"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңының 6-бабына, "Қазақстан Республикасында бейбіт жиналыстар ұйымдастыру және өткізу тәртібі туралы" Қазақстан Республикасының 2020 жылғы 25 мамырдағы Заңының 8 және 9-баптарына сәйкес, Ақкөл аудандық мәслихаты ШЕШІМ ҚАБЫЛДАДЫ:
- Осы шешімнің 1-қосымшасына сәйкес Ақкөл ауданында бейбіт жиналыстарды ұйымдастыру және өткізу үшін арнайы орындар айқындалсын.
- Осы шешімнің 2-қосымшасына сәйкес Ақкөл ауданында бейбіт жиналыстарды ұйымдастыру және өткізу үшін арнайы орындарды пайдалану тәртібі, олардың шекті толу нормалары, сондай-ақ бейбіт жиналыстарды ұйымдастыру және өткізу үшін арнайы орындарды материалдық-техникалық және ұйымдастырушылық қамтамасыз етуге қойылатын талаптар айқындалсын.
- Осы шешімнің 3-қосымшасына сәйкес Ақкөл ауданында пикеттеуді өткізуге тыйым салынған іргелес аумақтардың шекаралары айқындалсын.
- Осы шешім Ақмола облысының Әділет департаментінде мемлекеттік тіркелген күнінен бастап күшіне енеді және ресми жарияланған күнінен бастап қолданысқа енгізіледі.
|
Ақкөл аудандық
мәслихаты сессиясының
төрағасы
|
Б.Умербаев
|
|
Ақкөл аудандық
мәслихатының хатшысы
|
Д.Салыбекова
|
"КЕЛІСІЛДІ"
|
|
Ақкөл аудандық мәслихатының
2020 жылғы 25 желтоқсандағы
№ С 65-2 шешіміне
1-қосымша
|
Ақкөл ауданында бейбіт жиналыстарды ұйымдастыру және өткізу үшін арнайы орындар
Ақкөл ауданында бейбіт жиналыстарды ұйымдастыру және өткізу үшін арнайы орындар:
- Ақкөл қаласының Сағадат Нұрмағамбетов көшесі, 71 бойынша орналасқан аудандық мәдениет үйі ғимаратының алдындағы орталық алаң.
- Ақкөл қаласының Пушкин көшесі бойынша орналасқан қалалық стадион.
- Бейбіт жиналыстарды өткізу үшін жүру маршруты: Ақкөл қаласының Сағадат Нұрмағамбетов көшесінің басынан аудандық мәдениет үйі ғимаратының алдындағы орталық алаңға дейін.
|
|
Ақкөл аудандық мәслихатының
2020 жылғы 25 желтоқсандағы
№ С 65-2 шешіміне
2-қосымша
|
Ақкөл ауданында бейбіт жиналыстарды ұйымдастыру және өткізу үшін арнайы орындарды пайдалану тәртібі, олардың шекті толу нормалары, сондай-ақ бейбіт жиналыстарды ұйымдастыру және өткізу үшін арнайы орындарды материалдық-техникалық және ұйымдастырушылық қамтамасыз етуге қойылатын талаптар
- Ақкөл ауданында бейбіт жиналыстарды ұйымдастыру және өткізу үшін арнайы орындарды пайдалану тәртібі, олардың шекті толу нормалары, сондай-ақ бейбіт жиналыстарды ұйымдастыру және өткізу үшін арнайы орындарды материалдық-техникалық және ұйымдастырушылық қамтамасыз етуге қойылатын талаптар "Қазақстан Республикасында бейбіт жиналыстарды ұйымдастыру және өткізу тәртібі туралы" Қазақстан Республикасының 2020 жылғы 25 мамырдағы Заңына (бұдан әрі – Заң) сәйкес әзірленді.
- Бейбіт жиналыстар өткізуді материалдық-техникалық және ұйымдастырушылық қамтамасыз етуді оларды ұйымдастырушы мен оларға қатысушылар өз қаражаты есебінен, сондай-ақ осы бейбіт жиналыстарды өткізу үшін жиналған және (немесе) берілген қаражат пен мүлік есебінен, егер осы Заңда және Қазақстан Республикасының өзге де заңдарында өзгеше белгіленбесе, жүзеге асырады.
- Ақкөл ауданында бейбіт жиналыстарды ұйымдастыру және өткізу үшін арнайы орындардың шекті толу нормалары:
1) Ақкөл қаласының Сағадат Нұрмағамбетов көшесі, 71 бойынша орналасқан аудандық мәдениет үйі ғимаратының алдындағы орталық алаң, шекті толу нормасы 100 адам;
2) Ақкөл қаласының Пушкин көшесі бойынша орналасқан қалалық стадион, шекті толу нормасы 100 адам;
3) бейбіт жиналыстарды өткізу үшін жүру маршруты: Ақкөл қаласының Сағадат Нұрмағамбетов көшесінің басынан аудандық мәдениет үйі ғимаратының алдындағы орталық алаңға дейін, шекті толу нормасы 50 адам.
- Жергілікті атқарушы органның келісімінсіз бейбіт жиналыстар ұйымдастыру және өткізу үшін арнайы орындарда киіз үйлер, шатырлар, өзге де құрылысжайлар орнатуға жол берілмейді.
|
|
Ақкөл аудандық мәслихатының
2020 жылғы 25 желтоқсандағы
№ С 65-2 шешіміне
3-қосымша
|
Ақкөл ауданында пикеттеуді өткізуге тыйым салынған іргелес аумақтардың шекаралары
Ақкөл ауданында "Қазақстан Республикасында бейбіт жиналыстарды ұйымдастыру және өткізу тәртібі туралы" Қазақстан Республикасының 2020 жылғы 25 мамырдағы Заңының 9-бабының 5-тармағында көрсетілген объектілерге іргелес жатқан аумақтардың шекараларынан 200 метр қашықтықта пикеттеуді өткізуге жол берілмейді.