшілердің білімін жетілдіру бойынша жұмыс жүргізіліп жатыр, сыбайлас жемқорлыққа қарсы саясаттың принциптері кеңінен қолданылып, сыбайлас жемқорлыққа қарсы шаралар қабылдануда.
Әкім аппаратының мамандары үшін сыбайлас жемқорлыққа қарсы мәдениетті қалыптастыруға бағытталған сыбайлас жемқорлыққа қарсы іс-қимыл бойынша құқықтық кешенді тренинг ұйымдастырылды. Оқыту барысында Қазақстан Республикасының қолданыстағы заңнамасының нормалары талқыланады, заңнама талаптарын бұзғаны үшін көзделген жауапкершілік түсіндіріледі.
Ауылдық округ тұрғындарының сенімін нығайту, аппарат, әкім қызметінің ашықтығын арттыру мақсатында сенім телефоны жұмыс істейді: 8(71636)93-4-42.
Жаңа жұмыс орындарын ашу, жұмыссыздықты азайту
2021 жылы 47 жаңа жұмыс орындары ашылды,47 тұрақты және 40-дан астам уақытша жұмыс орындары ашылды.
«Бағдарлама қатысушыларын техникалық және кәсіптік біліммен және қысқа мерзімді кәсіптік біліммен қамтамасыз ету» бірінші бағыты аясында 3 адам оқытылды, 6 адам кәсіпкерлік негіздеріне оқытылды, 2 мүгедек жұмысқа орналастырылды. Жыл басынан бастап Жұмыспен қамту орталығына жүгінген жұмыссыздар қатарынан 8 адам қоғамдық жұмысқа тартылды, оның ішінде 8-і жұмысқа орналастырылды. Мал шаруашылығын дамыту үшін 3 адам микрокредит алды, егіншілікке 3 адам микрокредит алды (10,6 млн.т) . Мемлекеттік гранттарын 3 адам алды: тігін цехін ашу-1 адам, ағылшын тілін курстарын ашу-1 адам, мал шаруашылығын дамытуға-1 адам. Мемлекеттік гранттарының сомасы-1,740 млн.теңге.
Орташа айлық еңбекақыны көтеру
Бүгінде экономикалық дағдарыс кезеңінде қаржылық проблемаларға тап болған көптеген адамдар қызметкерлерге жалақыны уақтылы төлеу бойынша міндеттемелерді бұзуға тап болуы мүмкін. Сонымен бірге, біз мұндай жағдай компаниялар шынымен төлемге қабілетсіз болған кезде мәжбүр болуы мүмкін немесе басшылықтың ақшаны басқа мақсаттарға пайдалану туралы саналы шешімі болуы мүмкін екенін түсінеміз. Кәсіпорындардың, ауыл шаруашылығы құрылымдарының, ШҚ және ЖК барлық басшыларымен еңбекақының төленбеуін және кешіктірілуін болдырмау мақсатында түсіндіру жұмыстары жүргізіледі.
Жер қатынастарын реттеу
Ауылдық округ әкімінің аппараты жеке тұрғын үй салу үшін жер учаскелерін алу үшін азаматтардың кезегін қоюда, 12 өтініш берушілер келесі кезекте тұр:
Елді мекендерді көгалдандыру, абаттандыру, санитаралық тазалау бойынша жұмыстар
Елді мекендерді абаттандыру, көгалдандыру және санитарлық тазалау айлығы кезеңінде абаттандыру бойынша 9 жиын, 13 экологиялық сенбілік өткізілді, тәртіп бұзушыларды анықтау бойынша рейдтік бригада ұйымдастырылды, үй маңындағы аумақтарды санитарлық тазалау бойынша 200-ден астам нұсқама берілді, 1 стихиялық қоқыс жойылды, 103 тоннадан астам қоқыс шығарылды. Оқушылардың, жастардың және қоғамдық қызметкерлердің күшімен жыл сайын елді мекендердің скверлері, орталық көшелері ретке келтіріледі, қоршауларды әктеу, жасыл желектерді отырғызу жүргізіледі. Жұмыс жоспарына сәйкес Ұрымқай, Қарашілік, Дмитриевка ауылдарының орталық көшелерін шабу жүргізілді. Щучинск-Ұрымқай трассасын, Ұрымқай-Күлстан, Красный кордон, Кіндікқарағай, Көрнекті ауыларалық жолдарын қос айналып өту жүргізілді.
Жол желісін дамыту, қоғамдық көлікті ұйымдастыру, оқушыларды мектептерге тасымалдау бойынша жұмыс
2 елді мекенде автобус көлігінің қозғалысы тұрақты түрде жүзеге асырылады. Алайда, 5 елді мекенде дизель отынының қымбаттауына және білікті жүргізушілердің болмауына байланысты проблема бар . Красный кордон, Көрнекті, Күлстан, Дмитриевка ауылдарында тұратын балаларды жалпы білім беру ұйымдарына және кері қарай үйлеріне жеткізу жүзеге асырылады. Күлстан, Красный кордон, Дмитриевка, Көрнекті елді мекендерінен оқушыларды тасымалдауды жүзеге асыру үшін 2 "Газель" шағын автобусы бар.
Ұрымқай ауылының кентішілік автомобиль жолына орташа жөндеу жүргізуге 209 млн. теңге сомасына сметалық құжаттама бар.
Жылыту маусымына дайындық
2020-2021 жаңа жылу маусымына дайындық кезінде әлеуметтік нысандарға тексеру жүргізілді, барлық нысандар жанармаймен толық қамтамасыз етілді.
Жем-шөп дайындау
2021 жылы шөпке деген қажеттілік 7200 тоннаны құрады. Ауа райының қолайсыздығына байланысты халық жем-шөпті толық көлемде дайындауда қиындықтарға тап болды. Мал қыстауы қалыпты режимде өтеді.
Халықтың әлеуметтік тұрғыдана осал топтарына көмек
Округ бойынша 124 мүгедек, оның ішінде бірінші топтағы мүгедектер – 18, екінші топтағы мүгедектер – 39, үшінші топтағы мүгедектер – 57, мүгедек балалар-10.
Жыл сайын қарт адамдарға әлеуметтік қолдау көрсету айлығын өткізу кезінде қарттар мен жалғыз тұратын зейнеткерлерге көмек көрсетіледі. Есепті жылы демеушілер жалпы сомасы-727 мың теңгеге көмек көрсетті.
Бағаны тұрақтандыру жұмысы.
Апта сайын әлеуметтік маңызы бар тауарлар дүкендерінің бағаларына мониторинг жүргізіледі. Жеке кәсіпкерлермен бағаның көтерілуіне жол бермеу туралы әңгіме жүргізіледі.
2 дүкенде халықтың әлеуметтік осал топтары үшін "әлеуметтік сөрелер" құрылған, онда бірінші қажеттілік тауарларының бағасы нарықтық бағадан 5% - ға төмен. Кәсіпкерлермен сауда саласындағы өзара түсіністік пен ынтымақтастық туралы 9 меморандум жасалды.
Білім беру
Округте 2 орта, 2 негізгі және 1 бастауыш мектептер бар. Мектептерде барлығы 400 оқушы білім алуда. Округтің білім беру жүйесінде 3 педагог жоғары санаттағы,40 педагог бірінші санаттағы ұстаздар.
Мектептердің жанында толық күн және жарты күн болатын 3 шағын орталық жұмыс істейді.
Қарашілік орта мектебіндегі «Мирас»шағын орталығында – 25 бала (2 топ)
Дмитриевка негізі мектебіндегі «Балдырған» шағын орталығында -20 бала
Кіндікқарағай негізгі мектебіндегі шағын орталықта - 5 бала.
Аз қамтылған отбасылардың балалары киім, аяқ киім, кеңсе тауарларымен Жалпыға бірдей білім беру Қоры есебінен қамтамасыз етіледі. Спорттық жабдықтар мен пән кабинеттерінің жабдықтарын кезең-кезеңімен жаңарту жұмыстары жүргізілуде. Барлық орта және негізгі мектептерде лицензияланған медициналық кабинеттер бар. Аумақтың барлық мектептерінде білім беру нысандарын заманауи талаптарға сәйкестендіру мақсатында жұмыстар жүргізіліп және жыл сайын Күлстан, Красный Кордон, Дмитриевка, Көрнекті елді мекендерінен оқушыларды тасымалдау қамтамасыз етіледі.
Денсаулық сақтау
Ұрымқай ауылында дәрігерлік амбулатория, Дмитриевка, Красный кордон, Қарашілік, Көрнекті, Кіндікқарағай ауылдарында медициналық пункттер жұмыс істейді. Дәрігерлік амбулаторияның жанында күндізгі стационар жұмыс істейді. Округте бала туу - 30 адамды, өлім - 31 адамды құрады. Учаскелік дәрігердің құрметті демалысқа шығуына байланысты диагностика мен емдеуді тағайындауда қиындықтар бар, терапевт дәрігер шұғыл қажет.
2021 жылы 6 адамға өмірлік қиын жағдайға тап болған отбасыларына жалпы сомасы 267390 теңге біржолғы көмек тағайындалды (бас бостандығынан айыру орындарынан босатылған онкологиялық аурулар, тубзаурулар). Профилактика мақсатында Ұрымқай дәрігерлік амбулаториясында туберкулезге қарсы іс-қимыл бойынша іс-шаралар жоспары әзірленді, оған сәйкес барлық профилактикалық іс-шаралар жүргізіледі. Әкім аппараты тарапынан халықты 100% флюорографиялық тексеруге көмек көрсетіледі. Жыл сайын онкологиялық ауруларды ерте сатысында анықтау үшін халықтың нысаналы топтарына тегін скринингтік тексерулер жүргізіледі.
Құқықтық тәртіп
Округте құқық қорғау жұмысын ЖПҚ учаскелік инспекторы полиция капитаны С.Ж.Шалмұқанов жүргізеді. Оның ішінде ашылғаны-6, ашылмағаны-2. 180 әкімшілік хаттама толтырылды. Қылмыстардың алдын алу бойынша профилактикалық жұмыстар тұрақты негізде жүргізіледі (мектептерде әңгімелер жүргізіледі, "Сақшы"қоғамдық құрылымы жұмыс істейді).
Алдағы міндеттер:
1) Ұрымқай ауылындағы кентішілік автомобиль жолдарын орташа жөндеуге 64010,0 мың теңге
2) Бурабай ауданының Дмитриевка ауылында спорт алаңын орнату -7596,0 мың теңге
3) Көрнекті ауылында спорт алаңын орнату-7596,0 мың теңге
4) Кіндікқарағай ауылына су құбырының тарату желісін жүргізу.