«Бұланды ауданының экономика және қаржы бөлімі» ММ мемлекеттік қызмет көрсету саласындағы қызметі туралы 2023 жылғы есебі

«Бұланды ауданының экономика және қаржы бөлімі» ММ мемлекеттік қызмет көрсету саласындағы қызметі туралы 2023 жылғы есебі

 

Халыққа көрсетілетін мемлекеттік қызметтер сапасын жоғарылату — сыбайлас жемқорлыққа қарсы іс-әрекет ету және мемлекеттік органдар қызметіне азаматтардың сенімін жоғарылатудың басты аспектісі.

Мемлекеттік қызметтер келесі негізгі қағидаттар негізінде көрсетіледі:

1. көрсетілетін қызметті алушылардың тегiне, әлеуметтiк, лауазымдық және мүлiктiк жағдайына, жынысына, нәсiлiне, ұлтына, тiлiне, дiнге көзқарасына, нанымына, тұрғылықты жерiне байланысты немесе кез келген өзге жағдаяттар бойынша қандай да бір кемсітушіліксіз теңдей қолжеткізуі;
2. мемлекеттік қызметтер көрсету кезінде төрешілдік пен созбұйдалық көріністеріне жол бермеу;
3. мемлекеттік қызметтер көрсету саласындағы есеп берушілік және ашықтық;
4. мемлекеттік көрсетілетін қызметтердің сапасы мен қолжетімділігі;
5. мемлекеттік қызметтер көрсету процесін үнемі жетілдіру;
6. мемлекеттік қызметтер көрсету кезіндегі үнемділік және тиімділік.

2013 жылдың 15 сәуірдегі Қазақстан Республикасының «Мемлекеттік қызметтер туралы» заңына сәйкес «Бұланды ауданының экономика және қаржы бөлімі» мемлекеттік мекемесі мемлекеттік қызмет көрсететін мемлекеттік орган болып саналады.

         Мемлекеттік мекеме бір мемлекеттік қызмет көрсетеді:

1. «Ауылдық елді мекендерге жұмыс істеу және тұру үшін келген ауылдар, кенттер, ауылдық округтер әкімдері аппараттарының мемлекеттік қызметшілеріне, Денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен саласындағы мамандарға әлеуметтік қолдау шараларын ұсыну»

Мемлекеттік қызмет тегін көрсетіледі.

Мемлекеттік қызмет көрсетудің нәтижесін ұсыну нысаны:  электрондық және қағаз түрі.

2023 жылы электрондық үкімет порталы арқылы 15 қызмет көрсетілді. Соның ішінде:

• 12 мемлекеттік қызмет - көтерме жәрдем ақы, оның ішінде 2023 жылғы 8 мемлекеттік қызмет және 2022 жылғы кезекке тұрған 4 мемлекеттік қызмет;
• 3 тұрғын үй сатып алуға мемлекеттік көрсетілетін қызмет оның ішінде 2022 жылдың кезегінен бастап 3 бюджеттік кредит берілді, 2023 жылыкезекке қойылды.

«Бұланды ауданының экономика және қаржы бөлімі» мемлекеттік мекемесінде көрсетілетін мемлекеттік қызмет туралы ақпарат стендтерде орналастырылған, әлеуметтік желілерде және «Бұланды ақпарат» аудандық газетінде жарияланып тұрады.

2023 жылғы 1 сәуірден бастап "Дипломмен ауылға" бағдарламасы бойынша сенім білдірілген агент "Отбасыбанкі" тұрғын үй құрылыс жинақ банкі " АҚ болып табылады.

«Бұланды ауданының экономика және қаржы бөлімі» ММ-нің барлық мамандары, әр үш жыл сайын, кестеге сәйкес біліктілігін арттыру курстарына барып тұрады.

         2023 жылдың 1 қаңтарынан 31 желтоқсаны аралығында мемлекеттік қызмет тұтынушыларынан  «Бұланды ауданының экономика және қаржы бөлімі» ММ-не шағымдар түскен жоқ.

 

Ақпарат байланысы:

Макинск қаласы, Некрасов көшесі, 19 «Бұланды ауданының экономика және қаржы бөлімі» ММ телефон нөмірі:  2-22-90

Қабылдау демалыс және мейрам күндерінен басқа жұмыс күндері жүргізіледі, сағат 09.00-ден кешкі 18.30-ге дейін, түскі үзіліс сағат 13.00-ден 14.30-ға дейін.

 

 

«Бұланды ауданының

экономика және қаржы

бөлімі» ММ басшысы                                                                     В.Гылка