Бұқаралық ақпарат құралдары мен онлайн-платформаларды пайдаланушылар үшін сайлау алдындағы үгіт материалдарын орналастыру шарттары мен төлем мөлшері туралы мәліметтерді жариялау туралы ақпараттық хабарлама
Қазақстан Республикасы «Қазақстан Республикасындағы сайлау туралы» Конституциялық заңының 28-бабының 3-тармағына сәйкес бұқаралық ақпарат құралдары мен онлайн-платформаларды пайдаланушылар сайлау алдындағы үгітті өткізу басталғанға дейін бес күннен кешіктірмей, яғни 2026 жылғы 27 қазанға дейін шарттық негізде ұсынылатын үгіт материалдарының төлем мөлшері мен орналастыру шарттары туралы мәліметтерді жариялауға, сондай-ақ оларды аумақтық сайлау комиссиясына ұсынуға тиіс.
Шарттық негізде эфир уақытын, баспа алаңын және ақпарат көлемін ұсынатын бұқаралық ақпарат құралдары, онлайн-платформаны пайдаланушылар партиялық тізімдерін ұсынған саяси партиялардың және бірмандаттық аумақтық сайлау округтері бойынша кандидаттардың үгіт материалдарын орналастыруды, таратуды төлем мөлшері, үгіт материалдарын орналастыру шарттары туралы мәліметтер жарияланғанға дейін жүзеге асыра алмайды.
Төлем мөлшері, үгіт материалдарын орналастыру шарттары туралы мәліметтерді Ақмола облыстық аумақтық сайлау комиссиясына (эл.пошта: bekentaeva_ab@aqmola.gov.kz; мекенжайы: Көкшетау қаласы, Абай көшесі, 89,500 каб.) жіберуге болады.
Байланыс телефондар
8 716 2514013
+77054263396
Беекентаева Алма Болатовна
Ақмола облыстық аумақтық сайлау комиссиясы