Ауылдық округ әкімінің аппаратымен 2020 жылы елбасы Президентінің және Бурабай ауданы әкімінің тапсырмалары мен алға қойылған міндеттерін ала отырып, округтің әлеуметтік-экономикалық дамуы бойынша белгілі бір жұмыстар атқарылды. Зеленобор ауылдық округі 6 елді мекеннен тұрады (Зеленый Бор, Молбаза, Қымызынай, Жаңаталап, Мәдениет, Наурызбай батыр ауылдары). Зеленобор ауылдық округінің тұрғындарының саны 5100 адам құрайды.
2020 жылы жеке және заңды тұлғалардың өтініштері қаралды - 48. 171 нормативтік-құқықтық акт қабылданды. 162 Мемлекеттік қызмет көрсетілді, оның ішінде: Сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учаскелеріне құқықтарды алу, жер учаскесінің нысаналы мақсатын өзгерту, жер учаскесін алу үшін кезекке қою. 126 нотариаттық іс-әрекет көрсетілді. Зеленый Бор және Наурызбай батыр ауылдары әікімдігінің ғимаратынды «Е-гов» электрондық үкімет порталына қолжетімділік бұрыштары бар. 194 Мемлекеттік қызмет «Е-гов» порталы арқылы көрсетілді.
Есепте барлығы 607 әскери міндетті және 82 әскерге шақырылушы тұр. 2020 жылғы көктемгі және күзгі шақырулар өткізілді, олардың қорытындысы бойынша Қазақстан Республикасының қарулы күштерінде 11 ер азамат қызмет етуде.
1.Инвестиция тарту.
Өткен кезеңдегі инвестициялар көлемінің серпіні жыл сайынғы өсудің оң үрдісіне ие.
Меценаттар М.О. Жұманбаев пен М. А. Әбдіқалықовтың демеушілік қаражатының арқасында Мәдениет ауылында 320 орындық «Ақ-тілек» демалыс орталығы ашылды. Осы демеушілердің қаражаты есебінен Мәдениет ауылында спорт кешенінің құрылысына 265 млн. теңге сомасына жобалық-сметалық құжаттама әзірленді. Жұмыстарды жүргізудің жоспарланған мерзімі 2021 жыл. Спорт кешені спорттың және жекпе-жектің ойын түрлеріне арналған екі спорт залынан тұратын болады.
Одан әрі, Мәдениет ауылында бастамашыл жастар тобы Ақмола облысының үкіметтік емес ұйымдарының конкурсында жеңіп алынған 500 мың теңге сомасындағы грант есебінен, ауылдағы саябақты қалпына келтірді. Наурызбай Батыр ауылында демеушілер Д.К. Есімов пен Е. М. Қашқимбаев тағы басқа да демеушілер тобы есебінен мешітке күрделі жөндеу жүргізілді.
2.Мемлекеттік бағдарламаларды жүзеге асыру.
«Нәтижелі жұмыспен қамтуды және жаппай кәсіпкерлікті дамыту» бағдарламасы бойынша кадрларды қайта даярлауға 2 адам тартылды, жоспар бойынша 2 адам, «Бизнес Бастау» бағдарламасы бойынша округтің 5 тұрғыны оқыды. Кәсіпкерлік қызметті дамытуға мемлекеттік гранттарды жалпы сомасы 2 млн. 778 мың теңге 6 адам алды. Әлеуметтік жұмыс орындарына және жастар тәжірибесіне 2 адам жұмысқа орналастырылды.
«Нәтижелі жұмыспен қамтуды және жаппай кәсіпкерлікті дамытудың 2017-2021 жж.» бағдарламасы бойынша 2 адам қайта даярлаудан өтті. Мал шаруашылығын дамытуға 3 адам шағын несие алды. ЖК "Сапарова" 3 млн.500 мың тг. ірі қара мал, ЖК «Абуов» 3 млн. 900 мың тг. ұсақ мал өсіруге, Е.С. Қожахметов демалыс базасын дамытуға 6 млн. тг.
БЖК 2025 мемлекеттік бағдарламасы бойынша «қарапайым заттар экономикасы» тетігі бойынша жылқы өсіруге «Айдын» ШҚ қаржыландыру мақұлданды, жобаның құны 10 млн.теңге, «Бастау» ШҚ - жылқы өсіруге, 70 бас жылқы, жобаның құны 30 млн. теңге, «Үркер Агро» ЖШС өсімдік шаруашылығы жобаның құны 22 млн.тг.
2020 жылы «Агроивест-2015» ЖШС-де 62 тұрақты жұмыс орны құрылды. «Көкшетау Жолдары» ЖШС жол белгілері бойынша жұмысқа 32 адам орналастырылды.
2018 жылдың 1 қаңтарынан бастап біздің ауылдық округте «100 нақты қадам» Ұлт Жоспарын орындауда жергілікті өзін-өзі басқару бюджетінің IV деңгейі енгізілді.
2020 жылға арналған салық жоспары 9 млн. 611 мың теңгені құрады. Нақты жиналған салық сомасы 17 млн. 040 мың теңге немесе жылдық жоспардың 141% ,
жер салығы 3 млн. 720 мың теңге немесе жоспардан 130%, мүлік салығы – 134 мың теңге немесе 117%, жеке тұлғалардан көлік салығы - 9 млн. 160 мың теңге немесе 144%, заңды тұлғалардан көлік салығы - 187 мың теңге немесе 174%, кәсіпкерлік қызметтен салық 3 млн. 836 мың теңгені құрады, немесе жылдық жоспардың 151%.
Ауылдық округ әкімінің аппаратымен азаматтарды жеке тұрғын үй құрылысы үшін жер учаскелерін алу үшін кезекке қою жүргізіледі. Жер учаскелерін алу кезегінде барлығы 763 өтініш беруші тұр: Зеленый Бор ауылы-585 адам; Молбаза ауылы — 156 адам; Қымызынай ауылы — 13 адам; Подхоз ш.а. — 30 адам.
Аталған тізім Бурабай ауданы әкімінің сайтында орналасқан. Жер учаскелерін бөлу қағидалары және кезекте тұрғандар тізімі ауылдық округ әкімі аппаратының ғимаратының стендінде орналастырылған. Бұрын ЖТҚ үшін бөлінген жер учаскелері бойынша Бурабай ауданының құрылыс бөлімі сумен жабдықтау, кәріз құрылысына сараптамадан өткен жобалау-сметалық құжаттама дайындады. Конкурстық рәсімдер өткізілді. Мердігер анықталды. 2020 жылы осы жер учаскелеріне сумен жабдықтау жұмыстарын жүргізу басталды. Жұмыстарды аяқтаудың жоспарлы мерзімі 2021 жыл. Сонымен қатар құрылыс бөлімімен Зеленый Бор а. ЖТҚ телімдеріне электрмен жабдықтау желілерін жүргізуге ЖСҚ әзірленуде.
Зеленый Бор ауылына «Казводхоз» РМК Көкшетау топтық су құбыры қызмет етеді, Мәдениет ауылына — «Бурабай Су Арнасы» ШЖҚ МКК қызмет көрсетеді. Молбаза, Жаңаталап, Қымызынай ауылдарында - орталықтандырылмаған сумен жабдықтау, ұңғымалардан су пайдаланылады. Наурызбай Батыр ауылында су құбыры желілерінің құрылысы жоспарлануда. «Бурабай ауданының құрылыс бөлімі» ММ жобалық-сметалық құжаттаманы әзірлеу үшін мердігерді анықтау бойынша конкурстық рәсімдерді өткізді. Мердігер «Архитектор «Құрылыс тобы» ЖШС анықталды. Геологиялық барлау жұмыстары жүргізілді. Қазіргі уақытта жобалау сметалық құжаттама әзірлену сатысында. 2021 жылдың ақпан айында мемлекеттік сараптамамен бірге жобалық-сметалық құжаттама тапсырылады. Жаңаталап ауылында су құбыры желілерін жүргізу жоспарлануда. Қазіргі уақытта Бурабай ауданының «Тұрғын үй-коммуналдық шаруашылық бөлімі және тұрғын үй инспекциясы» ұңғымалар мен болашақ сумен жабдықтау желілері астындағы жер учаскелерін ресімдеуді жүргізуде. Молбаза ауылында су құбырын жүргізу жоспарлануда. 2021 жылдың мамыр айында жобалау сметалық құжаттама дайын болады.
2020 жылы 10 жергілікті қоғамдастық жиыны өткізілді. Зеленобор ауылдық округі әкімі аппаратының 2020-2022 жылдарға арналған бюджетін бекіту, Зеленый Бор ауылына санитарлық өңдеуге қаражат бөлу, Зеленый Бор ауылының ішкі жолдарына орташа жөндеу жүргізуге өтінім беру және т.б. мәселелер қаралды.
Зеленобор ауылдық округінің аумақтарын абаттандыру, санитарлық тазалау, көгалдандыру бойынша күзгі және көктемгі айлық шеңберінде 10 таза бейсенбілік өткізілді, оған 253 адам қатысты, 3 бірлік техника жұмылдырылды; 4 сенбілік өткізілді, оған 215 адам қатысты, 3 бірлік техника жұмылдырылды, 1000 текше метр қоқыс шығарылды. 2020 жылы 3 апатты қоқыс үйіндісі жойылды. Жыл бойы Зеленый Бор ауылындағы контейнерлік алаңдардан бірнеше рет қоқыс шығарылды.
Зеленобор ауылдық округінде егін жинау алқабы 9535 га құрады, оның ішінде дәнді-бұршақты 8446,5 га ( оның ішінде бидай 3652 га, арпа 2993 га, сұлы 263,5 га, біржылдық шөптер 848 га) зәйтүн 1200 га. Дәнді-бұршақты дақылдардың орташа өнімділігі 15%, майлы дақылдар 13%.
Қарттар мен мүгедектерді қолдау айлығы аясында Зеленобор ауылдық округі бойынша 511 адам қамтылды, оның ішінде 401 зейнеткер, 110 мүгедек. Осы санаттағы адамдарға азық-түлік пакеттері берілді.
Жаңа форматтағы атаулы әлеуметтік көмек саны 104 адам 27 отбасына, оның ішінде көп балалы 10 отбасы 58 адамға. Шартты ақшалай көмек 20 отбасыға, 97 адамға, шартсыз ақшалай көмек 7 отбасыға 26 адамға көрсетілді.
«Жергілікті өкілетті органдардың шешімі бойынша мұқтаж азаматтардың жекелеген санаттарына әлеуметтік көмек тағайындау» мемлекеттік қызметіне сәйкес 13 адамға ауруы бойынша материалдық көмек көрсетілді.
Зеленый Бор ауылында дәрігерлік амбулатория жұмыс істейді. Науқастарды үш дәрігер қабылдайды. Наурызбай батыр, Қымызынай, Жаңаталап, Мәдениет ауылдарында медициналық пункттер жұмыс істейді. Әкімдіктің жіті назарында азаматтық құқықтарды, заңдылық пен құқықтық тәртіпті сақтау мәселесі тұр. Учаскелік полиция инспекторларымен бірлесіп құқық бұзушылықтардың, отбасылық-тұрмыстық қатынастардың, ұрлықтың алдын алу бойынша жұмыстар жүргізілуде.
Автобус көлігінің қозғалысы Щучинск қаласынан Зеленый Бор ауылына тұрақты түрде жүзеге асырылады. Қымызынай, Жаңаталап, Мәдениет ауылдарына жолаушыларды тасымалдау таксимен жүзеге асырылады. Әкім аппараты Молбаза, Қымызынай, Наурызбай батыр 9-МӨСБ, Огород, Подхоз шағын аудандарында тұратын балаларды жалпы білім беру ұйымдарына және үйлеріне тегін тасымалдауды ұсыну мемлекеттік қызметін көрсетеді (71 бала).
«Жұмыспен қамтудың жол картасы-2020» бағдарламасы аясында Зеленый Бор а. – Мәдениет а. автожолының орташа жөндеуі басталды, Ұзындығы 27 км. мердігер «Кентал и К» ЖШС. 2020 жылдың мамыр-қараша айларында 15 км. асфальт төселді. Жұмыстарды аяқтаудың жоспарлы мерзімі 2021 жыл. Зеленый Бор ауылының кентішілік жолдарын орташа жөндеуге 102 млн.255 мың теңге және 83 869 мың теңге сомасына 2 жобалау-сметалық құжаттама әзірленді. Ақмола облысының автомобиль жолдары басқармасына «Ауыл ел-бесігі» бағдарламасы бойынша бюджеттік өтінімдер берілді. 102 млн. тг. бөлінді. Жұмыстарды жүргізудің жоспарланған мерзімі 2021 жыл. Сондай-ақ, демеушілік қаражат есебінен Мәдениет ауылының кентішілік жолдарын орташа жөндеуге 19 млн.теңге сомасына жобалық-сметалық құжаттама әзірленді.