Бүгінгі таңда Астрахан ауданы бойынша некені бұзу салдарынан 500-ден астам бала ата-анасынан өз күтіміне қаражат алады.
Қабылданып жатқан шараларға қарамастан, осы күнге дейін борышкерлердің кәмелетке толмаған балаларын асырап-бағуға қасақана жалтару және табысын жасыру фактілері жоққа шығарылмайды.
Аудан прокуратурасыалимент өндіріп алу туралы сот актілерін орындау кезінде заңдылықтың жай-күйін тұрақты негізде талдайды.
Алимент төлеуден жалтарған 10 борышкерге қатысты қадағалау органының араласуынан кейін «Әкімшілік құқық бұзушылық туралы» Қазақстан Республикасы Кодексінің 669-бабы бойынша Әкімшілік құқық бұзушылық туралы хаттама толтырылды.
Жүргізілген талдаумен кәмелетке толмаған балаларды 3 айдан артық асырауға алимент төлемеген борышкерлер анықталды.
Мысалы, азамат «И» алимент төлемеді, ресми жұмысқа орналасудан жалтарып, осылайша кірістерін жасырды. Осыған байланысты, Астрахан аудандық сотының қаулысы бойынша оған 5 тәулік мерзімге қамауға алу түрінде әкімшілік жаза қолданылды.
Әкімшілік жауапкершілікке тартылғаннан кейін борышкер "И" жергілікті ЖШС-нің біріне жұмысқа орналастырылды, онда кейіннен және қазіргі уақытта онымен кәмелетке толмаған баласын асырауға алимент төленеді.
Сонымен қатар, прокурорлық қадағалау актісі бойынша 2022 жылдың 4 тоқсанында ғана 900 000 теңгеден астам сомаға алимент бойынша берешек өтелді, жалпы бұл сома бір жыл ішінде 8 млн.теңгеден астам соманы құрайды.
Естеріңізге сала кетейік, ата-ананың кәмелетке толмаған балаларды 3 айдан артық асырауға қаражат төлеу жөніндегі міндеттерін орындамағаны үшін қылмыстық кодекстің 139-бабы бойынша қылмыстық жауапкершілік қарастырылған, ол 2 жылға дейінгі мерзімге бас бостандығынан айыру немесе шектеу түрінде жазаны көздейді.
Осындай фактілер бойынша 2022 жылы полиция бөлімі алимент төлемейтін 2 адамға қатысты ҚК-нің 139-бабы бойынша сотқа дейінгі тергеп-тексеруді бастады.
Аудан прокуратурасы борышкерлерге алимент төлеу және берешекті өтеу бойынша уақтылы шаралар қабылдауға кеңес береді, өйткені алимент төлеу әр ата-ананың борышы болып табылады.
Бұл міндетті іске асыру аудан прокуратурасының ерекше бақылауында.