Аршалы ауданында «Рухани жаңғыру» бағдарламасын жүзеге асыру мақсатында және мемлекеттiк «Балапан» бағдарламасы аясында жаңа «Қарлығаш» балалар балабақшасы өз есiгiн ашты.
Балабақшада 80 бала тәрбиеленiп, 4 топ ашылды. Әрбiр топты кәсiби тәрбиешiлер меңгерiп отыр. Екi қабатты ғимаратта орналасқан балабақша iшi жаңа жөндеуден өткен заманауи стильде көркемделген. Сондай-ақ, ағылшын тiлi мен би үйiрмесiн ұйымдастыру мен «Шебер қолдар» үйiрмесi жоспарланып отыр. Төрт мезгiл тамақтанумен қатар, болашақта балаларды автобуспен жеткiзу мәселесi қарастырылуда.