Ақмола облысында алдағы үш жылда 16 мәдениет ошағы салынады.
Жаңа нысанның барлығы қалаға шалғай орналасқан ауылдарда бой көтермек. Ол үшін ел қазынасынан 4 жарым млрд теңге бөлініп отыр. Сондай-ақ ескірген мәдениет нысандарын да қалыпқа келтіру көзделген. Тек осы жылдың өзінде оннан астам өнер ошағына жөндеу жұмыстары жүргізіледі.
2024 жылды алсақ, бөлінген қаржы 6,3 млрд теңге. Оның ішінде 8 мәдени нысанды салу үшін 3,3 млрд теңге, 13 мекеменің күрделі жөндеу жұмыстарына 2,2 млрд теңге және блок-модульді қазандық сатып алу үшін 225,5 млн теңге бөлінді.
Ақмола облысының 80-ге тарта ауылында биыл инфрақұрылым жаңарады. Бұл туралы облыс әкімдігінің әлеуметтік-экономикалық даму туралы отырысында айтылды.
Ауылдарды көркейтуге бағытталған жұмыстардың басым бөлігі "Ауыл - ел бесігі" бағдарламасы аясында іске асады. Соның шеңберінде ауылдардың жолдары жөнделеді, жылу-электр желілері жаңарады, мәдениет пен спорт нысандары салынады. Оған қоса ауылдардың мектептері мен медициналық нысандарын жөндеуден өткізу көзделіп отыр. Бқл мақсатта бюджеттен 18 миллиард теңге бөлінбек.