Ағымдағы жылдың 15-16 қыркүйек күндерi «Рухани жаңғыру» бағдарламасының аясында Жас техниктер станциясы, басшысы Б.Ахметовтың бастауымен Басакин сайында «Туған жер» атты туристiк слет өттi.
Туристiк сайысқа алты команда қатысты. Оның iшiнде: «Барыс» және «Барыс-2» Михайловка ауылы, «Легион» №1 Аршалы орта мектебi, «Оба-на» Константиновка ауылы, әскери спорттық клуб «Каскад» Ижевск ауылы, «Горизонт» Николаевка ауылы.Слеттiң бiрiншi күнi командалар сай аймағынада орналасып, лагерьлерiн құрды. Сондай-ақ, слеттiң салтанатты түрде ашылуы болып, ұйымдастырушысы Б.Ахметов командаларды, қазыларды және жетекешiлердi таныстырып өттi. Екiншi күнi, командалар арасында туристiк кезеңдердi өту басталды. Олар: «Шатастырма», «Тасымалдау», «Бөгет», «Төсеме», «Өткел», «Қатар таяныш», «Су қайнату», «Түйiн», «Медицина». Ең жақсы нәтиже көрсеткен Константиновка ауылының «Оба-на» командасы бiрiншi орынды иеленсе, екiншi және үшiншi орынды Михайловка ауылының «Барыс» және «Барыс 2» командалары иелендi.
Жүлделi командалар кубок пен ескерткiш сыйлықтармен марапатталып, «Оба-на» командасына Астана қаласында өтетiн «Күзгi жапырақтар» атты туристiк шараға шақыру табыс етiлдi.