Нұр-сұлтан ауруханаларында изотермиялық ПТР-зертханалар ашылды

НҰР-СҰЛТАН. ҚазАқпарат-елордада Көпбейінді қалалық ауруханалардың қабылдау бөлмелерінде және стационарлардың акушерлік блоктарында КВИ-де науқастарды зерттеу үшін изотермиялық ПТР-зертханалар орнатылды, деп хабарлайды "ҚазАқпарат" ХАА қала әкімдігінің ресми сайтына сілтеме жасап.
Олардың көмегімен талдау нәтижелерін екі сағат ішінде алуға болады. Бір изометриялық шағын кешеннің қуаты-тәулігіне 130 зерттеу. "Қаланың көпбейінді стационарларына кез келген аурумен түсетін пациенттер коронавирустық инфекцияның әлеуетті тасымалдаушысы болуы мүмкін. Нұр-сұлтан қаласы әкімдігінің Қоғамдық денсаулық сақтау басқармасының мұндай кешенді сатып алуы пациенттердің изоляторда болу уақытын қысқартуға және уақтылы ем алуға мүмкіндік береді", – дейді басқарма басшысының орынбасары Әлия Рүстемова. Аталған зертханалық кешендер арқылы КВИ-ға талдау алу қаланың стационарларына шұғыл түрде түсетін пациенттер үшін ғана жүргізіледі. Науқастар жоспарлы кезек бойынша ПТР-тесттен өткендігі туралы анықтамамен ауруханаға жатқызылады. Бұл кешендер жақында зертханалық зерттеулер жүргізе бастады. Бүгінгі күні КВИ-ға 100-ден астам талдау шұғыл демалысқа түсетін пациенттерден алынды. Елордада КВИ-де биоматериал алу бойынша 15 зертхана жұмыс істейді. Зертханалардың жалпы қуаттылығы тәулігіне 10 мыңнан астам зерттеуді құрайды.