Аудан әкімі Достанбек Есжанов жұмыс сапарымен Үлгі ауылдық округіне барды

Жөкей негізгі мектебінің жұмысымен танысып, жалпы білім беру жүйесін жақсарту бойынша тиісті тапсырмалар берді. Одан кейін Үлгі ауылында орналасқан дәнді бұршақ дақылдары, оның ішінде тұғым шаруашылығымен айналысатын "Агрофирма Берекет" ЖШС қызметімен танысты. Келесі сапары "Сапфир beef" ЖШС жалғасты.
Сапар барысында аудан әкімі мемлекеттік субсидиялардың маңыздылығы мен ірі және шағын бордақылау алаңдарына арналған бағдарламалар туралы айтып, отандық өнім алғашқы қажеттіліктердің бірі болып табылатынын және үкімет оларды әрдайым қолдайтынын атап өтті. Қазіргі уақытта шаруашылық ірі қара мал өсірумен айналысады. Қазір мұнда 200 бас аналық ірі қара мал бар. Сонымен қатар, Достанбек Берікұлы "ALAN CHESSE PRODUCTION" ЖШС-де болды. Серіктестік қызметінің негізгі жұмсақ және қатты ірімшіктер өндіру. Нысанды пайдалануға беру ағымдағы жылдың желтоқсанына жоспарланған.