Ақмола облысы Астрахан ауданы әкімдігінің 2019 жылғы 30 сәуірдегі № 107 қаулысы. Ақмола облысының Әділет департаментінде 2019 жылғы 4 мамырда № 7164 болып тіркелді
"Қазақстан Республикасындағы сайлау туралы" Қазақстан Республикасының 1995 жылғы 28 қыркүйектегі Конституциялық заңына, "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңына сәйкес, Астрахан ауданының әкімдігі ҚАУЛЫ ЕТЕДІ:
- Осы қаулының 1 қосымшасына сәйкес, Астрахан аудандық аумақтық сайлау комиссиясымен бірлесіп үгіттік баспа материалдарын орналастыру үшін орындар белгіленсін.
- Осы қаулының 2 қосымшасына сәйкес, кандидаттарға сайлаушылармен кездесу үшін, шарттық негізде, үй-жай берілсін.
- Астрахан ауданы әкімдігінің "Үгіттік баспа материалдарын орналастыру үшін орындарды белгілеу және сайлаушылармен кездесу үшін кандидаттарға үй-жай беру туралы" 2015 жылғы 24 қарашадағы № 289 қаулысының (Нормативтік құқықтық актілерді мемлекеттік тіркеу тізілімінде № 5135 болып тіркелген, 2015 жылғы 30 желтоқсанда "Әділет" ақпараттық-құқықтық жүйесінде жарияланған) күші жойылды деп танылсын.
- Осы қаулының орындалуын бақылауды өзіме қалдырамын.
- Осы қаулы Ақмола облысының Әділет Департаментінде мемлекеттік тіркелген күнінен бастап күшіне енеді және ресми жарияланған күнінен бастап қолданысқа енгізіледі.
|
Астрахан ауданының әкімі
|
Н.Сейілов
|
"КЕЛІСІЛДІ"
|
Астрахан аудандық
аумақтық сайлау
комиссиясының төрағасы
|
Б.Рахимов
|