Бұл туындының авторы — Ұлы Отан соғысының ардагерi, Михайловка ауылының құрметтi азаматы Беляев Георгий Семенович.
Георгий Семенович Михайловка мектебiнiң директоры қызметiнде 31 жыл еңбек еттi. 1 дәрежелi Отан соғысы орденiмен, Қызыл Жұлдыз, 12 медаль, «КСРО ағарту iсiнiң үздiгi» төсбелгiлерi, «Қазақ КСР халық ағарту iсiнiң үздiгi» белгiсi және Қазақстан Республикасының Бiлiм Министрлiгiнiң Құрмет грамотасымен марапатталды, 1953 жылдан 1986 жылға дейiн Михайловка ауылындағы халық депутаты болып сайланды. Көптеген жылдар бойы марксизм-лиминизмдi және КОКП саясатын насихаттаудағы еңбегi үшiн Лениндiк Құрмет грамотасымен марапатталды. Қазақ КСР Жоғарғы Кеңесi Президиумының 1976 жылғы 17 желтоқсандағы қаулысымен Қазақ КСР-нiң еңбек сiңiрген ұстазы құрметтi атағы берiлдi. 1984 жылғы 18 ақпанда Михайловка ауылы халық депутаттары кеңесiнiң шешiмiмен Михайловка ауылының құрметтi азаматы, ал 2010 жылдан ауданның құрметтi тұрғыны атағы берiлдi.
Кездесу барысында аудан әкiмiнiң орынбасары А.Байжұма аудан әкiмi А.Тайжановтың атынан құттықтау хат табыс етiп, бiлiм саласына қосқан зор еңбегi үшiн алғыс айтып, зор денсаулық, күш-қуат пен бақыт тiледi!