2022 жылғы 24 сәуірде Аршалы ауданы Бұлақсай ауылдық округі әкімінің бір сайлау округінен сайлауы өтті.
Аршалы аудандық аумақтық сайлау комиссиясы «Қазақстан Республикасындағы сайлау туралы» Қазақстан Республикасы Конституциялық Заңының 14-бабының 9) тармақшасына, 44-бабының 2-тармағына, 45-бабына,113-10-бабына сәйкес Аршалы ауданы Бұлақсай ауылдық округі әкімін сайлау нәтижелері туралы учаскелік сайлау комиссияларының хаттамалары негізінде сайлау қорытындыларын белгіледі:
Бұлақсай ауылдық округі әкімінің сайлауы бойынша
Бұлақсай сайлау округі:
Сайлау округі бойынша сайлаушылар тізіміне 675 азамат енгізілді, олардың 507-сі дауыс берді. Жарамсыз бюллетеньдер саны – 34, «Барлығына қарсы» деген жолда белгі қойылған – 196.
Әрбір кандидат үшін берілген дауыстар саны:
Әлібеков Е.С. – 233; Бижанов Н.М. - 44.
Бұлақсай ауылдық округінің әкімі болып Әлібеков Есман Сабыржанұлы сайланды, 1962 жылы туған, уақытша жұмыс істемейді, Бұлақсай ауылдық округінің Қостомар ауылында тұрады, өзін-өзі ұсыну тәртібімен ұсынылған.
Аршалы аудандық аумақтық сайлау комиссиясы