Атбасар аудандық аумақтық сайлау комиссиясы «Қазақстан Республикасындағы сайлау туралы» Қазақстан Республикасы Конституциялық Заңының 14-бабының 9-тармақшасына, 44-бабының 2-тармағына, 45-бабына, 113, 10-баптарына сәйкес, Атбасар ауданы Борисовка ауылы әкімінің сайлау нәтижелері туралы учаскелік сайлау комиссиясының хаттамасы негізінде сайлау қорытындыларын белгіледі:
Борисовка сайлау округі бойынша сайлаушылар тізіміне 588 азамат енгізілді, олардың 384 дауыс берді. Жарамсыз бюллетеньдер саны – 0, «Барлығына қарсы» жолында белгісі бар – 2. Әр кандидат үшін берілген дауыстар саны: Ж.С. Ақылбаева 23; Ж.Ж. Кенжібаева – 21; Қ.М.Матюнина – 338. Борисовка ауылының әкімі болып Қарлығаш Маратқызы Матюнина сайланды, 1981 жылы туған, «Ақмола облысы білім басқармасының Атбасар ауданы бойынша білім бөлімі Борисовка ауылының жалпы білім беретін орта мектебі» КММ директорі , Борисовка ауылында тұрады, өзін-өзі ұсыну.