Меню
Қазақстан Республикасының азаматтары мен жұмыссыздар қатарындағы қандастар екі жыл ішінде бір рет кәсіптік оқуға құқылы.
Кәсіптік оқыту кәсіптік даярлауды, қайта даярлауды және біліктілікті арттыруды қамтиды және жүзеге асырылады:
1) Қазақстан Республикасының Білім беру саласындағы заңнамасына сәйкес техникалық және кәсіптік, орта білімнен кейінгі білім берудің білім беретін оқу бағдарламаларын іске асыратын білім беру ұйымдарында, білім беру қызметіне құқығы бар жұмыс берушілер жанындағы оқу орталықтарында (бұдан әрі - оқу ұйымдары) немесе жұмыс берушінің өтінімі бойынша жұмыс берушінің жұмыс орнында;
2) электрондық еңбек биржасында сұранысқа ие кәсіптер тізбесі бойынша жүргізіледі.
Кәсіптік оқытуды ұйымдастыру және қаржыландыру тәртібін уәкілетті мемлекеттік орган айқындайды.
Кәсіптік оқытуға жолдаманы мансап орталығы береді, егер:
1) қажетті кәсіби біліктіліктің болмауына байланысты тиісті жұмысты таңдау мүмкін емес;
2) кәсіптік дағдыларға жауап беретін жұмыстың болмауына байланысты кәсіпті (мамандықты), кәсіп түрін өзгерту қажет;
3)бұрынғы кәсібі бойынша жұмысты орындау қабілеті жоғалса.
Оқуды дәлелсіз себеппен өз бетінше тоқтатқан адамдар жұмыссыз ретінде қайта тіркелген күннен бастап бір күнтізбелік жыл өткен соң оқуға қайта жіберілуі мүмкін, бірақ бір реттен артық емес.