Қазақстанда 1 686 733 адам КВИ вакцинасын алды

Қазақстанда 1 600 000-нан астам адам коронавирусқа қарсы вакцина алды, деп хабарлайды "ҚазАқпарат" ХАА ҚР Денсаулық сақтау министрлігінің Telegram-арнасына сілтеме жасап.

ҚР Денсаулық сақтау министрлігінің деректері бойынша 2021 жылғы 10 мамырда Қазақстанда 1 686 733 адам вакцинацияланды. Екпе алған азаматтардың басым бөлігі Алматыда тұрады. Онда бірінші компонентті 253 174 адам алды. Екінші компонентті 122 625 адам алды. Егілген азаматтардың ең аз саны Маңғыстау облысында. Онда вакцинаның бірінші компонентін 32 453 адам, екінші компонентін 10 595 азамат алды. Естеріңізге сала кетейік, 2021 жылдың 1 ақпанында Қазақстанда covid-19 коронавирустық инфекциясынан ерікті вакцинация науқаны басталды. 2020 жылғы 21 желтоқсанда Қазақстанда "Спутник V" вакцинасын өндіру басталғаны хабарланды. Қытай вакцинасы 6 мамырдан бастап Нұр-Сұлтанда егіле бастады.