Осыған байланысты ведомствоаралық комиссия бiрқатар шешiм қабылдады:
🔹2020 жылғы 25 желтоқсаннан бастап 2021 жылғы 5 қаңтарға дейiн ойын-сауық, спорттық және басқа да бұқаралық iс-шараларды, оның iшiнде жаңа жылдық ертеңгiлiктер мен мерекелiк корпоративтердi өткiзуге тыйым салынады.
🔹Эпидемиологиялық жағдай тұрақталғанға дейiн «Теңiз» кен орнында шектеу шаралары күшейтiледi.
🔹Бөлшек сауда желiсiнде антиковидтi дәрiлiк заттардың бағасын орта есеппен 24%-ға төмендету бойынша шаралар қабылдау.
Сонымен қатар бiлiм беру сапасын қамтамасыз ету мақсатында, Бiлiм және ғылым министрлiгiнiң ұсынысы бойынша, сондай-ақ қоғамның пiкiрiн ескере отырып, келесi шешiмдер қабылданды:
🔹оқу жылының III тоқсанынан бастап бiтiрушi сыныптар үшiн (9,11,12 сыныптар) санитарлық-эпидемиологиялық талаптарды сақтай отырып, аралас оқыту (пәндердiң 70%-ын — дәстүрлi форматта, 30%-ын — қашықтан) қарастырылсын;
🔹оқу жылының III тоқсанынан бастап мектеп оқушыларының бiлiмiндегi олқылықтардың орнын толтыру мақсатында сабақтан тыс уақытта 5 адамнан аспайтын топтарда жеке консультация ұйымдастырылсын;
🔹 II семестрден бастап колледждер мен жоғары оқу орындарының бiрiншi курс студенттерiн аралас оқыту қайта басталсын. Үкiмет басшысы әкiмдерге өңiрдегi эпидемиологиялық жағдайға байланысты жағдайды тұрақтандыру мақсатында қажеттi шектеу шараларын қабылдауды тапсырды.
Премьер-Министр әкiмдердiң назарын қоғамдық орындарды, мектептер мен балабақшаларды сапалы санитарлық өңдеу, сондай-ақ егу пункттерiн вакцинациялауға дайындау қажеттiгiне аударды.
Iшкi iстер министрлiгiне әкiмдiктермен бiрлесiп, мереке алдындағы және мереке күндерi санитарлық-эпидемиологиялық талаптарды сақтауды қамтамасыз ету тапсырылды.