Ақмола облысы Сандықтау ауданының әкімдігі шаруа қожалығын, ауыл шаруашылығы өндірісін жүргізу үшін 10 жыл мерзімге уақытша өтеулі жер пайдалану (жалдау) құқығын беру бойынша конкурс өткізеді.
Ақмола облысы Сандықтау ауданының әкімдігі конкурс өткізу туралы хабарлама бірінші жарияланған күннен бастап отыз күнтізбелік күн өткеннен кейін конкурсқа қатысуға өтінімдерді қабылдауды бастайды.
Осы конкурсқа қатысуға өтінімдерді қабылдау басталған күннен бастап 15 жұмыс күні ішінде қабылданады. Өтінімдерді қабылдау Балкашин ауылы, Абылай хан көшесі, 119 үй мекен-жайы бойынша 2021 жылғы 20 желтоқсаннан бастап 2022 жылғы 12 қаңтарға қоса алғандағы кезеңде жүзеге асырылады. Конкурстың аяқталған күні қорытынды шығарылған күн болып есептеледі. Конкурстың қорытындысы конкурсқа қатысуға өтінім беру мерзімі аяқталғаннан кейін келесі күні өткізіледі.
Конкурсты өткізу күні, уақыты және орны: конкурстың қорытындысы 2022 жылғы 13 қаңтардағы Ақмола облысы, Балкашин ауылы, Абылай хан көшесі, 117, 1 қабат, мәжіліс залы мекен-жайы бойынша шығарылады.