Вакцинацияланған адам донор бола ала ма? Бұл сұраққа ҚР Денсаулық сақтау вице-министрі Марат Шоранов жауап берді, деп хабарлайды "ҚазАқпарат"ХАА тілшісі.
"Жалпы, вакцинацияланған адамның донор болуына ешқандай шектеулер жоқ. Бір ғана шектеу бар. Екі апта бойы екпе алғаннан кейін донор болуға болмайды. Жалпы, ғалымдардың айтуынша, басқа шектеулер жоқ", - деп түсіндірді Марат Шоранов. Бұған дейін денсаулық сақтау вице-министрі журналистердің ревакцинация туралы сұрағына жауап берген болатын. "Алты айдан кейін денсаулық сақтау министрлігіне ревакцинация жүргізу қажеттілігі бойынша ресми ақпарат түскен жоқ. Біз тұрақты жұмыс жүргіземіз. Біз өзіміздің барлық әзірлеушілерімізбен байланыстамыз, ревакцинация бойынша дәлелді негізді дәл түсіну және алу үшін әлемдік әдебиетті оқып жатырмыз", - деп түсіндірді вице-министр.