2021 жылдың 25 шілдесіне тағайындалған аудандық маңызы бар қала, ауыл, кент, ауылдық округтердің әкімдеріне кандидаттардың республикалық бюджет қаражатынан, аудандық маңызы бар қала, ауыл, кент, ауылдық округтердің әкімдерін сайлауға арналған шығыстарының мөлшерлерін белгілеу туралы

Ақмола облыстық сайлау комиссиясының

№ 11/151 ҚАУЛЫСЫ

 


        «Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық Заңының 33-бабының 1-1, 2-1-тармақтарына сәйкес облыстық сайлау комиссиясы ҚАУЛЫ ЕТЕДІ:

  1. Республикалық бюджет қаражатынан өтелетін аудандық маңызы бар қала, ауыл, кент, ауылдық округ әкімдігіне кандидат шығыстарының келесі мөлшері белгіленсін:
  • мерзімді баспасөз басылымдарында немесе желілік басылымдарда 0,1 баспа табақтан аспайтын екі мақала жариялау-50 000 (елу мың) теңге сомасында;
  • бағдарламамен теледидарда (тікелей эфирде немесе жазбада) сөйлеу 15 минут – 50 000 (елу мың) теңге сомасында;

3) бағдарламамен радиода сөйлеу 10 минут - 10 000 (он мың) теңге сомасында;

4) үгіт материалдарын шығару - 50 000 (елу мың) теңге сомасында;

5) үй-жайларды жалға алу - 10 000 (он мың) теңге сомасында;

6) транспорттық шығындар - 50 000 (елу мың) теңге сомасында;

  1. Осы қаулы қалалық және аудандық аумақтық сайлау комиссияларына жіберілсін.
  2. Осы қаулы облыстық сайлау комиссиясының интернет-парақшасында жариялансын.


         

Комиссия төрағасы                                            М.Садуов

 

          Комиссия хатшысы                                            Н.Политкин

Дата публикации
13 июля 2021