Адамдар вакцинация эпидемияны тудырады деп қорқады – дәрігер

Жалпы вакцинация нәтижесінде эпидемия мүмкіндігі туралы халық арасында пікір бар. Бұл туралы Денсаулық сақтау магистрі, ҚР ДСМ ҚДСҰО санитарлық-эпидемиологиялық сараптама және мониторинг ғылыми-практикалық орталығы филиалы директорының орынбасары Манар Смағұл мәлімдеді, деп хабарлайды "ҚазАқпарат"ХАА тілшісі.
"Адамдарда COVID-19 - ға қарсы вакциналар коронавирус індетін тудыруы мүмкін деген қорқыныш әлі де бар", - деді Манар Смағұл ОКҚ брифингінде. Ол бұл пікірді жоққа шығарды. "Бірақ ұсынылған вакциналардың ешқайсысында COVID-19 ауруын тудыратын тірі вирус жоқ. Сондықтан вакцинациядан кейін сіз COVID-19 ала алмайсыз", - деп сендірді сарапшы. Сонымен қатар, ол COVID-19 вакциналарының жанама әсерлері болуы мүмкін екенін атап өтті. "Олардың көпшілігі жеңіл формада бірнеше күн бойы өздігінен кетеді", - деп түйіндеді М.Смағұл. Бұған дейін профессор, медицина ғылымдарының докторы, ҚР ДСМ фтизиопульмонология Ұлттық ғылыми орталығы директорының клиникалық және ғылыми жұмыстар жөніндегі орынбасары Ләззат Ералиева коронавирустық инфекцияға қарсы вакцинациялауды қолдайтынын айтқан болатын. Оның айтуынша, кейбір посткоидтік әсерлер бірнеше жылға созылуы мүмкін.

Барлық құқықтар қорғалған. Белсенді сілтемені қолданыңыз inform.kz https://www.inform.kz/ru/lyudi-opasayutsya-chto-vakcinaciya-sprovociruet-epidemiyu-vrach_a3788056