Елiмiздiң кең байтақ мемлекет, әлемде көлемi жағынан тоғызыншы орынды алатыны белгiлi. Сондықтан БЖЗҚ-ның қызмет көрсету кеңселерiмен бүкiл республика аумағын қамту мүмкiн емес. Әрi ғаламтор желiсi де барлық жерге жетпеген. Дегенмен Қор қызметiмен жұртшылықты барынша қамтамасыз ету мақсатында шалғай орналасқан елдi мекендердiң тұрғындарына арнап, үш жыл бұрын «Жылжымалы кеңсе» жобасы бастау алған болатын. «Жылжымалы кеңсе» — салымшыларға (алушыларға) қызмет көрсетуге қажеттi барлық құралдармен жабдықталған, жерсерiктiк байланысты бар шағын автобус.
Айта кетерлiк жәйт, шалғай ауылдардың тұрғындары «Жылжымалы кеңседе» БЖЗҚ бөлiмшелерiнде алуға болатын барлық қызмет түрлерiн ала алады. Олардың iшiнде, жеке зейнетақы шотынан үзiндi көшiрме, салымшы деректемелерiне өзгерту/толықтырулар енгiзу, хабарландыру тәсiлi туралы келiсiмге отыру, мүгедектiк немесе ерiктi зейнетақы жарналары бойынша төлемақы алуға өтiнiш беру және т. б. қызмет түрлерi бар.
2021 жылдан берi БЖЗҚ Шығыс Қазақстан, Батыс Қазақстан және Түркiстан облыстарындағы шалғай орналасқан елдi мекендердi жылжымалы кеңселермен қамтыды. Сонымен қатар, мобильдiк бөлiмшелер Ақмола, Ақтөбе, Алматы, Атырау, Жамбыл, Қарағанды, Қостанай, Қызылорда, Павлодар және Солтүстiк Қазақстан облыстарындағы алыс ауылдарға қызмет көрсетуде.
Ағымдағы жылдың 1 қаңтары мен 1 қазаны аралығында осы жоба аясында 70 мыңға тарта салымшылар мен алушыларға барлығы 85 мыңнан астам қызмет көрсетiлдi. Бұл ретте жылжымалы кеңселер Қазақстанның 762 елдi мекенiн аралап шықты.
Естерiңiзге сала кетсек, жылжымалы кеңселер алдын ала жоспарланған кесте бойынша сапарға шығады. Ал барлық бағыттар жергiлiктi атқарушы органдармен келiсiледi. Әкiмдiктегiлер өз кезегiнде жергiлiктi тұрғындарды «Жылжымалы кеңсенiң» келетiнi жайлы хабардар етедi.
БЖЗҚ 2013 жылғы 22 тамызда «ГНПФ» ЖЗҚ» АҚ негiзiнде құрылды. БЖЗҚ құрылтайшысы және акционерi — Қазақстан Республикасы Қаржы министрлiгiнiң «Мемлекеттiк мүлiк және жекешелендiру комитетi» ММ арқылы Қазақстан Республикасының Үкiметi. БЖЗҚ зейнетақы активтерiн сенiмгерлiкпен басқаруды Қазақстан Республикасының Ұлттық Банкi жүзеге асырады. 2016 жылғы 1 қаңтардан бастап зейнетақы активтерiн басқару тиiмдiлiгiн арттыру бойынша ұсыныстар жасау қызметi Қазақстан Республикасының Президентi басшылық ететiн Ұлттық қорды басқару кеңесiне берiлдi. Зейнетақы заңнамасына сәйкес БЖЗҚ мiндеттi зейнетақы жарналарын, мiндеттi кәсiптiк зейнетақы жарналарын, ерiктi зейнетақы жарналарын тартуды, зейнетақы төлемдерiн, зейнетақы жинақтары мен төлемдерiн жеке есепке алуды жүзеге асырады, салымшыға (алушыға) зейнетақы жинақтарының жай-күйi туралы ақпарат бередi (толығырақ www.enpf.kz сайтында).