Бұланды ауданы әкімінің
2024 жылғы бірінші жартыжылдықтағы
кездесулерінде халықтың айтқан
ұсыныстарын жүзеге асыру
жөніндегі іс-шаралар
жоспарын бекіту туралы
«Әкімдердің халықпен кездесулерін өткізу туралы» Қазақстан Республикасы Президентінің 2022 жылғы 3 наурыздағы №826 Жарлығына сәйкес, Бұланды ауданы әкімінің халықпен кездесулерін өткізудің қорытындыларымен халықты ақпараттандыру мақсатында:
- Бұланды ауданы әкімінің 2024 жылғы бірінші жартыжылдықтағы кездесулерінде халықтың айтқан ұсыныстарын жүзеге асыру жөніндегі іс-шаралар жоспары бекітілсін (бұдан әрі - Жоспар).
- Ауылдық округтер мен Макинск қаласының әкімдері ауданның атқарушы органдарының басшыларымен бірлесіп, Жоспардың жүзеге асуын қамтамасыз етсін.
- «Бұланды ауданы әкімінің аппараты» мемлекеттік мекемесінің ұйымдастыру - бақылау бөлімі жартыжылдықта бір рет есеп беру айынан кейінгі айдың 10 - на қарай Жоспардың жүзеге асырылуы бойынша жүргізілген жұмыс туралы ақпаратты аудан әкімінің ресми сайтына орналастырсын.
- Осы өкімнің орындалуын бақылау Бұланды ауданы әкімінің орынбасары К.Н. Исмағамбетоваға жүктелсін.
- Осы өкім қол қойылған күнінен бастап күшіне енеді және қолданысқа енгізіледі.
А. Смайылов